ނަަތަންޔާހޫގެ ވެރިކަން ބަދަލު ކުރުމަށް ބެނެޓް އާއި ލަޕިޑް އެކުވެއްޖެ

އިޒްރޭލްގެ ބޮޑު ވަޒީރު ބެންޖަމިން ނަތަންޔާހޫގެ ވަރުގަދަ ސިޔާސީ ދެ ވާދަވެރިން، ނަތަންޔާހޫގެ ސަރުކާރު ބަދަލު ކުރުމަށް އެކުވެއްޖެ އެވެ.

އާދީއްތަ ދުވަހު ނަފްތާލީ ބެނެޓް އާއި ޔައިރް ލަޕިޑް އާދީއްތަ ދުވަހު ހާމަ ކުރި ގޮތުގައި، މިއަހަރުގެ ފަހު ކޮޅު އިޒްރޭލްގައި އޮންނަ އިންތިޚާބުގައި ނަތަންޔާހޫގެ ގުޅިފައިވާ ސަރުކާރު ބަދަލު ކުރުމަށް އެކުގައި މަސައްކަތް ކުރުމަށް ވަނީ ނިންމައިފަ އެވެ. 

ކުރިން ބޮޑު ވަޒީރުކަން ކުރެއްވި ދެ ބޭފުޅުން ކަމަށްވާ ކަނާއަތު ފިޔައިގެ ބެނެޓް އާއި ލަޕިޑް ބަޔާން ނެރެ ހާމަ ކޮށްފައިވާ ގޮތުގައި، އެ ދެ ބޭފުޅުންގެ ޕާޓީތައް ކަމަށްވާ ބެނެޓް 2026 އާއި، ދެއަ އިޒް އަ ފިއުޗާ އެކުލަވާލާފައިވެ އެވެ.

އިދިކޮޅު ހަރުދަނާ ކުރުމަށާއި، އެތެރޭގައިވާ ބައިބައިވުން ނިންމައި، ކުރިއަށް އޮތް މުހިންމު އިންތިޚާބު ކާމިޔާބު ކުރުމަށް ފިޔަވަޅު ތަކެއް ވަނީ އަޅައިފަ އެވެ. މީގެ އިތުރުން އިޒްރޭލް ކުރިއަރުވައި، ކުރިއަށް ގެންދިޔުމަށް މި ފިޔަވަޅުތައް އަޅާފައިވާ ކަމަށް ވެސް ވިދާޅުވެފައިވެ އެވެ. 

ބެނެޓްގެ އޮފީހުން ބުނި ގޮތުގައި އައު ޕާޓީގެ ނަމަކީ ޓުގެދާ އެވެ. އަދި އެ ޕާޓީގެ ލީޑަރަކީ ބެނެޓް ކަމަށް ވެސް ވަނީ ހާމަ ކޮށްފަ އެވެ. 

ބެނެޓް އާއި ލިޕްޑް ކުރިން ވެސް އެކުގައި މަސައްކަތް ކޮށްފައިވެ އެވެ. 2021 ވަނަ އަހަރުގެ އިންތިޚާބުގައި މި ދެ ބޭފުލުން އެކުގައި މަސައްކަތްކޮށް، ނަތަންޔާހޫގެ 12 އަހަރު ދުވަހުގެ ބޮޑު ވަޒީރުކަން ނިމުމަކަށް ގެނެސް، ގުޅިފައިވާ ސަރުކާރެއް އެކުލަވާލާފައިވެ އެވެ. ނަމަވެސް، އެ ސަރުކާރު ދެމި އޮތީ 18 މަސް ދުވަހުގެ މުއްދަތަކަށެވެ.