އީރާންގެ ބަނދަރު އައްބާސް އަށް އެމެރިކާާ އިން ހަމަލާ ދީފި
އެމެރިކާ އިން ބުނީ މި ހަމަލާ ތަކުގައި މިސައިލު ލޯންޗުކުރުމަށް ތައްޔާރު ކޮށްފައި އޮތް ތަންތަނާއި، އީރާންގެ ބޯޓު ތަކަށް ހަމަލާ ދީފައިވާ ކަމަށް. އީރާން އިން ދެމުންދާ ހަމަލާތަކާ ކުރިމަތިލައި، ވަރަށް ބޮޑަށް ކެތްތެރިކަން ދައްކަމުން އެމެރިކާގެ ސިފައިން ދިފާއު ކުރަމުން އަންނަ ކަމަށް އެމެރިކާއި ން ބުނެފައިވޭ.
ބަނދަަރު އައްބާސް އަށް ހަމަލާ ދީފައިވާއިރު، އެމެރިކާ އިން ބުނެފައި ވަނީ އެއީ އެ ޤައުމުގެ ސިފައިންގެ ދިފާއުގައި ދިން ހަމަލާއެއް ކަމަށް. | ރޮއިޓާސް
އެމެެރިކާ އިން އީރާންގެ ބަނދަރު އައްބާސް އަށް ހަަމަލާ ދީފައިވާއިރު، އެއީ އެމެރިކާގެ ސިފައިންގެ ސަލާމަތަށް އީރާން އިން ކުރި ނުރައްކަލުން ދިފާއު ވުމަށް ދިން ހަމަލާ ތަކެއް ކަމަށް އެމެރިކާ އިން ބުނެފި އެވެ.
އެމެރިކާ އިން ބުނީ މި ހަމަލާ ތަކުގައި މިސައިލު ލޯންޗުކުރުމަށް ތައްޔާރު ކޮށްފައި އޮތް ތަންތަނާއި، އީރާންގެ ބޯޓު ތަކަށް ހަމަލާ ދީފައިވާ ކަމަށެވެ. އީރާން އިން ދެމުންދާ ހަމަލާތަކާ ކުރިމަތިލައި، ވަރަށް ބޮޑަށް ކެތްތެރިކަން ދައްކަމުން އެމެރިކާގެ ސިފައިން ދިފާއު ކުރަމުން އަންނަ ކަމަށް އެމެރިކާއި ން ބުނެފައިވެ އެވެ. އެމެރިކާގެ ފަރާތުން އެއްވެސް މީހަކަށް އަނިޔާއެއް ލިބިފައި ނުވާ ކަމަށް އެގައުމުން ބުނެފައިވެ އެވެ.
ހަނގުރާމަ ހުއްޓުމަށް ހަދާފައިވާ އެއްބަސްވުމަށް އަމަލު ކުރަން ފެށުމަށް ފަހު، މިފަދަ ހަމަލާ ތަކެއް ދިނުން ކުރިން ވެސް ހިނގާފައިވެ އެވެ. އެ ދުވަސްވަރު އެމެރިކާގެ ރައީސް ޑޮނަލްޑް ޓްރަމްޕް ވަނީ މިފަދަ ހަރަކާތްތަކަކީ ހަނގުރާމަ ހުއްޓުމަށް ހަދާފައިވާ އެއްބަސްވުމާ ޚިލާފުވުން ކަމަށް ދެކިވަޑައި ނުގަންނަވާ ކަމަށް ވެސް ވިދާޅުވެފަ އެވެ.
އެމެރިކާގެ ފަރާތުން މި ހަރަކާތާ ބެހޭ ގޮތުން ލިބެމުން ދަނީ ވަރަށް މަދު މައުލޫމާތެކެވެ. މި އޮޕަރޭޝަން ކިހާ ފުޅާ ދާއިރާއެއްގައި ހިންގާފައިވާ ކަން އަދި ނޭނގެ އެވެ. މި ހަމަލާ ތަކަކީ އާންމު ކަމަކަށް ވުރެ، ތަފާތު ކަމެއްތޯ ބުނަން އުނދަގޫ ކަމަށް ވެސް މާހިރުން ފާހަގަ ކޮށްފައިވެ އެވެ.
ނަމަވެސް ޓްރަމްޕް ވަނީ މަޝްވަރާތައް ކުރިއަށް ގެންދިއުމަށާއި، ސުލްހައިގެ އެއްބަސްވުމެއް ވަރުގަދަ ކުރުމަށް ވަރަށް ބޮޑު ޝައުގުވެރި ކަމެއް އޮތް ކަމަށް ދައްކަވައި، އެކަމާ ގުޅޭ ގޮތުން ވެސް ވާހަކަ ދައްކަބައިފަ އެވެ. މީގެ ކުރިން މިދިޔަ ހަފުތާގެ އަންގާރަ ދުވަހު ވެސް ޓްރަމްޕް ވަނީ އީރާން އަށް ހަމަލާ ދިނުމަށް ނިންމި ކަމަށް ހާމަ ކުރައްވައިފަ އެވެ. ނަމަވެސް، ބައެއް ޤައުމު ތަކުގެ ވެރިންގެ އެދުމުގެ މަތިން އެ ހަމަލާ ދިނުން މަޑު ޖައްސާލެއްވީ ކަމަށް ވެސް ޓްރަމްޕް ވިދާޅުވެފައިވެ އެވެ.
ބައިނަލްއަޤުވާމީ ތަޖުރިބާކާރުން ފާހަގަ ކުރަމުން އަންނަ ގޮތުގައި، މިފަދަ ހަމަލާއެއް އަމާޒު ކުރި ނަމަވެސް ސުލްޙަ ޤާއިމު ކުރުމަށް ކުރިއަށް ގެންދަމުން އަންނަ މަޝްވަރާ ތަަކަށް ހުއްޓުމެއް އަންނާނެ ކަމަށް ނުބެލެވެ އެވެ. އެމެރިކާ އާއި އީރާންއާ ދެމެދު މިވަގުތު ދަނީ ވަރަށް ފުޅާ ދާއިރާއެއްގައި މަޝްވަރާ ކުރިއަށް ގެންދަމުންނެވެ.
މަސްދަރު: އަލް ޖަޒީރާ
