އޮސްލޯގައި ހުންނަ އެމެރިކާ އެމްބަސީ ކައިރިން ބާރުގަދަ ގޮވުމެއް!
ނޯވޭގެ ވެރިރަށް އޮސްލޯގައި ހުންނަ އެމެރިކާ އެމްބަސީ ކައިރިން ބާރުގަދަ ގޮވުމެއްގެ އަޑު އިވުމާ ގުޅިގެން، އެ ގައުމުގެ ފުލުހުން އެ ސަރަހައްދުގައި ދަނީ ހަރަކާތްތެރިވަމުން. މި ހާދިސާގައި މިހާތަނަށް އެއްވެސް މީހަކަށް އަނިޔާވި ކަމުގެ ރިޕޯޓެއް ލިބިފައި ނުވާއިރު، ގޮވުން މެދުވެރިވި ސަބަބު ދެނެގަތުމަށް ފުލުހުން ދަނީ އެމްބަސީއާ ގުޅިގެން މަސައްކަތް ކުރަމުން.
ނޯވޭގެ ވެރިރަށް އޮސްލޯގައި ހުންނަ އެމެރިކާ އެމްބަސީ ހިމެނޭ ސަރަހައްދުގައި ގޮވުމެއް ގޮވާފައިވާކަން އެ ގައުމުގެ ފުލުހުން ކަށަވަރުކޮށްދީފި. | އެކްސް
ނޯވޭގެ އޮސްލޯގައި ހުންނަ އެމެރިކާ އެމްބަސީ ކައިރިން ބާރުގަދަ ގޮވުމެއްގެ އަޑު އިވިއްޖެ ކަމަށް ރިޕޯޓްތައް ބުނެފިއެވެ.
ނޯވޭގެ ފުލުހުން ނެރުނު ބަޔާނެއްގައި ބުނެފައިވަނީ، އެ ގައުމުގެ ވެރިރަށް އޮސްލޯގައި ހުންނަ އެމެރިކާ އެމްބަސީ ހިމެނޭ ސަރަހައްދުން ބާރުގަދަ ގޮވުމެއްގެ އަޑު އިވިފައިވާ ކަމަށެވެ.
މި ގޮވުން ގޮވަން މެދުވެރިވި ސަބަބެއް ނުވަތަ މިކަމުގައި ބައިވެރިވީ ކޮން ބައެއްކަން އަދި ސާފުވެފައި ނުވާކަމަށް ފުލުހުންގެ ބަޔާނުގައި ބުނެފައިވެއެވެ.
ފުލުހުން އިތުރަށް ބުނެފައިވަނީ، މި ހާދިސާއާ ގުޅިގެން އެމްބަސީއާ ވާހަކަދައްކަމުންދާ ކަމަށާއި، މިހާތަނަށް އެއްވެސް މީހަކަށް އަނިޔާވި ކަމުގެ ރިޕޯޓެއް ލިބިފައި ނުވާ ކަމަށެވެ.
ސޯޝަލް މީޑިއާ ގައި އާންމުވެފައިވާ ފޮޓޯ އާއި ވީޑިއޯ އަށް ބަލާއިރު ގިނަ އަދަދެއްގެ ހަތިޔާރު އެޅި ސަލާމަތީ އޮފިޝަލުން އެ ސަރަހައްދުގައި ދަނީ ހަރަކާތްތެރިވަމުންނެވެ.
