އަވަސް އަރުވާލައިގެން އެއްބަސްވުމަކަށް ނުދިޔުމަށް ޓްރަމްޕް އަންގަވައިފި

އެމެރިކާ އާއި އީރާންއާ ދެމެދު އެއްބަސްވުމެއް ޤާއިމު ކުރުމަށް ކުރަމުން އަންނަ މަސައްކަތުގައި، އަވަސް އަރުވާލައިގެން އެއްބަސްވުމަކަށް ނުދިޔުމަށް އެމެރިކާގެ މަންދޫބުންނަށް އަންގަވާފައިވާ ކަމަށް، އެ ޤައުމުގެ ރައީސް ޑޮނަލްޑް ޓްރަމްޕް ވިދާޅުވެއްޖެ އެވެ. 

ޓްރަމްޕް ޓްރޫތު ސޯޝަލްގައި ލިޔުއްވި ގޮތުގައި އީރާންގެ ބޯޓު ތަކަށް ހޮރްމޫޒް ކަނޑު އޮޅީގައި އެމެރިކާ އިން ކުރިމަތި ކުރަމުންދާ ހުރަސްތައް، އެއްބަސްވުމެއް ހަދައި ސޮއި ކުރެވޭ ހިސާބަށް ދާން ދެން ފުރިހަމަ ބާރުގައި ދެމި އޮންނާނެ އެވެ.

ޓްރަމްޕް ވިދާޅުވި ގޮތުގައި މަޝްވަރާތައް ކުރިއަށްދާ އިރު، އީރާން އާއެކު އެމެރިކާގެ ގުޅުން މާ ފަންނީ އަދި މާ ނަތީޖާ ހޯދޭ ގޮތަކަށް ވެއްޖެ އެވެ. ނަމަވެސް އޭނާ އިތުރަށް ވިދާޅުވީ، ދެ ފަރާތުން ވެސް ވަގުތު ނަގައި ރަނގަޅަށް މަސައްކަތް ކުރަން ޖެހޭ ކަމަށާއި، އެއްވެސް ގޯހެއް ވެގެން ނުވާނެ ކަމަށެވެ.

އޭގެ ކުރީ ދުވަހު ޓްރަމްޕް ވިދާޅުވީ، ހޮރްމޫޒް ކަނޑު އޮޅި ހުޅުވުމަށް ސުލްހައިގެ އެއްބަސްވުމެއްގެ މަތިން މެމޮރެންޑަމް އޮފް އަންޑަސްޓޭންޑިންއެއް އެމެރިކާ އާއި އީރާންއާ ދެމެދު ޤާއިމު ކުރުމުގެ ބޮޑު ބައެއް ނިމިފައިވާ ކަމަށެވެ.  ހަނގުރާމައިގެ ކުރިން މި ކަނޑު އޮޅި އަކީ ދުނިޔޭގެ ހަކަތައިގެ ބާޒާރަށް މުހިންމު ކަނޑު އޮޅި އެކެވެ. ނަމަވެސް، ކަނޑު އޮޅި ބަންދު ކޮށްފައި އޮތުމުގެ ސަބަބުން ދުނިޔޭގެ އިޤްތިޞާދަށް ދަނީ އެކަމުގެ ގެއްލުންތައް ދައްކަމުންނެވެ. 

މިއަހަރުގެ ފެބްރުއަރީ މަހުގެ 28 ވަނަ ދުވަހު އެމެރިކާ އާއި އިޒްރޭލް އިން ފެށި ހަނގުރާމަ ނިންމުމަށް އެއްބަސްވުމަށް އައުމުގެ އުންމީދު ވަނީ ކޮންމެ ވެސް ވަރަކަށް ބޮޑުވެފަ އެވެ.  އާދިއްތަ ދުވަހު ޓްރަމްޕް ވިދާޅުވި އެއްބަސްވުމަކީ މަޝްވަރާ ކުރަމުންދާ މެމޮރެންޑަމް އޮފް އަންޑަސްޓޭންޑިންއެއް ތޯ، ނުވަތަ އެއަށްވުރެ ގިނަ ގޮންޖެހުން ތަކެއް ހުރި ފައިނަލް ސުލްހަ އެއްބަސްވުމެއްތޯ ސާފު ނުވާ ކަމަށެވެ.