ރަސްމީ ދަތުރުފުޅެއްގައި އީރާންގެ ފޮރިން މިނިސްޓަރު އަރާގްޗީ އިރާޤަށް

އީރާންގެ ފޮރިން މިނިސްޓަރު އައްބާސް އަރާގްޗީި، އިރާޤަށް ކުރައްވާ ރަސްމީ ދަތުރުފުޅެއްގައި އާދީއްތަ ދުވަހު ފުރައި ވަޑައިގެންފި އެވެ. 

ޓެލެގްރާމްގައި ކުރެއްވި ޕޯސްޓެއްގައި އަރާގްޗީ ވިދާޅުވީ، މި ދަތުރުފުޅުގައި އިރާޤުގެ އިސް ވެރިންނާ ބައްދަލު ކުރައްވައި ދެ ޤައުމުގެ ދެމެދުގައިވާ ގުޅުމާއި، ސަރަހައްދީ ކަންކަމާ އަދި އެހެނިހެން މުހިންމު މައްސަލަތަކާ ބެހޭ ގޮތުން މަޝްވަރާ ކުރައްވާނެ ކަމަށެވެ.

އީރާން އާއި އިރާޤަކީ ސަރަހައްދުގައި މުހިންމު ދައުރެއް އަދާ ކުރާ ދެ ޤައުމެވެ. މި ދެ ޤައުމުގެ ދެމެދުގައި ދިގު މުއްދަތުގެ ތާރީޚީ ގުޅުމެއް އޮވެ އެވެ. ސިޔާސީ، އިޤްތިޞާދީ އަދި ދީނީ ގޮތުން މި ދެ ޤައުމުގެ ދެމެދުގައި ވަރަށް ބާރު ގަދަ ގުޅުމެއް އޮވެ އެވެ.

މި ދަތުރުފުޅުގައި ދެ ޤައުމުގެ ދެމެދުގައިވާ ވިޔަފާރީގެ ގުޅުންތައް ބަދަހި ކުރުމާއި، އިޤްތިޞާދީ އެއްބާރުލުން ވަރުގަދަ ކުރުމާ ބެހޭގޮތުން ވެސް މަޝްވަރާ ކުރައްވާނެ ކަމަށް ބެލެވެ އެވެ. މީގެ އިތުރުން ސަރަހައްދުގައި މިހާރު އޮތް ޙާލަތާއި، ސަރަހައްދީ ސަލާމަތާއި ރައްކާތެރިކަން ދެމެހެއްޓުމަށް ކުރެވިދާނެ މަސައްކަތްތަކާ ބެހޭ ގޮތުން ވެސް މަޝްވަރާ ކުރައްވާނެ ކަމަށް ލަފާ ކުރެވެ އެވެ.

އަރާގްޗީ އިރާޤަށް މި ވަޑައިގަންނަވަނީ، މެދު އިރުމަތީގެ ސަރަހައްދުގައި ވަރަށް ގިނަ ކަންކަން ހިނގަމުން އަންނަ ދަނޑިވަޅެއްގައި އެވެ. ސަރަހައްދީ ސަލާމަތާއި ރައްކާތެރިކަން ދެމެހެއްޓުމަށް އީރާން އާއި އިރާޤުން ވަރަށް ބޮޑަށް މަސައްކަތް ކުރަމުންދާކަން ފާހަގަ ކުރެވެ އެވެ.

އީރާންގެ ފޮރިން މިނިސްޓަރު އަރާގްޗީ އިރާޤަށް ކުރައްވާ މި ދަތުރުފުޅަކީ ދެ ގައުމުގެ ދެމެދުގައިވާ ގުޅުން އިތުރަށް ބަދަހި ކުރުމަށް ކުރައްވާ މުހިންމު ދަތުރުފުޅަކަށް ވާނެ އެވެ. އިރާޤުގެ އިސް ވެރިންނާ ބައްދަލު ކުރައްވައި، ދެ ޤައުމަށް ފައިދާހުރި މުހިންމު މައްސަލަތަކާ ބެހޭ ގޮތުން މަޝްވަރާ ކުރައްވާނެ ކަމަށް ބެލެވެ އެވެ.