އޭޕްރީލް ތިން ވަނަ ދުވަހުގެ ހިނގާލުމާ ގުޅޭ ގޮތުން އެމްޑީޕީ އިން ފުލުހުންނާ މަޝްވަރާ ކޮށްފި
24 މާރިޗު 2026 | އަންގާރަ 07:24ނާޒިލް ވިދާޅުވީ، އެ ހިނގާލުން ކުރިއަށް ގެންދިޔުމަށް އެއްބާރުލުން ދޭނެ ކަމުގެ ޔަޤީންކަން ފުލުހުން ދީފައިވާ ކަމަށް. އެގޮތުން ހިނގާލުން ކުރިއަށް ގެންދާނެ ރޫޓާއި، އެހެނިހެން ކަންކަމާ ގުޅޭ ގޮތުން ވެސް މަޝްވަރާ ކުރެވުނު ކަމަށް ނާޒިލް ވިދާޅުވި.
އެމްޑީޕީ އިން ފުލުހުންނާ ބައްދަލު ކުރުން - އެމްޑީޕީގެ ޕާލަމެންޓްރީ ގުރޫޕުގެ ލީޑަރު އިބްރާހީމް ނާޒިލް ބޭރުގައި މަޑުކޮށްލައްވައިގެން. | ރާއްޖެ އެމްވީ
އަންނަ އޭޕްރީލް މަހުގެ ތިން ވަނަ ދުވަހު ބޭއްވުމަށް ހަމަޖެހިފައިވާ ހިނގާލުމާ ގުޅޭ ގޮތުން، ދިވެހި ރައްޔިތުންގެ ޑިމޮކްރަޓިކް ޕާޓީ (އެމްޑީޕީ) އިން ފުލުހުންނާ ބައްދަލު ކޮށްފި އެވެ.
އަންގާރަ ދުވަހު އެމްޑީޕީ އިން ފުލުހުންނާ ބައްދަލު ކޮށްފައި ވަނީ، އޭޕްރީލް ހަތަރު ވަނަ ދުވަހު އޮންނަ ލޯކަލް ކައުންސިލްގެ އިންތިޚާބާއި، އަންހެނުންގެ ތަރައްޤީ އަށް މަސައްކަތްް ކުރާ ކޮމެޓީގެ އިންތިޚާބުގެ ކެމްޕެއިން ނިންމުމަށް، އޭޕްރީލް ތިން ވަނަ ދުވަހު ބާއްވާ ހިނގާލުމާ ގުޅޭ ގޮތުންނެވެ.
އެ ބައްދަލުވުމަށް ފަހު އެމްޑީޕީގެ ޕާލަމެންޓްރީ ގުރޫޕުގެ ލީޑަރު އިބްރާހީމް ނާޒިލް ވިދާޅުވީ، އެ ހިނގާލުން ކުރިއަށް ގެންދިޔުމަށް އެއްބާރުލުން ދޭނެ ކަމުގެ ޔަޤީންކަން ފުލުހުން ދީފައިވާ ކަމަށެވެ. އެގޮތުން ހިނގާލުން ކުރިއަށް ގެންދާނެ ރޫޓާއި، އެހެނިހެން ކަންކަމާ ގުޅޭ ގޮތުން ވެސް މަޝްވަރާ ކުރެވުނު ކަމަށް ނާޒިލް ވިދާޅުވި އެވެ.
މީގެ އިތުރުން އޭޕްރީލް ތިން ވަނަ ދުވަހުގެ ހިނގާލުމާއި، އެ ރޭގެ ކަންތައްތަކާއި އަދި ވޯޓުލާ ދުވަހުގެ އިންތިޒާމުތަކާ ގުޅޭ ގޮތުން ވެސް އެމްޑީޕީ އިން ވަނީ ފުލުހުންނާ މަޝްވަރާ ކޮށްފަ އެވެ.
