ސުލްހައިގެ އެއްބަސްވުމުގައި ރަސްމީކޮށް ސޮއިކުރުމުގެ ކުރިން، މި ހަފުތާގައި ދޯހާގައި އެމެރިކާއާއި އީރާނުން ބައްދަލު ކުރަނީ

މެދުއިރުމަތީގެ ހަނގުރާމަ ހުއްޓާލުމަށް އެކުލަވާލާފައިވާ އެއްބަސްވުމުގައި ރަސްމީކޮށް ސޮއިކުރުމުގެ ކުރިން، މި ހަފުތާގައި ގަތަރުގެ ދޯހާގައި އެމެރިކާއާއި އީރާނުން ނުސީދާ ބައްދަލުވުންތަކެއް ބޭއްވުމަށް ހަމަޖެހިފައިވާ ކަމަށް ޑިޕްލޮމެޓަކު ހޯމަ ދުވަހު އޭއެފްޕީއަށް މައުލޫމާތު ދީފިއެވެ.

މި ބައްދަލުވުމުގެ އިންތިޒާމުތަކާ ގުޅޭގޮތުން ނަން ހާމަނުކުރުމަށް އެދި އެ ޑިޕްލޮމެޓް ވިދާޅުވީ، ސްވިޒަލޭންޑުގައި އެއްބަސްވުމުގައި ރަސްމީކޮށް ސޮއިކުރުމާއި ފަންނީ ވާހަކަތައް ފެށުމުގެ ކުރިން، މި ހަފުތާގައި ދޯހާގައި ކޮންމެ ފަރާތަކާއެކު ވަކިވަކިން ތައްޔާރީ ބައްދަލުވުންތައް ބާއްވާނެ ކަމަށެވެ.

މައުލޫމާތު ދިން މަސްދަރުން އިތުރަށް ބުނި ގޮތުގައި، އާދީއްތަ ދުވަހު ފަށައިގެން 17 ގަޑިއިރަށް ދެމިގެންދިޔަ ވަރުގަދަ މަޝްވަރާތަކަށްފަހު، ދެފަރާތުގެ މެދުގައި އެއްބަސްވުމަކަށް އާދެވުމާއެކު ގަތަރުގެ މެދުވެރިން މިހާރު ވަނީ ތެހެރާނުން ފުރާފައެވެ.