ފްރާންސް ގައި މަތިންދާބޯޓެއް ވެއްޓި 11 މީހުން މަރުވެއްޖެ
ފްރާންސްގެ ޕެރަޝޫޓް ގައި ފުންމާލަން ދަސްކޮށްދޭ ސްކޫލެއްގެ ބޯޓެއް ވެއްޓި، އޭގައި ތިބި ޕައިލެޓާއި 10 ފަސިންޖަރުން ހިމެނޭހެން ޖުމްލަ 11 މީހުން ވަނީ މަރުވެފައި. މަރުވި މީހުންގެ ތެރޭގައި ފަސް އިންސްޓްރަކްޓަރުންނާއި ފަސް ދަރިވަރުން ހިމެނޭ
ފްރާންސްގެ އިރުއުތުރުގައި އޮންނަ ޓޮމްބްލޭން ނަމަކަށް ކިޔާ އަވަށަކަށް އާދީއްތަ ދުވަހު މަތިންދާބޯޓެއް ވެއްޓި ހިނގި ނުރައްކާތެރި ހާދިސާގައި 11 މީހުން ވަނީ މަރުވެފައި. | އެކްސް
ފްރާންސްގެ އިރުއުތުރުގެ ރަށެއް ކަމަށްވާ ޓޮމްބްލޭންގައި އާދީއްތަ ދުވަހު ހިނގި މަތިންދާބޯޓު އެކްސިޑެންޓެއްގައި 11 މީހުން މަރުވެއްޖެ ކަމަށް ފްރާންސްގެ ކަމާބެހޭ އިދާރާތަކުން ހާމަކޮށްފި އެވެ.
މި ހާދިސާގައި މަރުވީ ޕެރަޝޫޓް ގައި ފުންމާލަން ދަސްކޮށްދޭ ސްކޫލަކަށް ނިސްބަތްވާ ބޯޓެއްގައި ތިބި މީހުންނެވެ. އެގޮތުން ބޯޓު ދުއްވަން އިން ޕައިލެޓުގެ އިތުރުން، ބޯޓުން ދަތުރުކުރި 10 ފަސިންޖަރުން ވެސް މި ހާދިސާގައި މަރުވެފައިވާ ކަމަށް ރިޕޯޓުތައް ބުނެ އެވެ. މަރުވި ފަސިންޖަރުންގެ ތެރޭގައި ހިމެނެނީ ޕެރަޝޫޓް ގައި ފުންމާލަން ދަސްކުރާ ފަސް ދަރިވަރުންނާއި ފަސް އިންސްޓްރަކްޓަރުންނެވެ.
ފްރާންސްގެ އިންޓީރިއާ މިނިސްޓްރީން ބުނި ގޮތުގައި، މި ހާދިސާ ހިނގި ސަރަހައްދަށް އެ ގައުމުގެ އިންޓީރިއާ މިނިސްޓަރު ވަޑައިގަތުމަށް ވަނީ ހަމަޖެހިފަ އެވެ.
