އެމެރިކާ އާއެކު ގިނަ ކަންތައް ތަކަށް އެއްބަސްވެވިއްޖެ، އެކަމަކު ސޮއި ކުރެވޭ ވަރެއް ނުވޭ: އީރާން

ހަނގުރާމަ ހުއްޓުމަށް ކުރަމުން އަންނަ މަޝްވަރާ ތަކުގައި އެމެރިކާާ އާއި އީރާާންއާ ދެމެދު ގިނަ މައްސަލަ ތަކެއްގައި އެއްބަސްވުމަކަށް އާދެވިފައިވާ ކަމަށާއި، ނަމަވެސް އެއްބަސްވުމެއްގައި ސޮއި ކުރެވޭ މިންވަރާ ކައިރިވެފައިވާ ނުވާ ކަމަށް އީރާން އިން ބުނެފި އެވެ. 

ހޯމަ ދުވަހު އޮތް ނޫސްވެރިންގެ ބައްދަލުވުމުގައި އީރާންގެ ފޮރިން މިނިސްޓްރީގެ ތަރުޖަމާން އިސްމާއީލް ބަޣާއީ ވިދާޅުވީ، މަޝްވަރާ ކުރަމުން އަންނަ މައްސަލަ ތަކުގެ ބޮޑު ބައެއްގައި ނިމުމަކަށް ވާސިލު ވެފައިވާ ކަމަށް ބުނުމަކީ ދެކެވޭ ވާހަކައެއް ކަމަށެވެ.

ނަމަވެސް މިކަމުގެ މާނައެއްގެ ގޮތުގައި އެއްބަސްވުމެއްގައި ސޮއި ކުރުމަށް ކައިރިވެފައިވާ ކަމަށް ބުނުމަކީ އެއްވެސް މީހަކަށް ކުރެވޭނެ ދައުވާއެއް ނޫން ކަމަށް ބަޣާއީ ވިދާޅުވި އެވެ. މަޝްވަރާ ތަކުގައި އެމެރިކާ އިން އެގައުމުގެ ޕޮޒިޝަންތައް ބަދަލު ކުރަމުން ގެންދާ ކަމަށް ބަޣާއީ ވަނީ ތުހުމަތު ކުރައްވައިފަ އެވެ.  

މި ބަޔާން ނެރުނީ އެމެރިކާ އާއި އީރާންއާ ދެމެދުގައި ހިނގަމުން އަންނަ ހަނގުރާމަ ހުއްޓުވުމަށް ކުރިއަށްދާ މަޝްވަރާތަކާ ގުޅިގެންނެވެ. މިދިޔަ ދުވަސް ތަކުގައި ދެ ގައުމުގެ މެދުގައި ވަކި ވަކިން މަޝްވަރާތައް ކުރިއަށް ގެންދިޔަ ކަމަށް ރިޕޯޓުތައް ބުނެ އެވެ.

އީރާން އިން ބުނެފައިވާ ގޮތުގައި މަޝްވަރާ ތަކުގެ ގިނަ މައްސަލަ ތަކެއްގައި އެއްބަސްވުމަކަށް ވާސިލު ވެފައިވީ ނަމަވެސް، އަދިވެސް ބައެއް މުހިންމު ކަންކަމުގައި ދެ ގައުމުގެ ދެ މެދުގައި ތަފާތުވުން ތަކެއް އެބަ އޮތެވެ. މިކަމުގެ ސަބަބުން އެއްބަސްވުމެއްގައި ސޮއި ކުރުމަށް އަދި ވަގުތު ނަގާނެ ކަމަށް ބެލެވެ އެވެ.

ބަޣާއީ ވިދާޅުވީ އެމެރިކާ އިން އެގައުމުގެ ޕޮޒިޝަންތައް ބަދަލު ކުރަމުން ގެންދާތީ މަޝްވަރާތައް އިތުރަށް ދިގު ދެމިގެން ދާ ކަމަށެވެ. މިއީ ދެ ގައުމުގެ މެދުގައި އެއްބަސްވުމަކަށް ވާސިލުވުމަށް ހުރަސް އެޅޭ ބޮޑު ކަމެއް ކަމަށް އީރާން އިން ބުނެ އެވެ.

ބައިނަލްއަގުވާމީ މުޖުތަމައުން މި މަޝްވަރާ ތަކަށް ބޮޑު އުންމީދު ތަކެއް ކުރަމުން ގެންދެ އެވެ. ހަނގުރާމަ ހުއްޓުވުމަށް ދެ ގައުމުން އެއްބަސްވުމަކަށް އައުމަކީ ސަރަހައްދީ ސުލްހަ އަށް މުހިންމު ކަމެއް ކަމަށް ބައިނަލްއަގުވާމީ ލީޑަރުން ވިދާޅުވެ އެވެ.

މި މަޝްވަރާތަކުގެ ނަތީޖާ އަކަށް ވާސިލުވުމަށް އަދި މަސައްކަތް ތަކެއް ކުރަން ޖެހޭނެ ކަމަށް ދެ ގައުމުން ވެސް އެއްބަސްވެ އެވެ.