ޓްރަމްޕް އިންޒާރު ދީފައި ވަނިކޮށް، އިޒްރޭލް އިން އީރާން އަށް ހަަމަލާ ދީފި

އިޒްރޭލް އިން އީރާންގެ ވެރި ރަށް ތެހްރާން އާއި ތަބްރީޒް އަދި އިސްފަހާން އަށް ވައިގެ ހަމަލާ ތަކެއް ދީފި އެވެ.

މި ހަމަލާތައް ދީފައި ވަނީ އެމެރިކާގެ ރައީސް ޑޮނަލްޑް ޓްރަމްޕް، ހަމަލާތައް ހުއްޓާލުމަށާއި، އީރާން އަށް ހަމަލާ ނުދިނުމަށް އިޒްރޭލް އަށް އަންގާފައި ވަނިކޮށެވެ. ޓްރަމްޕް އަންގާފައި ވަނީ، އީރާން އިން ދިން ހަމަލާ ތަކުގެ ރައްދު އިޒްރޭލް އިން ނުދިނުމަށެވެ.  

އިޒްރޭލް އިން ލުބުނާންގެ ވެރި ރަށް ބެއިރޫތަށް ދިން ހަމަލާ ތަކަށް ރައްދު ދިނުމުގެ ގޮތުން، އީރާން އިން ވަނީ އިޒްރޭލް އަށް ހަމަލާ ތަކެއް ދީފައި އެވެ. މި ހަމަލާ ތަކުގެ ސަބަބުން އެ ސަރަހައްދުގެ ޙާލަތު އިތުރަށް ގޯސްވެ، ބައިނަލްއަޤުވާމީ މުޖުތަމައުން ވަނީ ކަންބޮޑުވުން ވެސް ފާޅު ކޮށްފައި އެވެ. 

އިޒްރޭލް އިން އީރާންގެ މި ތިން ސިޓީ އަށް ދިން ހަމަލާ ތަކުގައި، އެ ގައުމުގެ މުހިންމު ލަނޑު ދަނޑި ތަކަށް ހަމަލާ ދީފައިވާ ކަމަށް ރިޕޯޓުތައް ބުނެ އެވެ. މި ހަމަލާ ތަކުގައި މަރުވެފައި ވަނީ ކިތައް މީހުން ކަމެއް، އަދި ހަމަލާ ތަކުގައި ލިބިފައިވާ ގެއްލުމުގެ އެއްވެސް ތަފްސީލެއް މިހާތަނަށް ހާމަކޮށްފައި ނުވެ އެވެ. 

އީރާން އަށް އަލުން ހަމަލާ ނުދިނުމަށް ޓްރަމްޕް ވަނީ، އިޒްރޭލްގެ ބޮޑު ވަޒީރު ބެންޖަމިން ނަތަންޔާހޫ އަށް ވެސް އަންގަވައިފަ އެވެ. އަދި ނަތަންޔާހޫ އެކަން ޤަބޫލު ކޮށްފައިވާ ކަމަށް ވެސް އިޒްރޭލްގެ މީޑިއާ ތަކުގައި ބުނެފައިވެ އެވެ. ނަމަވެސް، އެކަމަށް ފުރަގަސްދީ، ޓްރަމްޕްގެ ގޮވާލުމަށް ދެކޮޅު ހަދައި އިޒްރޭލް އިން މި ވަނީ އީރާން އަށް ހަމަލާ ދީފައި އެވެ. 

މެދު އިރުމަތީގެ ސަރަހައްދުގެ ހާލަތު ދަނީ ދުވަހުން ދުވަހަށް ގޯސް ވަމުންނެވެ. ލުބުނާންގެ ދެކުނުގައި އޮންނަ ބެއިރޫތަށް އިޒްރޭލް އިން ދިން ހަމަލާ ތަކަށް ރައްދު ދިނުމުގެ ގޮތުން އީރާން އިން މިސައިލް ހަމަލާ ތަކެއް ދިނުމުން، އިޒްރޭލް އިން ވަނީ އީރާންގެ ސިޓީ ތަކަށް ވައިގެ ހަމަލާ ތަކެއް ދީފައި އެވެ.