ނާޒިމް ސައްތާރަށް ތޫނު އެއްޗަކުން ހަމަލާ ދީފި
ފުލުހުންގެ މީޑިއާ ތަކަށް ބުނެފައި ވަނީ، މާލޭގައި މީހަކަށް ތޫނު އެއްޗަކުން ހަމަަލާ ދީފައިވާ ކަމުގެ މައުލޫމާތު ހުކުރު ދުވަހުގެ ރޭ ދަންވަރު 12 ޖަހާކަންހާއިރު ލިބިފައިވާ ކަމަށް.
ޤާނޫނީ ވަކީލް ނާޒިމް ސަައްތާރު. | މިހާރު
ނާޒިމް ސައްތާރަށް ތޫނު އެއްޗަކުން ހަމަލާދީ، ޒަޚަމުކޮށްލައިފި އެވެ.
މައުލޫމާތު ލިބިފައިވާ ގޮތުގައި ނާޒިމް ސައްތާރަށް ހަމަލާ ދީފައި ވަނީ ހުކުރު ދުވަހުގެ ރޭގެ ވަގުތެއްގަ އެވެ. ނަމަވެސް، ނާޒިމް ސައްތާރަށް ހަމަލާ ދީފައި ވަނީ މާލޭގެ ކޮން ސަރަހައްދަކުން ކަމެއް މިހާތަނަށް ސާފުވެފައި ނުވެ އެވެ. މި ހަމަލާއާ ގުޅިގެން، ނާޒިމް ސައްތާރަށް ގެންދަނީ އޭޑީކޭ ހޮސްޕިޓަލްގައި ފަރުވާ ދެމުންނެވެ.
ފުލުހުންގެ މީޑިއާ ތަކަށް ބުނެފައި ވަނީ، މާލޭގައި މީހަކަށް ތޫނު އެއްޗަކުން ހަމަަލާ ދީފައިވާ ކަމުގެ މައުލޫމާތު ހުކުރު ދުވަހުގެ ރޭ ދަންވަރު 12 ޖަހާކަންހާއިރު ލިބިފައިވާ ކަމަށެވެ. އަދި އެއީ އުމުރުން 49 އަހަރުގެ ދިވެހި ފިރިހެނެއް ކަމަށް ފުލުހުން ބުނެފައިވެ އެވެ. މި މައްސަލައާ ގުޅޭ އިތުރު ތަފްސީލެއް ފުލުހުން ހާމަ ކޮށްފައި ނުވާާއިރު، ފުލުހުން ބުނެފައި ވަނީ މި މައްސަލަ ތަހުގީގު ކުރަމުން އަންނަ ކަމަށެވެ.
