އީރާންއާ ދެކޮޅަށް ހަނގުރާމަ ފެށުމަށް ނަތަންޔާހޫ ވަރަށް ޕްރެޝަރު ކުރި: އޮބާމާ

އީރާންއާ ދެކޮޅަށް ހަނގުރާމަ ފެށުމަށް އެދިވަޑައިގެން، އިޒްރޭލްގެ ބޮޑު ވަޒީރު ބެންޖަމިން ނަތަންޔާހޫ އޭނާގެ ވެރިކަމުގައި ވެސް ވަރަށް ޕްރެޝަރު ކުރިމަތި ކުރުވި ކަމަށް އެމެރިކާގެ ކުރީގެ ރައީސް ބަރަކް އޮބާމާ ވިދާޅުވެއްޖެ އެވެ. 

ދަ ނިއު ޔޯކް މަޖައްލާ އިން ހޯމަ ދުވަހު ޝާއިއު ކުރި އިންޓަވިޔުއެއްގައި އޮބާމާ ވިދާޅުވީ، އެމެރިކާގެ މިހާރުގެ ރައީސް ޑޮނަލްޑް ޓްރަމްޕް އަށް ހުށަހެޅި ހުށަހެޅުންތަކާއި، ހެކިތައް އަދި ހަނގުރާމަ ފަށަން ޖެހޭ ކަމަށް ބުނާ ސަބަބުތައް މީގެ ކުރިން އޭނާގެ ވެރިކަމުގައި ވެސް ނަތަންޔާހޫ ހުށަހެޅުއްވި ކަމަށެވެ. 

އޭރު އޮބާމާގެ ވެރި ކަމުގެ ދައުރުގައި ނަތަންޔާހޫ އަށް އެކަން ކާމިޔާބު ކުރެވިފައި ނުވި ނަމަވެސް، މިހާރު ނަތަންޔާހޫ އެކަން ކޮށްފައިވާ ކަމަށް އޮބާމާ ވިދާޅުވި އެވެ. ޓްރަމްޕްގެ ވެރި ކަމުގައި ނަތަންޔާހޫ އެކަން ކާމިޔާބު ކުރި ނަމަވެސް، އެފަދަ ހަނގުރާމައެއްގެ ސަބަބުން އިޒްރޭލްގެ ރައްޔިތުންނަށް، ނުވަތަ އެމެރިކާާގެ ރައްޔިތުންނަށް އެއިން ފައިދާއެއް އޮތް ކަމާ މެދު ޝައްކު އުފެދޭ ކަމަށް ވެސް އޮބާމާ ވަނީ ވިދާޅުވެފަ އެވެ. 

ތާރީޚީ ރެކޯޑު ތަކުން ސާފުކޮށް ދައްކާ ގޮތުގައި، އީރާންއާ ގުޅޭ ގޮތުން ނަތަންޔާހޫ އާއި އޭނާއާ ދެމެދު ވަރަށް ބޮޑު ޚިޔާލު ތަފާތުވުން ތަކެއް ހުރި ކަމަށް އޮބާމާ ފާހަގަ ކުރެއްވި އެވެ. އޮބާމާ ވިދާޅުވީ، ނަތަންޔާހޫއާ އޭނާއާ ދެމެދު ވަރަށް ބޮޑަށް ޚިޔާލު ތަފާތުވުން އޮތް ކަމަށާއި، އެކަން ޤަބޫލު ވެސް ކުރައްވާ ކަމަށެވެ.

އޮބާމާގެ ވެރި ކަމުގައި ވަނީ އީރާން އާއެކު ނިއުކްލިއާ އެއްބަސްވުމެއް ޤާއިމުކޮށް، އެ ޤައުމަށް އިޤްތިޞާދީ ދަތިކަމުން ލުއި ތަކެއް ހޯދައި ދިނުމަށް މަސައްކަތް ކުރައްވައިފަ އެވެ. ނަމަވެސް، އޭރު ވެސް އިޒްރޭލްގެ ބޮޑު ވަޒީރު ނަތަންޔާހޫ އެކަމާ ވަރަށް ދެކޮޅު ހެއްދެވި އެވެ. އޮބާާމާގެ ވެރިކަމަށް ފަހު، 2015 ވަނަ އަހަރު ޓްރަމްޕްގެ ވެރި ކަމުގައި އެމެރިކާ އިން ވަނީ އީރާން އާއެކު އޮތް ނިއުކްލިއާ އެއްބަސްވުމުން ވަކިވެފަ އެވެ.

އީރާންއާ ދެކޮޅަށް ހަނގުރާމައެއް ކުރުމަކީ އިޒްރޭލްގެ ސަލާމަތަށް ބޭނުންތެރި ކަމެއް ކަމަށް ނަތަންޔާހޫ އަބަދު ވެސް ދެކެވަޑައިގަންނަވަ އެވެ. ނަމަވެސް، އޮބާމާ އެކަމާ ދެކޮޅު ހައްދަވަ އެވެ. އޮބާމާގެ ނަޒަރުގައި އެފަދަ ހަނގުރާމަ އަކުން ސަރަހައްދަށް ބޮޑެތި ނުރައްކާ ތަކެއް ކުރިމަތި ވެދާނެ އެވެ. 

އީރާން އާއެކު ހަދާފައިވާ ނިއުކްލިއާ އެއްބަސްވުމުން ވަކިވުމަށް ފަހު، ޓްރަމްޕްގެ ވެރި ކަމުގައި ވަނީ އެ ޤައުމާ ދެކޮޅަށް ވަރުގަދަ ފިޔަވަޅު ތަކެއް އަޅުއްވައިފަ އެވެ.