މަޝްވަރާ ތަކުގައި ބައިވެރިވުމަށް އީރާންގެ ޤާނޫނު ހަދާ މަޖިލީހުގެ ރައީސް ޣަލިބާފް އާއި ފޮރިން މިނިސްޓަރު އަރާގްޗީ ޕާކިސްތާން އަށް ވަޑައިގެންފި

އެމެރިކާ އާއި އީރާންއާ ދެމެދު ސުލްޙަ ޤާއިމު ކުރުމަށް ކުރިއަށް ގެންދާ މަޝްވަރާ ތަކުގައި ބައިވެރިވެ ވަޑައިގެންނެވުމަށް، އީރާންގެ ޤާނޫނު ހަދާ މަޖިލީހުގެ ރައީސް މުޙައްމަދު ބާގިރު ޣަލިބާފް އާއި އެ ޤައުމުގެ ފޮރިން މިނިސްޓަރު އައްބާސް އަރާގްޗީ ޕާކިސްތާން އަށް ވަޑައިގެންފި އެވެ. 

ޣަލިބާފް އާއި އަރާގްޗީ ޕާކިސްތާންގެ ވެރި ރަށް އިސްލާމްއާބާދަށް ވަޑައިގެންފައިވާއިރު، އީރާންގެ ވަފުދުގައި އެންމެ އިސްކޮށް ތިއްބަ ވާނީ މި ދެ ބޭފުޅުންނެވެ. ސިޔާސީ މަސްރަހު ދިރާސާ ކުރާ ފަރާތް ތަކުން ބުނާ ގޮތުގައި، އެމެރިކާ އާއި އީރާންއާ ދެމެދު އޮތް ނުތަނަވަސްކަމާ ގުޅޭ ގޮތުން މި ބައްދަލުވުމުގައި ގިނަ ވާހަކަ ތަކެއް ދެކެވޭނެ އެވެ. 

މީގެ އިތުރުން މި ބައްދަލުވުމުގައި އެމެރިކާ އާއި އީރާންއާ ދެމެދު އޮތް ނިއުކްލިއާ ޕްރޮގްރާމްއާ ގުޅޭ ގޮތުން ވެސް މަޝްވަރާ ކުރާނެ ކަމަށް ލަފާ ކޮށްފައިވެ އެވެ. އީރާންގެ ނިއުކްލިއާ ޕްރޮގްރާމް އަކީ އެމެރިކާ އާއި އީރާންއާ ދެމެދު އޮތް އެންމެ ބޮޑު އެއް މައްސަލަ އެވެ. ނަމަވެސް، އީރާން އިން ބުނަމުން އަންނަނީ އެއީ އެ ޤައުމުން ސުލްޙަވެރި ބޭނުން ތަކަށް ކުރިއަށް ގެންދާ ޕްރޮގްރާމެއް ކަމަށެވެ. 

އީރާންގެ ވަފުދު ޕާކިސްތާން އަށް ވަޑައިގެންނެވުމާ އެކު، ޕާކިސްތާން ސަރުކާރުގެ އިސް ބޭފުޅުން ވަނީ އެ ވަފުދަށް މަރުހަބާ ދަންނަވައިފަ އެވެ. މި ބައްދަލުވުމުގެ ނަތީޖާ އަކީ ސަރަހައްދުގައި ސުލްޙަ އާއި އަމާންކަން ޤާއިމު ކުރުން ކަމަށް ބުނެފައިވެ އެވެ. ޕާކިސްތާންގެ ސަރުކާރުން ވަނީ މި ބައްދަލުވުމުން ރަނގަޅު ނަތީޖާއެއް ނިކުންނާނެ ކަމަށް އުންމީދު ކުރާ ކަމަށް ވެސް ބުނެފައި އެވެ. 

ޕާކިސްތާންގައި އޮންނަ ބައްދަލުވުމުގައި ދެ ޤައުމުގެ ދެ މެދުގައި އޮތް ސިޔާސީ އަދި އިޤްތިޞާދީ ނުަތަނަވަސްކަމާ ގުޅޭ ގޮތުން މަޝްވަރާ ކުރާނެ ކަމަށް ބެލެވެ އެވެ.