އިޒްރޭލްގެ ދެ އެއާ ބޭސް އަކަށް ހަމަލާ ދީފައިވާ ކަމަށް އީރާން އިން ބުނެފި

އިޒްރޭލްގެ ދެ އެއާ ބޭސް އަކަށް ހަމަލާ ދީފައިވާ ކަމަށް، އީރާންގެ އިސްލާމިކް ރިވޮލިއުޝަނަރީ ގާޑް ކޯޕްސް (އައިއާރުޖީސީ) އިން ބުނެފި އެވެ.

އައިއާރުޖީސީ އިން ބުނީ މި ހަމަލާތައް ދީފައި ވަނީ ކުރިން އިޒްރޭލް އިން އީރާންގެ ތިން ސަރަހައްދެއްގައި ހުންނަ ރާޑަރު ސައިޓު ތަކަށް ދިން ހަމަލާ ތަކުގެ ރައްދުގެ ގޮތުގައި ކަމަށެވެ.

އައިއާރުޖީސީ އިން ބުނީ މި ހަމަލާތައް ދީފައި ވަނީ ނެވަޓިމް އަދި ޓެލް ނޯފް އެއާ ބޭސް ތަކަށް ކަމަށާއި، މި ހަމަލާތައް ދީފައި ވަނީ ކުޑަ ވަގުތު ކޮޅެއް ކުރިން ކަމަށެވެ. އައިއާރުޖީސީ އިން ވަނީ މި ހަމަލާތަކުގެ ތަފްސީލު ވެސް ހާމަކޮށްފަ އެވެ.

އިޒްރޭލް އިން ކުރިން އީރާން އަށް ދިން ހަމަލާ ތަކުގައި އީރާންގެ ތިން ސަރަހައްދެއްގައި ހުންނަ ރާޑަރު ސައިޓު ތަކަށް ވަނީ ގެއްލުން ދީފައި އެވެ. މި ހަމަލާ ތަކަކީ އީރާންގެ ދިފާއީ ނިޒާމަށް ބޮޑު ގެއްލުމެއް ދިނުމަށް އިޒްރޭލް އިން ހިންގި ހަމަލާތަކެއް ކަމަށް ބައެއް މީޑިއާ ތަކުން ރިޕޯޓު ކޮށްފައިވެ އެވެ.

އީރާން އާއި އިޒްރޭލްއާ ދެމެދު އޮތް ނުތަނަވަސްކަން މިހާރު ވަނީ އިތުރަށް ބޮޑުވެފައި އެވެ. މި ދެ ގައުމުގެ ދެމެދުގައި ހަމަލާތައް ބަދަލު ކުރުމަކީ މި ސަރަހައްދުގައި ވަރަށް ބޮޑު ހަނގުރާމައެއް ފެށިދާނެ ކަމުގެ ބިރު އޮތް ކަމެއް ކަމަށް ބައިނަލްއަގުވާމީ މާހިރުން  ބުނެ އެވެ.

އައިއާރުޖީސީ އިން ހޯމަ ދުވަހު ދިން ހަމަލާ ތަކުގައި ބޭނުން ކޮށްފައި ވަނީ ކޮން ބާވަތެއްގެ ހަތިޔާރެއް ކަމެއް ހާމަ ކޮށްފައި ނުވެ އެވެ. ނަމަވެސް، އީރާން އިން މީގެ ކުރިން ވެސް އިޒްރޭލް އަށް ހަމަލާ ދިނުމުގައި ބެލިސްޓިކް މިސައިލް އާއި ޑްރޯން ބޭނުން ކޮށްފައިވެ އެވެ. 

އީރާންގެ މި ހަމަލާތަކާ ގުޅޭ ގޮތުން އިޒްރޭލް އިން މިހާތަނަށް ރަސްމީކޮށް އެއްޗެއް ބުނެފައި ނުވެ އެވެ.