ރައީސް މުއިއްޒު 2024 ވަނަ އަހަރު ނިންމާނެ ކަމަށް ވައުދުވި، ހއ. ހޯރަފުށީ ހޮސްޕިޓަލުގެ މަސައްކަތް ނިމުމުގެ ކޮޅުމަތި އަދިވެސް ނުފެނޭ
ހޯރަފުށީ ގައި އިމާރާތްކުރަމުންދާ ހޮސްޕިޓަލް ޕްރޮޖެކްޓް އިފްތިތާހު ކޮށް މަސައްކަތް ފެށީ ނިމިދިޔަ އެމްޑީޕީގެ ވެރިކަމުގަ. ރައްޔިތުންގެ މަޖްލިސް އިންތިހާބާ ދިމާކޮށް، ހޯރަފުއްޓަށް ރައީސް މުއިއްޒު ވެވަޑައިގަތް އެންމެ މުހިންމު ވައުދަކީ ހޯރަފުށީ ހޮސްޕިޓަލުގެ މަސައްކަތް 2024 ވަނަ އަހަރު ނިންމައި ހިދުމަތް ދިނުން. މަސައްކަތުގެ ދުވެލި ލަސް ވުމުގެ ސަބަބުން އޭގެ 2 އަހަރު ފަހުން އަދިވެސް ހޮސްޕިޓަލުގެ މަސައްކަތުގެ ބޮޑުބައެއް އޮތީ ނުނިމި.
2024 ވަނަ އަހަރު ނިންމާ ހިދުމަތް ދޭން ފަށާނެ ކަމަށް ރައީސް މުއިއްޒު ވިދާޅުވި ހއ. ހޯރަފުށީ ހޮސްޕިޓަލް | ރާއްޖެ އެމްވީ
2024 ވަނަ އަހަރުގެ މަޖްލިސް އިންތިހާބާ ދިމާކޮށް، ހއ. ހޯރަފުށީ ހޮސްޕިޓަލުގެ މަސައްކަތް އެ އަހަރު ތެރޭ ނިންމައި ހިދުމަތް ދޭން ފެށޭނެ ކަމަަށް ރައީސް މުއިއްޒު ވައުދުވެވަޑައިގެންފައި ވީނަމަވެސް، އަދިވެސް ހޮސްޕިޓަލުގެ މަސައްކަތް ނިމުމުގެ ކޮޅުމަތި ވެސް ފެންނަން ނެތް ކަމަށް ހޯރަފުށީ ކައުންސިލްގެ ރައީސް މުހައްމަދު ވަހީދު ވިދާޅުވެއްޖެ އެވެ.
ރާއްޖެ ޓީވީގެ ހާލު ކިހިނެއް ޕްރޮގްރާމްގައި ވާހަކަދައްކަވަމުން ވަހީދު ވިދާޅުވީ ހޯރަފުށީ ގައި އިމާރާތްކުރަމުންދާ ހޮސްޕިޓަލް ޕްރޮޖެކްޓް އިފްތިތާހު ކޮށް މަސައްކަތް ފެށީ ނިމިދިޔަ އެމްޑީޕީގެ ވެރިކަމުގައި ކަމަށެވެ. ވަހީދު ވިދާޅުވީ ވެރިކަން ބަދަލުވެގެން ރައްޔިތުންގެ މަޖްލިސްގެ އިންތިހާބާ ދިމާކޮށް، ހޯރަފުއްޓަށް ރައީސް މުއިއްޒު ވެވަޑައިގަތް އެންމެ މުހިންމު ވައުދަކީ ހޯރަފުށީ ހޮސްޕިޓަލުގެ މަސައްކަތް 2024 ވަނަ އަހަރު ނިންމާ ހިދުމަތް ދިނުން ކަމަށެވެ. މަސައްކަތުގެ ދުވެހި ލަސް ވުމުގެ ސަބަބުން އޭގެ 2 އަހަރު ފަހުން އަދިވެސް ހޮސްޕިޓަލުގެ މަސައްކަތުގެ ބޮޑުބައެއް އޮތީ ނުނިމި ކަން ވަހީދު ވަނީ ފާހަގަ ކުރައްވާފަ އެވެ. އަދި ހޯރަފުށީގެ ރައްޔިތުންގެ އެދުމަކީ ހޮސްޕިޓަލުގެ މަސައްކަތް ނިމި ވީ އެންމެ އަވަހަކަށް ހޮސްޕިޓަލުން ހިދުމަތް ލިބުން ކަމަށް ވަހީދު ވަނީ ވިދާޅުވެފަ އެވެ.
މި ހޮސްޕިޓަލްގައި އަމަލީ މަސައްކަތް ފެށުނީ ނިމިދިޔަ ސަރުކާރުގަ. އެ ޕްރޮޖެކްޓް ރަސްމީކޮށް އިފްތިތާޙުކޮށް ޢަމަލީ މަސައްކަތް ފެށުނީ. ދެން އެއަށްފަހު ސަރުކާރު ބަދަލުވެގެންދިޔައީ. ދެން މިހާރު އަޅުގަނޑުމެންނަށް މި ފެންނަނީ މަސައްކަތް ހިނގަމުންދާ މަންޒަރު. ޙަޤީޤަތުގައި މި ހޮސްޕިޓަލްގައި ޢަމަލީ މަސައްކަތް ނިންމައި ޚިދުމަތްދޭނެކަމަށް އޭރު ރައްޔިތުންގެ މަޖިލީހުގެ އިންތިޚާބަށް ވެވަޑައިގެންނެވި ވަޢުދުތަކުގެ ތެރޭގައި، އެ އަހަރު ނިމުމުގެ ކުރިން ދޭނެކަމަށް ދެންނެވި އިނގޭތޯ. އެހެންނަމަވެސް އަދި މިއަދާ ހަމައަށް އައިއިރުގައި ވެސް އެންމެ ބާރު ސްޕީޑުގައި މަސައްކަތް ނުދާތީ މި އަހަރުތަކެއް، ފަސްޖެހި، މަގުޖެހިފައި މި އޮތީ. ދެން ކޮންމެއަކަސް، ހޯރަފުށީގެ ރައްޔިތުންގެ ވަރަށް ބޮޑު އުންމީދެއް. ހޯރަފުށީ ހޮސްޕިޓަލް ނިމި، ޚިދުމަތަށް ފަށައިގަތުމަކީ.ހއ. ހޯރަފުށީ ކައުންސިލްގެ ރައީސް މުހައްމަދު ވަހީދު
ނިމިދިޔަ އެމްދީޕީގެ ވެރިކަމުގަައި ވަނީ ހޯރަފުށީ ގައި ތަރައްގީގެ ގިނަ މަޝްރޫއުތަކެއް ހިންގާފަ އެވެ. މީގެ ތެރޭގައި ހޯރަފުށީގެ އެއަރޕޯޓް، ހޯރަފުށީގެ މަގުތައް ތާރުއަޅައިގެން ޒަމާނީ ފެންވަރަށް ހެދުން، ހޯރަފުށީގެ އައިސް ޕްލާންޓް، ޖުވެނައިލް ޖަސްޓިސް ބިލްޑިން، ވޮލީ ކޯޓް، ފުޓުބޯޅަދަނޑު، ކޯޓުގެ އާ އިމާރާތެއް، ޕްރީ ސްކޫލް، 3 ޕާކެއް އަދި ފެރީ ޓާމިނަލް އަދި ރަށުގެ ގޮޑުދޮށް ހިމާޔަތް ކުރުމަށްޓަކައި ޖިއޯ ބޭގް ޖަހައިގެން ހިއްކާފައިވާ ކުޑަ 3 ރަށުގެ މަސައްކަތް ފާހަގަކޮށްލެވެ އެެވެ.
ނިމިދިޔަ އެމްޑީޕީގެ ވެރިކަމުގައި ހޯރަފުށީ ގައި ފަށައިގެން ބާރު ސްޕީޑުގައި ކުރިޔަށް ދިޔަ އެތައް މަޝްރޫއެއް މި ސަރުކާރު އައި ފަހުން ވަނީ މަޑުޖެހިފަ އެވެ. އޭގެ ތެރޭގައި ވެރިކަން ނިމުނު އިރު ނިމެން ކައިރިވެފައިވާ ބިއްލޫރި ފުޅީގައި ބޯފެން ބަންދުކުރާ ބޮޓެލިން ޕްލާންޓް، ކައުންސިލް އޮފީހުގެ އާ އިމާރާތް، ފެނަކަ އޮފީސް އަދި ހޯރަފުށީގައި ގާއިމް ކުރާ އާ ހޮސްޕިޓަލުގެ މަސައްކަތް ހިމެނެ އެވެ.
