އިޒްރޭލުން ލުބުނާނުގައި ހިޒްބުﷲގެ 150 އަށްވުރެ ގިނަ އަމާޒަކަށް ހަމަލާދީފި
އިޒްރޭލުން ލުބުނާނަށް ދެމުންދާ ހަމަލާތަކުގައި ހިޒްބުاللهގެ ހަތިޔާރު ގުދަންތަކާއި ކޮމާންޑް ސެންޓަރުތަކުގެ އިތުރުން ރޮކެޓް ފޮނުވާލުމަށް ބޭނުންކުރާ އިންފްރާސްޓްރަކްޗަރުތަކަށް ވަނީ ބޮޑެތި ގެއްލުންތަކެއް ދީފައި. މި ތަންތަނަކީ އިޒްރޭލު ސިފައިންނަށް އަމާޒުކޮށް ޓެރަރިސްޓް ހަމަލާތައް ރޭވުމަށް ބޭނުންކުރާ ތަންތަން ކަމަށް އެ ގައުމުގެ އަސްކަރިއްޔާއިން ބުނޭ.
ލުބުނާނުގެ ދެކުނުގައިވާ މަރުޖަޔޫން ސަރަހައްދުން ނަގާފައިވާ ފޮޓޯއަކުން ފެންނަ ގޮތުގައި، 2026 ވަނަ އަހަރުގެ މޭ މަހުގެ 30 ވަނަ ދުވަހު އިޒްރޭލުން އެ ގައުމުގެ ކަފްރު ތިބްނީތު އަވަށަށް ދިން ވައިގެ ހަމަލާއަކާ ގުޅިގެން އެ ސަރަހައްދުން ދުން އަރަމުންދަނީ. | އޭއެފްޕީ
ވޭތުވެދިޔަ ދެ ދުވަހުގެ ތެރޭގައި ލުބުނާނުގެ ދެކުނުގައި ހުރި ހިޒްބުالله ޖަމާއަތުގެ 150 އަށްވުރެ ގިނަ އަމާޒުތަކަށް ހަމަލާދީފައިވާނެ ކަމަށް އިޒްރޭލުގެ އަސްކަރިއްޔާއިން ހޮނިހިރު ދުވަހު ބުނެފިއެވެ.
އިޒްރޭލުގެ އަސްކަރިއްޔާއިން ނެރުނު ބަޔާނެއްގައި ބުނެފައިވަނީ، ހަފުތާ ބަންދުގެ ތެރޭގައި އެ ގައުމުގެ ސިފައިން ހިޒްބުاللهގެ ހަތިޔާރު ރައްކާކުރާ ގުދަންތަކަށާއި، ކޮމާންޑް ސެންޓަރުތަކަށާއި، ރޮކެޓް ފޮނުވާލުމަށް ބޭނުންކުރާ ތަންތަނުގެ އިތުރުން އެ ޖަމާއަތުގެ އެހެނިހެން އިންފްރާސްޓްރަކްޗަރުތަކަށް ހަމަލާދީފައިވާ ކަމަށެވެ. އަދި މި ތަންތަނަކީ އިޒްރޭލު ސިފައިންނަށް އަމާޒުކޮށް ޓެރަރިސްޓް ހަމަލާތައް ދިނުމަށް ބޭނުންކުރަމުންދާ ތަންތަން ކަމަށްވެސް އެ ބަޔާނުގައި ބުނެފައިވެއެވެ.
މަސްދަރު: އޭއެފްޕީ
