ބެލްޖީއަމް އަށާއި އީޔޫއަށް ރާއްޖެއިން ކަނޑައަޅުއްވާ ސަފީރު ކަމަށް ދިޔާނާގެ ނަން ފޮނުއްވައިފި
7 ޖުލައި 2026 | އަންގާރަ 09:37ބެލްޖިއަމް އަދި ޔޫރަޕިއަން ޔޫނިއަނަށް ރާއްޖެއިން ކަނޑައަޅާ ސަފީރުކަމަށް ދިޔާނާ ސައީދު އައްޔަންކުރުމުގެ މައްސަލަ ދިރާސާކުރުމަށް މަޖިލީހުގެ ޚާރިޖީ ގުޅުންތަކުގެ ކޮމިޓީއަށް ވަނީ ފޮނުވާފަ. ކުރިން ބަންޑާރަނައިބުކަމާއި ސާކްގެ ސެކްރެޓަރީ ޖެނެރަލްކަން ކުރެއްވި ދިޔާނާ މިހާރު ހުންނެވީ ފޮރިން މިނިސްޓްރީގެ އެމްބެސެޑަރ އެޓް ލާޖްގެ މަގާމުގަ. ސަރުކާރުގެ ޚަރަދުތައް ކުޑަކުރުމަށް ފިޔަވަޅުތަކެއް އަޅަމުންދާ ދަނޑިވަޅެއްގައި، ސިޔާސީ މަގާމުތަކަށް މީހުން އައްޔަންކުރަމުންދާތީ އާންމު ރައްޔިތުންގެ ފާޑުކިޔުން ވަނީ އަމާޒުވެފަ.
ކުރީގެ ބަންޑާރަ ނައިބު ދިޔާނާ ސައީދު | މިހާރު
ކިންގްޑަމް އޮފް ބެލްޖީއަމްއަށާއި ޔޫރަޕިއަން ޔޫނިއަނަށް ދިވެހިރާއްޖެއިން ކަނޑައަޅުއްވާ ސަފީރު ކަމަށް ދިޔާނާ ސައީދު އައްޔަން ކުރެއްވުމަށް ރުހުން ހޯދަން ރައްޔިތުންގެ މަޖިލީހަށް ރައީސުލްޖުމްހުރިއްޔާ ޑރ. މުހައްމަދު މުއިއްޒު ފޮނުއްވައިފި އެވެ.
ރައީސް މުއިއްޒު ފޮނުއްވި މައްސަލަ އަންގާރަ ދުވަހު ރައްޔިތުންގެ މަޖިލީހުގެ ޖަލްސާގައި އަމީންއާމް ވަނީ އިއްވާފަ އެވެ. އަދި މި މައްސަލަ ވަނީ ދިރާސާ ކުރުމަށް ހާރިޖީ ގުޅުންތަކުގެ ކޮމިޓީއަށް ފޮނުވާފަ އެވެ.
ދިޔާނާ ވަނީ ރައީސް ނަޝީދުގެ ސަރުކާރުގައި ބަންޑާރަނައިބުކަން ކުރެއްވުމުގެ އިތުރުން ސާކް ޖަމިއްޔާގެ ސެކްރެޓަރީ ޖެނެރަލްކަން ވެސް ކުރައްވާފަ އެވެ. މީގެ އިތުރުން މިސަރުކާރުގައި ފޮރިން މިނިސްޓްރީގެ އެމްބެސެޑަރ އެޓް ލާޖްގެ މަޤާމަށް ކުރީގެ ވަޒީރު އާދަމް ޝަރީފް އުމަރު އާއި ތޯރިގް އިބްރާހިމް އާއެކު ދިޔާނާ ވަނީ އައްޔަން ކުރައްވާފަ އެވެ.
ރައީސް މުއިއްޒުގެ ސަރުކާރުން "ރައިޓް ސައިޒް" ކުރުމުގެ ނަމުގައި އެކި ނަންނަމުގައި މަގާމުތަކަށް މީހުން އައްޔަން ކުރަމުންދާކަމަށް ރައްޔިތުން ފާހަގަކުރެ އެވެ.
