ސައުދީ އަރަބިއްޔާގައި ހެލިކޮޕްޓަރެއް ވެއްޓި 14 މީހުން މަރުވެއްޖެ
ސައުދީ އަރަމްކޯގެ ހެލިކޮޕްޓަރެއް ވެއްޓި ހިނގި ހިތާމަވެރި ހާދިސާގައި މަރުވި މީހުންގެ އާއިލާތަކަށް އެ ގައުމުގެ އެނާޖީ މިނިސްޓްރީން ވަނީ ތައުޒިޔާ ފޮނުވާފައި. މި ހާދިސާ ހިނގަން މެދުވެރިވި ސަބަބު ދެނެގަތުމަށްޓަކައި ކަމާބެހޭ އިދާރާތަކުން މިހާރު ދަނީ ތަހުގީގެއް ހިންގަމުން
ސައުދީ އަރަބިއްޔާގެ ތެޔޮ ކުންފުނި، އަރަމްކޯގެ ހެލިކޮޕްޓަރެއް އާދީއްތަ ދުވަހު ވަނީ ވެއްޓިފައި | އެކްސް
ސައުދީ އަރަބިއްޔާގެ ރަސް ތަނޫރާގައި އާދީއްތަ ދުވަހުގެ ހެނދުނު ސައުދީ އަރަމްކޯގެ ހެލިކޮޕްޓަރެއް ވެއްޓި، އޭގައި ތިބި 14 މީހުން މަރުވެއްޖެ ކަމަށް އެ ގައުމުގެ އެނާޖީ މިނިސްޓްރީގެ އޮފިޝަލަކާ ހަވާލާދީ ސައުދީ ޕްރެސް އެޖެންސީ (އެސް.ޕީ.އޭ) އިން ރިޕޯޓްކޮށްފި އެވެ.
މި ހާދިސާގައި މަރުވި 14 މީހުންނަކީ ވެސް ސައުދީ އަރަބިއްޔާގެ ރައްޔިތުންނެވެ.
އެނާޖީ މިނިސްޓްރީގެ އޮފިޝަލް ވިދާޅުވި ގޮތުގައި، މި ހެލިކޮޕްޓަރު ވެއްޓެން މެދުވެރިވި ސަބަބު ދެނެގަތުމަށްޓަކައި މިހާރު ދަނީ ތަހުގީގެއް ހިންގަމުންނެވެ.
މި ހާދިސާއާ ގުޅިގެން އެސް.ޕީ.އޭ އިން ބުނީ، މި ހާދިސާގައި މަރުވި މީހުންގެ އާއިލާތަކަށް އެނާޖީ މިނިސްޓްރީން ތައުޒިޔާ ފޮނުވާފައިވާ ކަމަށެވެ.
