ހުކުރު ދުވަހުގެ ކުރިން، އެމެރިކާ އާއި އީރާންގެ އެއްބަސްވުން ޓްރަމްޕް އާންމު ކޮށްފާނެ

އެމެރިކާ އާއި އީރާންގެ އެއްބަސްވުމުގައި އެމެރިކާާގެ ރައީސް ޑޮނަަލްޑް ޓްރަމްޕް ސޮއި ކުރައްވާފައިވާ ކަމަށް ވިދާޅުވެފައި ވަނިކޮށް، ހުކުރު ދުވަހުގެ ކުރިން ޓްރަމްޕް އެ އެއްބަސްވުން އާންމު ކުރައްވައި ފާނެ ކަމަށް އެމެރިކާގެ ނައިބު ރައީސް ޖޭޑީ ވޭންސް ވިދާޅުވެއްޖެ އެވެ. 

އެމެރިކާގެ ނައިބު ރައީސް ވޭންސް ވިދާޅުވެފައި ވަނީ، އެމެެރިކާާ އާއި އީރާންއާ ދެމެދު ސޮއި ކޮށްފައިވާ އެއްބަސްވުމަކީ އެއް ސަފުހާގެ ދިގު ލިޔުމެއް ކަމަށާއި، އެއީ ވަރަށް އާންމު ލިޔުމެއް ކަމަށެވެ. 

އެމެރިކާާގެ އިސްވެރިން ވަނީ އެ އެއްބަސްވުމުގައި ހިމެނޭ ބައެއް ކަންކަން ހާމަ ކުރައްވަން ފައްޓަވައިފަ އެވެ. އެގޮުތުން ހޮރްމޫޒް ކަނޑު އޮޅިި ހުޅުވާލުމާއި، ހުކުރު ދުވަހު ސްވިޒެލެންޑުގައި ރަސްމީކޮށް ސޮއި ކުރުން ހިމެނޭ ކަމަށް ވެސް އެ ބޭފުޅުން ވިދާޅުވެފައިވެ އެވެ. 

މިކަންކަން ހިނގަމުން ދަނީ އެމެރިކާގެ ރައީސް ޓްރަމްޕް، ޖީ7 ގެ ބައްދަލުވުމުގައި ބައިވެރިވެ ވަޑައިގެންނެވުމަށް ފްރާންސްގައި ހުންނަވަނިކޮށެވެ. އެ ބައްދަލުވުމުގައި މިޞްރު، ޤަތަރި އަދި އެކުވެރި އަރަބި އިމާރާތުގެ ލީޑަރު ވެސް ބައިވެރިވެ ވަޑައިގަންނަވާނެ އެވެ. 

ފްރާންސްގެ ރައީސް އިމަނުއެލް މެކްރޮންއާ ބައްދަލު ކުރައްވައި، ހޯމަ ދުވަހު ޓްރަމްޕް ވިދާޅުވެފައި ވަނީ އެ އެއްބަސްވުމުގައި މިހާރު ސޮއި ކޮށްފައިވާ ކަމަށެވެ. އަދި އެކަމާ މެދު ވަރަށް ބޮޑަށް ހިތްހަމަ ޖެހިވަޑައިގެން އަދި އުފާވެފައި ހުންނެވި ކަމަށް ވެސް ޓްރަމްޕް ވިދާޅުވި އެވެ. 

އީރާންގެ ނިއުކްލިއާ ޕްރޮގްރާމްއާ ބެހޭ ގޮތުން ޓެކްނިކަލް މަޝްވަރާތައް މި ހަފުތާގައި ފަށާނެ ކަމަށް އެމެރިކާގެ އިސްވެރިން ވިދާޅުވި އެވެ. އީރާން އަށް ދެވޭނެ ލުއި ތަކާއި، މާލީ އެހީތައް ލިބޭނީ އީރާން އިން އެއްބަސްވުމުގެ ދަށުން ކުރަން ޖެހޭ ކަންކަން ފުރިހަމަ ކުރުމުން ކަމަށް އެ ބޭފުޅުން ވިދާޅުވި އެވެ.