އީރާންގެ ޤާނޫނު ހަދާ މަޖިލީހުގެ ރައީސް ކަމުގެ ހަތް ވަނަ ދައުރަކަށް ޣަލިބާފް އިންތިޚާބު ކޮށްފި

އީރާންގެ ޤާނޫނު ހަދާ މަޖިލީހުގެ ރައީސް ކަމުގެ ހަތް ވަނަ ދައުރަކަށް، މިހާރު ވެސް އެ މަގާމުގައި ހުންނެވި މުޙައްމަދު ބާގިރު ޣަލިބާފް އިންތިޚާބު ކޮށްފި އެވެ.

އީރާންގެ ފާރްސް ނިއުސް އެޖެންސީ އިން ރިޕޯޓު ކޮށްފައިވާ ގޮތުގައި، ޤާނޫނު ހަދާ މަޖިލީހުގެ ރައީސް ކަމުގެ އައު ދައުރަކަށް ޣަލިބާފް ވަނީ އިންތިޚާބު ކޮށްފަ އެވެ. 

ޣަލިބާފް އަކީ އީރާންގެ ސިޔާސީ މައިދާނުގައި މުހިންމު ދައުރެއް އަދާ ކުރައްވަމުން ގެންދަވާ، އެ ޤައުމުގެ ނުފޫޒު ގަދަ ލީޑަރުންގެ ތެރޭގައި ހިމެނި ވަޑައިގަންނަވާ ބޭފުޅެކެވެ. ޣަލިބާފް ވަނީ ޤާނޫނު ހަދާ މަޖިލީހުގެ ރައީސް ކަމުގައި ހުންނަވައިގެން، ޤައުމީ ފެންވަރުގައި އަދި ބައިނަލްއަޤުވާމީ މައިދާނުގައި ވެސް މުހިންމު ގިނަ މަސައްކަތް ތަކެއް ކުރައްވައިފަ އެވެ. 

މީގެ އިތުރުން ޣަލިބާފް އަކީ އެމެރިކާ އާއި އީރާންއާ ދެމެދު ސުލްޙަ ޤާއިމު ކުރުމަށް ކުރަމުން އަންނަ މަޝްވަރާ ތަކުގައި އިސްކޮށް ޙަރަކާތްތެރިވާ ބޭފުޅެކެވެ. މި މަޝްވަރާ ތަކުގައި އޭނާ އަދާ ކުރައްވާ ދައުރު ވަރަށް މުހިންމު ވެފައިވާއިރު، ޕާކިސްތާންގެ ވެރި ރަށް އިސްލާމްއާބާދުގައި އެމެރިކާ އާއި އިރާންއާ ދެމެދު ބޭއްވި މަޝްވަރާ ތަކުގައި ވެސް އޭނާ ވަނީ ބައިވެރިވެ ވަޑައިގެންފަ އެވެ. 

ޤާނޫނު ހަދާ މަޖިލީހުގެ ރައީސް ކަމަށް އިންތިޚާބު ވުމަކީ އީރާންގެ ސިޔާސީ ނިޒާމުގައި ވަރަށް މުހިންމު މަޤާމަކަށް އިންތިޚާބު ވުމެކެވެ. ޣަލިބާފް ގެންދަވަނީ ޤާނޫނު ހަދާ މަޖިލީހުގެ ރައީސް ކަމުގައި ހުންނަވައިގެން، ޤައުމީ ފެންވަރުގައި އަދި ބައިނަލްއަޤުވާމީ މައިދާނުގައި ވެސް މުހިންމު ގިނަ މަސައްކަތް ތަކެއް ކުރައްވަމުންނެވެ. 

ޣަލިބާާފް އަކީ އީރާންގެ ސިޔާސީ ދާއިރާގައި ވަރަށް ގިނަ ތަޖުރިބާ ތަކެއް ހޯއްދަވާފައިވާ، ވަރަށް ޚިދުމަތްތެރި ބޭފުޅެކެވެ. އޭނާ ވަނީ މީގެ ކުރިން އީރާންގެ ވެރި ރަށް ތެހެރާާންގެ މޭޔަރުކަން ވެސް ކުރައްވައިފަ އެވެ. އަދި ޤައުމުގެ ސަލާމަތީ ދާއިރާ ތަކުގައި މުހިންމު މަގާމު ތަކެއް ޣަލިބާފް ވަނީ ފުރުއްވައިފަ އެވެ. 

ހަތް ވަނަ ދައުރަކަށް ޤާނޫނު ހަދާ މަޖިލީހުގެ ރައީސް ކަަމަށް ޣަލިބާފް އިންތިޚާބު ކުރުމަކީ، އޭނާގެ ވެރިކަމަށާއި، ސިޔާސީ ހުނަރު އަދި ތަޖުރިބާ އަށް އީރާންގެ ޤާނޫނު ހަދާ މަޖިލީހުގެ މެމްބަރުން ކުރައްވާ ތާއީދު އަދި އިތުބާރުގެ ނިޝާނެކެވެ.