އިސްލާމްއާބާދު މެމޮރެންޑަމްގައި އާދީއްތަ ދުވަހު ސޮއިނުކުރާނެ: އީރާން
އިސްލާމްއާބާދު މެމޮރެންޑަމްގައި ސޮއިކުރުން ފަސްކޮށްފައިވާކަން ހާމަކުރައްވަމުން، ކުރިއަށް އޮތް ދުވަސްތަކުގައި އެ އެއްބަސްވުމުގައި ސޮއިކުރުމުގެ ފުރުސަތު އޮތްކަމަށް އީރާނުގެ ފޮރިން މިނިސްޓްރީގެ ތަރުޖަމާނު ވިދާޅުވެއްޖެ ނަމަވެސް، މިކަމުގައި ބައިވެރިވާ އަނެއް ފަރާތުގެ ފަސްޖެހުންތަކެއް ހުރުމާއެކު، ސޮއިކުރާނެ ވަކި ތާރީޚެއް ކަނޑައެޅުމުގައި ސަމާލުވާންޖެހޭކަމަށް އޭނާ ފާހަގަކުރެއްވި.
އެމެރިކާ އާއި އިޒްރޭލުން އީރާނާ ދެކޮޅަށް ކުރަމުންދާ ހަނގުރާމައިގެ މައްސަލަތައް ހޫނުވެފައިވާ ދަނޑިވަޅެއްގައި، އީރާނުގެ ޚާރިޖީ ވުޒާރާގެ ތަރުޖަމާނު އިސްމާއީލް ބަޣާއީ 2026 އޭޕްރިލް 5 ވަނަ ދުވަހު އީރާނުގެ ތެހެރާންގައި ދެއްވި އިންޓަވިއުއެއްގެ ތެރެއިން. | ރޮއިޓާސް
އިސްލާމްއާބާދު މެމޮަރެންޑަމްގައި ސޮއިކުރުން އާދީއްތަ ދުވަހު ނޯންނާނެ ކަމަށް އީރާނުގެ ފޮރިން މިނިސްޓްރީގެ ތަރުޖަމާނު އިސްމާއިލް ބަޣާއީ ވިދާޅުވެއްޖެ ކަމަށް އެ ގައުމުގެ ދައުލަތުގެ މީޑިއާއިން ހޮނިހިރު ދުވަހު ރިޕޯޓްކޮށްފިއެވެ.
ތަރުޖަމާނު ބަޣާއީ ވިދާޅުވީ، ކުރިއަށް އޮތް ދުވަސްތަކުގައި މި އެއްބަސްވުމުގައި ސޮއިކުރުމުގެ ފުރުސަތު އެބައޮތް ކަމަށެވެ. ނަމަވެސް، މިކަމުގައި ބައިވެރިވާ އަނެއް ފަރާތުގެ ފަސްޖެހުންތަކެއް ހުރުމާއެކު، ސޮއިކުރާނެ ވަކި ތާރީޚަކާ ގުޅޭގޮތުން ވާހަކަދެއްކުމުގައި ސަމާލުވާންޖެހޭ ކަމަށް އޭނާ އިތުރަށް ފާހަގަކުރެއްވިއެވެ.
