ހިލަމުގުރާ މެޝިނެއްގެ ތެރޭގައި ސައުދީ އަށް އެތެރެކުރަން އުޅުނު 1.4 މިލިއަން އެމްފެޓަމިން ގުޅަ އަތުލައިގަނެފި
ސައުދީ އަރަބިއްޔާގެ އުތުރު ބޯޑަރު ސަރަހައްދުން ގިނަ އަދަދެއްގެ މަސްތުވާތަކެތި އަތުލައިގަތް މި މައްސަލައިގައި، އެ ގައުމުގެ ތިން މީހަކާއި އުރުދުންގެ ރައްޔިތަކު ވަނީ ހައްޔަރުކޮށްފައި. މި އޮޕަރޭޝަނަކީ އެ ގައުމުގެ ޒުވާނުން މަސްތުވާތަކެތީގެ ނުރައްކަލުން ސަލާމަތްކުރުމަށް ސަރުކާރުން ކުރަމުންދާ މަސައްކަތުގެ ދަށުން ހިންގި ހަރަކާތެއް ކަމަށް ރިޕޯޓުތައް ބުނޭ.
ސައުދީ އަރަބިއްޔާގެ އުތުރު ބޯޑަރު ސަރަހައްދުގައި ހިލަ މުގުރަން ބޭނުންކުރާ މެޝިނެއްގެ ތެރޭގައި ފޮރުވައިގެން އެތެރެކުރަން އުޅުނު 1،401،925 އެމްފެޓަމިން ގުޅަ، އެ ގައުމުގެ ޖެނެރަލް ޑައިރެކްޓްރޭޓް އޮފް ނާކޮޓިކްސް ކޮންޓްރޯލް (ޖީ.ޑީ.އެން.ސީ) އިން އަތުލައިގެންފި. | ސައުދީގެޒެޓް
ސައުދީ އަރަބިއްޔާގެ އުތުރު ބޯޑަރު ސަރަހައްދު ގައި ހިލަ މުގުރަން ބޭނުންކުރާ މެޝިނެއްގެ ތެރޭގައި ފޮރުވައިގެން އެތެރެކުރަން އުޅުނު 1،401،925 އެމްފެޓަމިން ގުޅަ، އެ ގައުމުގެ ޖެނެރަލް ޑައިރެކްޓްރޭޓް އޮފް ނާކޮޓިކްސް ކޮންޓްރޯލް (ޖީ.ޑީ.އެން.ސީ) އިން އަތުލައިގަނެފިއެވެ.
މި މައްސަލައާ ގުޅިގެން، މަސްތުވާތަކެތި އުފުލި މީހާއާއި އެ ތަކެއްޗާ ހަވާލުވާން ތިބި މީހުން ނޮދަން ބޯޑަރ ރީޖަންއިން ސަލާމަތީ ބާރުތަކުން ވަނީ ހައްޔަރުކޮށްފައެވެ. ހައްޔަރުކުރި މީހުންގެ ތެރޭގައި ސައުދީ އަރަބިއްޔާގެ ތިން ރައްޔިތުންނާއި އުރުދުންގެ ރައްޔިތަކު ހިމެނެއެވެ.
މި ތަކެތި އަތުލައިގަނެފައިވަނީ، ސައުދީ އަރަބިއްޔާގެ ސަލާމަތާއި އެ ގައުމުގެ ޒުވާނުންނަށް އަމާޒުކޮށް ހިންގާ މަސްތުވާތަކެތީގެ ވަގުފާރިއާއި އެތެރެކުރުމުގެ ހަރަކާތްތައް ހުއްޓުވުމަށް އެ ގައުމުގެ މިނިސްޓްރީ އޮފް އިންޓީރިއާއިން ކުރަމުންދާ މަސައްކަތްތަކުގެ ދަށުން ކަމަށް ރިޕޯޓުތައް ބުނެއެވެ.
ސައުދީ މިނިސްޓްރީ އޮފް އިންޓީރިއާއިން ބުނީ، އެ ގައުމުގެ ޒަކާތް، ޓެކްސް އެންޑް ކަސްޓަމްސް އޮތޯރިޓީއާ ގުޅިގެން، މަސްތުވާތަކެތި ބޭނުންކޮށްގެން ގައުމާއި ޒުވާނުންނަށް ނުރައްކާ ކުރަން މަސައްކަތްކުރާ ކޮންމެ ފަރާތަކާ ދެކޮޅަށް ސަލާމަތީ ހުރިހާ ދާއިރާއަކުން ހަރުކަށި ފިޔަވަޅު އަޅަމުންދާނެ ކަމަށެވެ.
މަސްދަރު: ސައުދީ ގެޒެޓް
