އިޒްރޭލް އާއި ލުބުނާން އިން ހަނގުރާމަ ހުއްޓާލުމަށް އެއްބަސްވެއްޖެ
އެމެރިކާއާ ގުޅިގެން ނެރުނު ދެ ޤައުމުގެ ގުޅިފައިވާ ބަޔާނެއްގައި ބުނެފައިވާ ގޮތުން، ހަނގުރާމަ ހުއްޓުމަކީ އީރާންއާ ގުޅިފައިވާ ހިޒްބުﷲ ހަނގުރާމަވެރި ޖަމާއަތުން މުޅިން ހަނގުރާމަ ހުއްޓުވައި، ދެކުނު ލިޓާނީ ސަރަހައްދުން އެ ޖަމާއަތުގެ މެންބަރުން ފުރަތަމަ ބޭރު ކުރަން ޖެހޭ ކަމަށް.
ލުބުނާން އަށް ކަނޑަ އަޅުއްވާފައި ހުންނަވާ އެމެރިކާގެ ސަފީރު މިޝޭލް އީސާގެ އަރިހުގައި، އެމެރިކާ އަށް ކަނޑަ އަޅުއްވާފައި ހުންނަވާ އިޒްރޭލްގެ ސަފީރު ޔެހިއެލް ލައިޓާ އާއި، އެމެރިކާ އަށް ކަނޑަ އަޅުއްވާފައި ހުންނަވާ ލުބުނާންގެ ސަފީރު ނާދާ ހަމާދާ ބައިވެރިވެ ވަޑައިގެންނެވި ބައްދަލުވުމެއްގައި، އެމެރިކާގެ ސްޓޭޓް ޑިޕާޓްމަންޓުގެ ޗީފް އޮފް ސްޓާފް ޑެނިއަލް ހޮލާ ވާހަކަ ދައްކަވަނީ. | ރޮއިޓާސް
އެމެރިކާ އާއެކު ކުރިއަށް ގެންދިޔަ މަޝްވަރާ ތަކަށް ފަހު، އިޒްރޭލް އާއި ލުބުނާން އިން ހަނގުރާމަ ހުއްޓާލުމަށް އެއްބަސްވެފައިވާ ކަަމަށް އެ ދެ ޤައުމުން ބުނެފި އެވެ.
އިޒްރޭލް އާއި ލުބުނާންއާ ދެމެދު ހަނގުރާމަ ފެށުނީ، އެމެރިކާ އާއި އިޒްރޭލް އިން އީރާންއާ ދެކޮޅަށް ފެށި ހަނގުރާމައިގެ ސަބަބުންނެވެ. ދެ ޤައުމުގެ ދެ މެދުގައި ގިނަ ހަމަލާ ތަކެއް ބަދަލު ކޮށްފައިވާއިރު، މި ހަނގުރާމަ ނިންމުމަށް މެދުވެރިވީ އެމެރިކާ އިންނެވެ. އެމެރިކާ އާއި އީރާންއާ ދެމެދު ހަނގުރާމަ ހުއްޓާލުމަށް ކުރަމުން އަންނަ މަޝްވަރާ ތަކުގައި، ލުބުނާންގެ ހަނގުރާމަ ހުއްޓާލުމަކީ އީރާން އިން ހުށަހަޅާފައިވާ ހުށަހެޅުމެކެވެ.
އެމެރިކާއާ ގުޅިގެން ނެރުނު ދެ ޤައުމުގެ ގުޅިފައިވާ ބަޔާނެއްގައި ބުނެފައިވާ ގޮތުން، ހަނގުރާމަ ހުއްޓުމަކީ އީރާންއާ ގުޅިފައިވާ ހިޒްބުﷲ ހަނގުރާމަވެރި ޖަމާއަތުން މުޅިން ހަނގުރާމަ ހުއްޓުވައި، ދެކުނު ލިޓާނީ ސަރަހައްދުން އެ ޖަމާއަތުގެ މެންބަރުން ފުރަތަމަ ބޭރު ކުރަން ޖެހޭ ކަމެކެވެ.
ދެ ފަރާތުން ބުނީ އެމެރިކާގެ އިރުޝާދުގެ ދަށުން، ލުބުނާން ސިފައިންގެ ފުރިހަމަ ބާރު ހިންގޭނެ ޕައިލެޓް ސަރަހައްދުތައް އަވަހަށް އުފެއްދުމަށް އެއްބަސްވެފައިވާ ކަމަށެވެ. އެ ސަރަހައްދު ތަކުގައި ސަރުކާރުގެ ބާރު ނޫން އެހެން އެއްވެސް ފަރާތެއް ނުހުންނާނެ ކަމަށް ބުނެފައިވެ އެވެ.
އިޒްރޭލް އާއި ލުބުނާން އިން ކުރިން އޭޕްރީލް މަހު ހަނގުރާމަ ހުއްޓުމަށް އެއްބަސްވެ، މެއި މަހު އެކަން އިތުރަށް ދެމެހެއްޓުމަށް ނިންމި ނަމަވެސް، އަދިވެސް އަނިޔާވެރި ހަރަކާތްތައް ކުރިއަށް ގެންދެ އެވެ. ޚާއްސަކޮށް އިޒްރޭލް އިން ލުބުނާންއާ ދެކޮޅަށް އަސްކަރީ ޙަރަކާތްތައް ފުޅާ ކުރުމަށް ފާއިތުވި ދުވަސް ތަކުގައި މަސައްކަތް ކޮށްފައިވެ އެވެ.
ބުދަ ދުވަހު އިޒްރޭލް އިން ދެކުނު ލުބުނާންގައި ދިން ޑްރޯން ހަމަލާ ތަކުގައި މަދުވެގެން ހަ މީހުން މަރުވެ، ބެއިރޫތުގެ ދެކުނުގައި އޮތް ކާރަކަށް ވެސް ހަމަލާ ދީފައިވާ ކަމަށް ލުބުނާންގެ ސަލާމަތީ މަސްދަރު ތަކުން ބުނެފައިވެ އެވެ. އިޒްރޭލް އިން ބުނީ ހިޒްބުﷲ އިން ފޮނުވި ކަމަށް ބެލެވޭ ދުޝްމަން އެއާކްރާފްޓެއް ހުއްޓުވި ކަމަށެވެ.
އެމެރިކާ މެދުވެރިކޮށް އިއުލާންކުރި އެއްބަސްވުމުގެ ސަބަބުން، އިޒްރޭލް އިން ހިޒްބުﷲގެ ބާރުގެ ދަށުގައިވާ ބެއިރޫތުގެ ދެކުނު ސަރަހައްދު ތަކަށް ހަމަލާ ދިނުން މަދުކޮށް، އީރާންގެ ވާގިވެރި ކަމުގައި ހިންގާ އެ ޖަމާއަތުން ސަރަހައްދީ ހަމަލާތައް ހުއްޓުވާނެ އެވެ.
މަސްދަރު: ރޮއިޓާސް
