ޓްރަމްޕް އާއި އެމެރިކާ އޮތީ އީރާން އިން ދޭނެ ޖަވާބެއްގެ އިންތިޒާރުގައި

އެމެރިކާ އިން އެންމެ ފަހުން ހުށަހަޅާފައިވާ ސުލްޙައިގެ ހުށަހެޅުމާ ގުޅޭ ގޮތުން އީރާން އިން ދޭނެ ޖަވާބެއްގެ އިންތިޒާރުގައި އެމެރިކާގެ ރައީސް ޑޮނަލްޑް ޓްރަމްޕް އާއި، އެ ޤައުމުގެ ސަރުކާރު އޮތް ކަމަށް ބުނެފި އެވެ.

އޭއެފްޕީ ނިއުސް އެޖެންސީ އިން ރިޕޯޓު ކޮށްފައިވާ ގޮތުގައި، ހޮނިހިރު ދުވަހުގެ ރޭ ވަގުތެއްގައި އީރާން އިން އެ ހުށަހެޅުމަށް ޖަވާބު ދޭނެ ކަމަށް ޓްރަމްޕް އާއި، އެމެރިކާގެ ސްޓޭޓް ޑިޕާޓްމަންޓް އިން އުންމީދު ކުރައްވަ އެވެ. އެހެންކަމުން އެމެރިކާ މިހާރު އޮތީ އީރާންގެ ޖަވާބެއް ނުވަތަ ނިންމުމެއްގެ އިންތިޒާރުގަ އެވެ. 

މި މައްސަލައާ ގުޅޭ ގޮތުން ވާހަކަ ދައްކަވަމުން އެމެރިކާގެ ރައީސް ޓްރަމްޕް ވިދާޅުވީ، ސަރަހައްދީ ހަމަޖެހުމަށްޓަކައި ހުށަހަޅާފައިވާ ކަންކަމަށް އީރާން އިން ދޭނެ ޖަވާބެއް ބަލަމުން އަންނަ ކަމަށެވެ. އަދި އެމެރިކާގެ ސްޓޭޓް ޑިޕާޓްމަންޓް އިން ވެސް ވަނީ، އީރާންގެ ރަސްމީ ޖަވާބު ލިބޭނެ ކަމަށް ބެލެވެނީ ހޮނިހިރު ދުވަހުގެ ރޭގެ ވަގުތެއްގައި ކަމަށް ބުނެފަ އެވެ. ނަމަވެސް، އެ ހުށަހެޅުމުގެ ތަފްސީލުތައް މިހާތަނަށް ރަސްމީކޮށް ހާމަ ކޮށްފައި ނުވެ އެވެ. 

މި ސުލްޙައިގެ ހުށަހެޅުމަކީ ދެ ޤައުމުގެ ދެ މެދުގައި އުފެދިފައިވާ ނުތަނަވަސްކަން ކުޑަ ކުރުމަށް އެޅޭ މުހިންމު ފިޔަވަޅެއްގެ ގޮތުގައި މަސްރަހު ދިރާސާ ކުރާ ފަރާތްތަކުން އަންނަނީ ދެކެމުންނެވެ. އެމެެރިކާ ސަރުކާރުން ބުނެފައި ވަނީ، އީރާން އިން ދޭ ޖަވާބަކަށް ބިނާކޮށް، ކުރިއަށް އޮތް ތަނުގައި އަޅާނެ ފިޔަވަޅު ތަކެއް ނިންމާނެ ކަމަށެވެ. 

އެމެރިކާ އާއި އީރާންއާ ދެމެދު އުފެދިފައިވާ ސިޔާސީ އަދި އަސްކަރީ ނުތަނަވަސް ކަމަށް ޙައްލެއް ހޯދުމަށް ބައިނަލްއަޤުވާމީ މައިދާނުގައި ގިނަ މަސައްކަތް ތަކެއް ކުރެވެމުންދާ ދަނޑިވަޅެއްގައި، އީރާން އިން ދޭ ޖަވާބަކީ މުޅި ސަރަހައްދުގެ މަސްރަހަށް ބޮޑު ބަދަލެއް އަތުވެދާނެ ކަމެއް ކަމަށް ބެލެވެ އެވެ. އެކަމާ ގުޅޭ ގޮތުން އީރާންގެ ސަރުކާރުން މިހާތަނަށް ރަސްމީ އެއްޗެއް ބުނެފައި ނުވެ އެވެ.