ރެފްރީންނަށް އިތުބާރު ކުރަން، ވާދަވެރިންނަކީ މޮރޮކޯ: ޑެޝޯމްޕްސް
9 ޖުލައި 2026 | ބުރާސްފަތި 09:12މުބާރާތުގެ ގަަދަ 16 ގައި އާޖެންޓީނާ އާއި މިޞްރު ބައްދަލު ކުރި މެޗުގެ ރެފްރީ އަކަށް ހުރި ފްރާންސްގެ ފްރާންސުއާ ލެޓެކްސިއޭގެ ނިންމުން ތަކަށް އަމާޒުވަމުން އަންނަ ފާޑު ކިޔުންތަކާ ގުޅޭ ގޮތުން ޑެޝޯމްޕްސް ބުނީ، މޮރޮކޯ މެޗުގެ ރެފްރީން ވެސް ލެޓެކްސިއޭ ފަދައިން މޮޅުވާނެ ކަމަށް އުންމީދު ކުރާ ކަމަށް.
ފީފާ ވޯލްޑް ކަޕްގެ ކުއާޓާ ފައިނަލްގައި މޮރޮކޯއާ ދެކޮޅަށް ކުޅޭ މެޗުގެ ކުރިން އޮތް ނޫސްވެރިންގެ ބައްދަލުވުމުގައި ފްރާންސްގެ ކޯޗު ޑިޑިއޭ ޑެޝޯމްޕްސް ވާހަކަ ދައްކަނީ. | ގެޓީ އިމޭޖަސް
ފީފާ ވޯލްޑް ކަޕްގެ ކުއާޓާ ފައިނަލް އަށް ނިކުންނައިރު، މެޗުގެ ރެފްރީންނަށް އިތުބާރު ކުރާ ކަމަށާއި، ފްރާންސްގެ ވާދަވެރިންނަކީ މޮރޮކޯ ކަމަށް އެ ޓީމުގެ ކޯޗު ޑިޑިއޭ ޑެޝޯމްޕްސް ބުނެފި އެވެ.
ޑެޝޯމްޕްސް މިހެން ބުނީ މުބާރާތުގެ ކުއާޓާ ފައިނަލްގައި މޮރޮކޯއާ ދެކޮޅަށް ފްރާންސް ނިކުންނަ މެޗުގެ ކުރިން އޮތް ނޫސްވެރިންގެ ބައްދަލުވުމުގައި އެވެ. މި މެޗުގެ ފަސްޓް ރެފްރީ އަކަށް އާޖެންޓީނާގެ ފަކުންޑޯ ޓެލޯ ހަމަޖައްސާފައިވާއިރު، އޭނާގެ އެހީތެރިންނަކީ ވެސް އާޖެންޓީނާ އަށް ނިސްބަތްވާ ރެފްރީންނެވެ.
މިކަމާ ބޮޑު ސަމާލު ކަމެއް ލިބިފައި ވަނީ 2022 ވަނަ އަހަރު ޤަތަރުގައި އޮތް ވޯލްޑް ކަޕްގެ ފައިނަލްގައި ފްރާންސް އާއި އާޖެންޓީނާ ބައްދަލު ކޮށްފައިވާއިރު، މިފަހަރުގެ ފައިނަލްގައި ވެސް މި ދެ ޓީމު ވާދަ ކުރަން ޖެހުމުގެ ފުރުސަތު އޮތުމުންނެވެ. ނަމަވެސް، ޑެޝޯމްޕްސް ބުނީ މެޗުގެ ރެފްރީންނަަށް އޭނާ އިތުބާރު ކުރާ ކަމަށާއި، ފްރާންސްގެ ވާދަވެރިޔަކީ މޮރޮކޯ ކަމަށެވެ.
ފީފާ ވޯލްޑް ކަޕްގެ ކުއާޓާ ފައިނަލްގައި މޮރޮކޯއާ ދެކޮޅަށް ކުޅޭ މެޗުގެ ކުރިން އޮތް ނޫސްވެރިންގެ ބައްދަލުވުމުގައި ފްރާންސްގެ ކޯޗު ޑިޑިއޭ ޑެޝޯމްޕްސް ވާހަކަ ދައްކަނީ.
މުބާރާތުގެ ގަަދަ 16 ގައި އާޖެންޓީނާ އާއި މިޞްރު ބައްދަލު ކުރި މެޗުގެ ރެފްރީ އަކަށް ހުރި ފްރާންސްގެ ފްރާންސުއާ ލެޓެކްސިއޭގެ ނިންމުން ތަކަށް އަމާޒުވަމުން އަންނަ ފާޑު ކިޔުންތަކާ ގުޅޭ ގޮތުން ޑެޝޯމްޕްސް ބުނީ، މޮރޮކޯ މެޗުގެ ރެފްރީން ވެސް ލެޓެކްސިއޭ ފަދައިން މޮޅުވާނެ ކަމަށް އުންމީދު ކުރާ ކަމަށެވެ.
މީގެ އިތުރުން 2022 ވަނަ އަހަރުގެ ވޯލްޑް ކަޕްގެ ސެމީ ފައިނަލްގައި މޮރޮކޯ އާއި ފްރާންސް ބައްދަލު ކުރި މެޗުގައި، މޮރޮކޯގެ ސޯފިއާ ބޫފަލް އަށް ކުރި ފައުލަކަށް ޕެނަލްޓީ ނުދިން މައްސަލައިގައި މޮރޮކޯގެ ނޫސްވެރިޔަކު ކުރި ސުވާލަކަށް ވެސް ޑެޝޯމްޕްސް ވަނީ މަލާމާތުގެ ރާގަކަށް ޖަވާބު ދީފައި އެވެ.
މޮރޮކޯއާ ގުޅޭ ގޮތުން ޑެޝޯމްޕްސް ބުނީ، އެ ޓީމަކީ ވަރުގަދަ ޓީމެއް ކަމަށާއި، މެޗުން މޮޅުވުމަށް ފްރާންސް އިން ވަރަށް ބޮޑަށް މަސައްކަތް ކުރަން ޖެހޭނެ ކަމަށެވެ. ވޯލްޑް ކަޕަށް ފަހު ފްރާންސް ޤައުމީ ޓީމުން ޑެޝޯމްޕްސް ވަކިވާއިރު، މޮރޮކޯ މެޗަކީ އޭނާގެ ފަހު މެޗު ކަމަށް ދެކެންތޯ ނޫސްވެރިޔަކު ސުވާލު ކުރި އެވެ. އެ ސުވާލަށް ޖަވާބު ދެމުން ޑެޝޯމްޕްސް ބުނީ، އޭނާގެ ހަމައެކަނި އަމާޒަކީ އެ މެޗުން މޮޅުވުން ކަމަށެވެ.
2022 ވަނަ އަހަރުގެ ވޯލްޑް ކަޕްގެ ސެމީ ފައިނަލްގައި މޮރޮކޯއާ ފްރާންސް ބައްދަލު ކުރި އިރު، އެ މެޗު ފްރާންސް އިން ކާމިޔާބު ކޮށްފައި ވަނީ 2-0 އިންނެވެ. މިފަހަރުގެ ކުއާޓާ ފައިނަލްގައި މޮރޮކޯ އާއި ފްރާންސް ބައްދަލު ކުރާ މެޗު ފަށާނީ ބުރާސްފަތި ދުވަހުގެ ރޭ ދަންވަރު 12 ޖަހާއިރު އެވެ.
