ކޮންގޯ އިން ޕޯޗުގަލް ހުއްޓުވައިފި
މެޗު އެއްވަރުވީއިރު، މިއީ ކޮންގޯ އިން 52 އަހަރު ފަހުން ވޯލްޑް ކަޕްގައި ކުަޅުނު ފުރަތަމަ ފަހަރު. އަނެއްކޮޅުން މިއީ، ކޮންގޯގެ ނަމަށް ނަން ބަދަލު ކުރި ފަހުން، އެ ޤައުމުން ކުޅޭ ފުރަތަމަ ވޯލްޑް ކަޕް.
ޕޯޗުގަލް އާއި ކޮންގޯ ކުޅުނު މެޗުގެ ތެރެއިން. | ރޮއިޓާސް
ފީފާ ވޯލްޑް ކަޕްގައި ޕޯޗުގަލްއާ ދެކޮޅަށް ކުޅުނު މެޗު ކޮންގޯ އިން އެއްވަރު ކޮށްފި އެވެ
ބުދަ ދުވަހުގެ ރޭ ކުޅުނު މެޗު ނިމުނީ ދެ ޓީމު 1-1 އިން އެއްވަރު ވެގެންނެވެ. މެޗުގައި ޕޯޗުގަލް އިން ލަނޑު ޖަހައި ކުރި ހޯދާފައި ވަނިކޮށް، ކޮންގޯ އިން ވަނީ ފަހަތުން އަރައި ނަތީޖާ ހަމަހަމަ ކޮށްފައި އެވެ.
މެޗު ފަށައިގެން ހަ ވަނަ މިނެޓުގައި ޕޯޗުގަލް އިން ވަނީ ލަނޑު ޖަހައި ލީޑު ނަގައިފަ އެވެ. އެ ލަނޑު ޕޯޗުގަލް އަށް ޖަހައިދިނީ ޔާއޯ ނެވެސް އެވެ. އެއީ ޕެޑްރޯ ނެޓޯ ތަނަވަސްކޮށްދިން ފުރުސަތެއްގައި އޭނާ ޖެހި ލަނޑެކެވެ.
ނަމަވެސް، މެޗުގެ ފުރަތަމަ ހާފުގެ ފުރިހަމަ ވަގުތު ހަމަވެ، އިތުރަށް ދެއްކި ވަގުތުގައި ކޮންގޯ އިން ވަނީ ލަނޑު ޖަހައި ނަތީޖާ ހަމަހަމަ ކޮށްފައި އެވެ. އެ ލަނޑު ކޮންގޯ އަށް ޖަހައިދިނީ ޖޮއާން ވިއްސާ އެވެ. އެ ލަނޑު ޖަހަން އޭނާ އަށް ފުރުސަތު ތަނަަވަސްކޮށްދިނީ އާތޫރް މަސުއާކޫ އެވެ.
މެޗު އެއްވަރުވީއިރު، މިއީ ކޮންގޯ އިން 52 އަހަރު ފަހުން ވޯލްޑް ކަޕްގައި ކުަޅުނު ފުރަތަމަ ފަހަރެވެ. އަނެއްކޮޅުން މިއީ، ކޮންގޯގެ ނަމަށް ނަން ބަދަލު ކުރި ފަހުން، އެ ޤައުމުން ކުޅޭ ފުރަތަމަ ވޯލްޑް ކަޕް އެވެ.
މި މެޗާ އެކު، އުމުރުން 41 އަހަރުގެ ކްރިސްޓިއާނޯ ރޮނާލްޑޯ ވެފައި ވަނީ ހަ ވޯލްޑް ކަޕްގައި ކުޅުނު ޔޫރަޕުގެ ފުރަތަމަ ކުޅުންތެރިޔާ އަަށް ވެފައި އެވެ.
