އިޒްރޭލްގެ ހަމަލާ ތަކުގައި ޒަޚަމުވި ހަމާސްގެ ލީޑަރުގެ ދަރިކަލުން އަވަހާރަ ވެއްޖެ

އިޒްރޭލް އިން ޣައްޒާ ސިޓީ އަށް ދިން ވަރުގަދަ ހަމަލާ ތަކެއްގައި ހަމާސްގެ ސިޔާސީ ގޮފީގެ އިސްވެރިޔާ ޚަލީލް އަލް ޙައްޔާގެ ދަރިކަލުން، އައްޒާމް ޚަލީލް އަލް ޙައްޔާ އަވަހާރަ ކޮށްލައިފި އެވެ.

އަލް ޖަޒީރާ އަށް މިކަން ކަށަވަރު ކޮށްދީފައި ވަނީ، ޣައްޒާގެ އަލްޝިފާ ހޮސްޕިޓަލްގެ މަސްދަރަކުންނެވެ. 

މި ހަމަލާއާ ގުޅިގެން މީގެ ކުރިން ހަމާސްގެ ލީޑަރު ޚަލީލް އަލް ޙައްޔާ ވިދާޅުވެފައި ވަނީ، އިޒްރޭލްގެ ހަމަލާ ތަކުގައި އޭނާގެ ދަރިކަލުންނަށް ބޮޑެތި ޒަޚަމު ތަކެއް ލިބިފައިވާ ކަމަށެވެ. ރިޕޯޓު ތަކުގައި ބުނެފައިވާ ގޮތުން، އެ ހަމަލާގައި ލިބުނު ފަރުވާ ތަކަށް ފަރުވާ ހޯއްދަވަމުން ދަނިކޮށް އައްޒާމް ވަނީ އަވަހާރަވެފަ އެވެ. 

އިޒްރޭލް އިން ޣައްޒާ އަށް ދެމުންދާ ހަމަލާތައް ވަރުގަދަ ކޮށްފައިވާ މި ދަނޑިވަޅުގައި، ހަމާސްގެ އިސްވެރިންގެ އާއިލާގެ މެމްބަރުންނަށް އަމާޒުކޮށް ދޭ ހަމަލާތައް ވަނީ އިތުރުވެފަ އެވެ. މި ހަމަލާ އަކީ ޣައްޒާ ސިޓީގެ މީހުން ދިރިއުޅޭ ސަރަހައްދަކަށް އަމާޒުކޮށް އިޒްރޭލް އިން ދިން ވައިގެ ހަމަލާގައި ހިނގި ހާދިސާ އެކެވެ. 

ޚަލީލް އަލް ޙައްޔާ އަކީ، ހަމާސްގެ ސިޔާސީ ގޮފީގެ އެންމެ ނުފޫޒު ގަދަ އެއް ލީޑަރެވެ. އޭނާގެ ދަރިކަލުން އަވަހާރަ ކޮށްލުމާ ގުޅިގެން ހަމާސް އިން ވަނީ އެކަން ކުށްވެރި ކޮށްފަ އެވެ.