އީރާންގެ ސަރުކާރު މުޅިން ނައްތާލުމަށް، ހަރުދަނާ ނިޒާމީ ރޭވުމެއް އެކުލަވާލައިފިން: ނަތަންޔާހޫ

އީރާންގައި މިހާރު އޮތް މުޅި ސަރުކާރު ނައްތާލުމަށް، އިޒްރޭލް އިން ހަރުދަނާ ނިޒާމީ ރޭވުމެއް އެކުލަވާލާފައިވާ ކަމަށް އެ ޤައުމުގެ ބޮޑު ވަޒީރު ބެންޖަމިން ނަތަންޔާހޫ ވިދާޅުވެއްޖެ އެވެ.

ހޮނިހިރު ދުވަހު ނަތަންޔާހޫ މިހެން ވިދާޅުވެފައި ވަނީ، ޤައުމާ މުޚާތަބު ކުރައްވައި ދެއްވި ބަޔާނެއްގަ އެވެ. އެ ބަޔާނުގައި ނަތަންޔާހޫ ވިދާޅުވެފައި ވަނީ، އީރާންއާ ދެކޮޅަށް ފަށާފައިވާ ހަނގުރާމަ އެންމެ ބާރުގައި ކުރިއަށް ގެންދާނެ ކަމަށެވެ. 

އެމެރިކާ އާއި އިޒްރޭލް އެކުވެގެން އީރާން އަށް ދެމުން އަންނަ ހަމަލާ ތަަކަށް ހަފުތާއެއް ވެފައިވާއިރު، ނަތަންޔާހޫ ވިދާޅުވީ އީރާންގެ ވެރި ރަށް ތެހެރާން މިހާރު އޮތީ އެމެރިކާ އާއި އިޒްރޭލްގެ ފުރިހަމަ ބާރުގައި، އެ ޤައުމު ތަކުގެ އަތް ދަށުގައި ކަމަށެވެ. އޭނާ ވިދާޅުވީ، އީރާންގެ ސަރުކާރު ނައްތާލުމުގެ އިތުރުން، އެ ސަރަހައްދުގައި ޙާސިލު ކުރަން ބޭނުންވާ ގިނަ މަޤުސަދު ތަކެއް ވެސް އެބަހުރި ކަމަށެވެ. 

އެމެރިކާ އާއި އިޒްރޭލް އެކުވެގެން، އީރާންއާ ދެކޮޅަށް މި ހަނގުރާމަ ފަށާފައި ވަނީ ފެބްރުވަރީ މަހުގެ 28 ވީ ހޮނިހިރު ދުވަހު އެވެ. އެގޮތުން އެމެރިކާ އާއި އިޒްރޭލް އިން ވަނީ އީރާން އަށް އަމާޒުކޮށް އެ ދުވަހު ވަރުގަދަ ހަމަލާ ތަކެއް ދޭން ފަށައިފަ އެވެ. އެ ހަމަލާ ތަކުގައި ޖެހިގެން އައި އާދީއްތަ ދުވަހު އީރާންގެ އެންމެ މަތީ ވެރިޔާ، އަދި ރޫހާނީ ލީޑަރު އާޔަތުﷲ އަލީ ޚާމަނާއީ އަވަހާރަވެފައިވާއިރު، އެއީ އެމެރިކާ އާއި އިޒްރޭލްގެ އެންމެ ބޮޑު މަޤުސަދެވެ. 

އިސްރާއީލާއި އެމެރިކާ ގުޅިގެން އިރާނާ ދެކޮޅަށް މި ހަނގުރާމަ ފަށާފައިވަނީ މިދިޔަ ހަފްތާގެ ހޮނިހިރު ދުވަހު ތެހެރާނަށް ދިން ވަރުގަދަ ހަމަލާތަކަކުންނެވެ. އެ ހަމަލާތަކުގައި އިރާނުގެ އެންމެ މަތީ ލީޑަރު އާޔަތުﷲ އަލީ ޚާމަނާއީ އަވަހާރަކޮށްލާފައިވާކަން ވެސް ނަތަންޔާހޫގެ ވާހަކަފުޅުގައި ވަނީ ފާހަގަކުރައްވާފައެވެ. 

ޤައުމުގެ ރައްޔިތުންނާ މުޚާތަބު ކުރައްވައި ނަތަންޔާހޫ ވިދާޅުވެފައި ވަނީ، ކާމިޔާބީއާ ހަމައަށް ހަނގުރާމަ ކުރިއަށް ގެންދިޔުމަށް ރައްޔިތުންނާއި ސިފައިން ބޭނުންވާ ކަމަށާއި، އެކަމުގެ ޔަޤީންކަން އޭނާ ދެއްވާ ކަމަށެވެ. އަދި އިޒްރޭލް އާއި އެމެރިކާގެ އަސްކަރިއްޔާ އިން ދެމުން އަންނަ ވަރުގަދަ ހަމަލާ ތަކުގެ ސަބަބުން، އީރާންގެ ވައިގެ ސަރަހައްދު މިހާރު އޮތީ އެ ޤައުމު ތަކުގެ ފުރިހަމަ ބާރުގެ ދަށުގައި ކަމަށް ނަތަންޔާހޫ ތަކުރާރުކޮށް ވިދާޅުވި އެވެ. 

މީގެ އިތުރުން އެ ބަޔާނުގައި އީރާންގެ ރައްޔިތުންނަށް ނަތަންޔާހޫ ވިދާޅުވީ، އީރާންގެ އަނިޔާވެރި ވެރިކަމުން އެ ރައްޔިތުން ސަލާމަތްކޮށް، މިނިވަން ކުރުމުގެ ވަގުތު ޖެހިފައިވާ ކަމަށެވެ. އަދި އިޒްރޭލް އިން މިހާރު ކުރަމުންދާ މަސައްކަތް ތަކުގެ ސަބަބުން މެދު އިރުމަތީގެ ބާރުގެ މިނިވަން ކަމަށް ބޮޑެތި ބދަލު ތަކެއް އައިސް، އަދި މުޅި ސަރަހައްދު ބަދަލުވަމުންދާ ކަމަށް އޭނާ ފާހަގަ ކުރެއްވި އެވެ. 

އިޒްރޭލްގެ އަސްކަރިއްޔާ އިން ހާމަ ކޮށްފައިވާ ތަފާސް ހިސާބު ތަކަށް ބަލާއިރު، ހަނގުރާމައިގެ ފުރަތަމަ ހަފުތާގެ ތެރޭގައި އެކަނި ވެސް އީރާން އަށް 3،400 އަށް ވުރެ ގިނަ ވައިގެ ހަމަލާ ދީފައިވެ އެވެ. މި ހަމަލާ ތަކުގައި ގާތް ގަނޑަކަށް 7،500 ބޮން ބޭނުން ކޮށްފައިވާ ކަމަށް ވެސް އިޒްރޭލްގެ އަސްކަރިއްޔާ އިން ވަނީ މައުލޫމާތު ދީފަ އެވެ.