އާޖެންޓީނާއާ ދެކޮޅަށް ކުޅުނު މެޗުގެ ރެފްރީގެ ޝަކުވާާ މިޞްރުން ހުށަހަޅައިފި

ފީފާ ވޯލްޑް ކަޕްގެ ގަދަ16 ގައި އެންމެ ފަހުގެ ޗެމްޕިއަން އާޖެންޓީނާއާ ދެކޮޅަށް ކުޅުނު މެޗުގެ ރެފްރީ އަކަށް ހުރި ފްރާންސްގެ ފްރާންސްވާ ލެޓެކްސިއާގެ ޝަކުވާ މިޞްރުގެ ފުޓުބޯޅަ ފެޑެރޭޝަން އިން ރަސްމީކޮށް ހުށަހަޅައިފި އެވެ.

މީޑިއާ ތަކުގައި ރިޕޯޓު ކޮށްފައިވާ ގޮތުން މިޞްރުގެ ފަރާތުން މި ޝަކުވާ ފީފާ އަށް ހުށަހަޅާފައި ވަނީ، މިޞްރުގެ ފުޓުބޯޅަ ފެޑެރޭޝަންގެ ރައީސް ހާނީ އަބޫ ރީދާ އެވެ. 

ޝަކުވާ ހުށަހަޅާފައި ވަނީ ރެފްރީ ލެޓެކްސިއާ އާއި އޭނާގެ އެހީތެރިންނާ ދެކޮޅަށް ކަމަށް ރިޕޯޓުތައް ބުނެ އެވެ. މި ޝަކުވާ ހުށަހަޅާފައި ވަނީ އާޖެންޓީނާއާ ދެކޮޅަށް މިޞްރުން ކުޅުނު މެޗުގައި ރެފްރީގެ ފަރާތުން ފެނުނު ކަންކަމާ މެދު ހިތްހަމަ ނުޖެހިގެންނެވެ. 

ފްރާންސްވާ ލެޓެކްސިއާ އަކީ ފްރާންސްގެ މަޝްހޫރު ބައިނަލްއަޤުވާމީ ރެފްރީ އެކެވެ. އޭނާ ވަނީ ބައިނަލްއަޤުވާމީ ވަރަށް ގިނަ މުބާރާތް ތަކުގައި ރެފްރީކަން ކޮށްފައި އެވެ. އަދި އޭނާ ވަނީ ޔޫރަޕުގެ މުހިންމު ބައެއް މެޗު ތަކުގައި ވެސް ރެފްރީކަން ކޮށްފައި އެވެ. 

މިޞްރުން ރެފްރީގެ ޝަކުވާ ހުށަހަޅާފައިވާއިރު، މެޗަށް ފަހު މިޞްރުގެ ކޯޗު ހުސާމް ޙަސަން ވެސް ވަނީ ވަރަށް ބޮޑަށް ނުރުހުން ފާޅު ކޮށްފައި އެވެ. އެގޮތުން މުބާރާތުން މިޞްރު ބޭރު ކޮށްލާފައި ވަނީ ބޭއިންސާފުން ކަމަށް އޭނާ ބުނެފައިވެ އެވެ. އަދި މެޗުގައި މިޞްރުން ޖެހި ދެ ވަނަ ލަނޑު ބަލައި ނުގަތުމާއި، މިޞްރަށް ލިބެން ޖެހޭ ޕެނަލްޓީއެއް ނުދިން ކަމަށް ބުނެ އޭނާ ޝަކުވާ ކުރި އެވެ. 

Raajje.mv

މިޞްރު ބޭރުކޮށްލީ ބޭއިންސާފުން، ފީފާ އިން ބޭނުން ވަނީ މެސީ ހުންނަން: މިޞްރުގެ ކޯޗު

އާޖެންޓީނާއާ ދެކޮޅަށް ކުޅުނު މެޗުގައި މިޞްރުން ވަނީ ދެ ލަނޑު ޖަހައިގެން ލީޑު ނަގައިފަ އެވެ. މެޗުގެ ފަހު 11 މިނެޓާ ހަމައަށް ދިޔައިރު ވެސް ލީޑުގައި އޮތީ މިޞްރުންނެވެ. ނަމަވެސް، 79 ވަނަ މިނެޓުގައި ފުރަތަމަ ލަނޑު ޖެހި ފަހުން، އާޖެންޓީނާ އިން އިތުރު ދެ ލަނޑު ޖަހައިގެން ވަނީ މެޗުން މޮޅުވެފައި އެވެ.