އެފްއޭއެމް ވެޓަރަންސް ކަޕް: 13 ލަނޑުގެ ބޮޑު މޮޅާ އެކު، ހުޅުމާލެ ވެޓަރަންސް ސެމީ ފައިނަލަށް
މޮޅާ އެކު ހުޅުމާލެ ވެޓަރަންސް އިން ސެމީ ފައިނަލްގެ ޖާގަ ހޯދީ ގުރޫޕް ސްޓޭޖުގައި ކުޅުނު ހަތަރު މެެޗުން 10 ޕޮއިންޓާ އެކު.
މެޗުގައި ލަނޑު ޖެހުމަށް ފަހު ހުޅުމާލެ ވެޓަރަންސްގެ ކުޅުންތެރިން އުފާ ފާޅު ކުރަނީ | ސޯޝަލް މީޑިއާ
މިހާރު ކުރިއަށްދާ އެފްއޭއެމް ވެޓަރަންސް ކަޕްގެ ގުރޫޕް ސްޓޭޖުގައި ބުރު ސްޕޯޓްސް ކުލަބާ ދެކޮޅަށް ކުޅުނު މެޗުން ބޮޑު މޮޅެއް ހޯދައި، ހުޅުމާލެ ވެޓަރަންސް ކުލަބުން މުބާރާތުގެ ސެމީ ފައިނަލްގެ ފުރުސަތު ހޯދައިފި އެވެ.
ހޮނިހިރު ދުވަހުގެ ހަވީރު މާފަންނު ޓާފް ދަނޑުގައި ކުޅުނު މެޗު ހުޅުމާލެ ވެޓަރަންސް އިން ކާމިޔާބު ކުރީ 13-0 އިންނެވެ. މެޗުގެ ފުރަތަމަ ހާފުގައި ހުޅުމާލެ ވެޓަރަންސް އިން ހަތަރު ލަނޑު ޖެހިއިރު، އަނެއް ނުވަ ލަނޑު ޖެހީ ދެ ވަނަ ހާފުގަ އެވެ.
މެޗުގައި ހުޅުމާލެ ވެޓަރަންސްގެ ލަނޑުތައް ޖެހީ ޙުސެއިން ސިމާޒް، އިބްރާހީމް މާޖިދު، ނާފިއު މުޙައްމަދު ހާމިދު، އަޙުމަދު މުއާޒް، އަޙުމަދު ޝައިރު އަދި މުޙައްމަދު ޒަރީފް އެވެ. މީގެ ތެރެއިން މުއާޒް އާއި ޒަރީފް ވަނީ ކޮންމެ ކުޅުންތެރިޔަކު ދެ ލަނޑު ޖަހައިފަ އެވެ. އަދި ސިމާޒް ވަނީ ތިން ލަނޑު ޖަހައި ހެޓްރިކް ހަމަ ކޮށްފަ އެވެ.
މޮޅާ އެކު ހުޅުމާލެ ވެޓަރަންސް އިން ސެމީ ފައިނަލްގެ ޖާގަ ހޯދީ ގުރޫޕް ސްޓޭޖުގައި ކުޅުނު ހަތަރު މެެޗުން 10 ޕޮއިންޓާ އެކު އެވެ.
