ބަޣުދާދުގެ ބައިނަލްއަގުވާމީ އެއާޕޯޓްގައި ހުންނަ އެމެރިކާގެ އަސްކަރީ މަރުކަޒަށް އީރާނުން ހަމަލާ ދީފި
7 މާރިޗު 2026 | ހޮނިހިރު 02:55ޢިރާޤުގެ ބަޣުދާދު އެއާޕޯޓުގައި ހުންނަ އެމެރިކާގެ އަސްކަރީ މަރުކަޒަކަށް އަމާޒުކޮށް ހަތަރު ޑްރޯން ފޮނުވާލާފައިވާއިރު، އޭގެ ތެރެއިން ދެ ޑްރޯން އެ މަރުކަޒުގެ އެތެރެއަށް ވެއްޓިފައިވާ ކަމަށް ސަލާމަތީ ބާރުތަކުން ވަނީ ބުނެފައި.
ބަޣުދާދު އިންޓަނޭޝަނަލް އެއާޕޯޓް. | އޭއެފްޕީ
ޢިރާޤުގެ ބަޣުދާދު އިންޓަރނޭޝަނަލް އެއާޕޯޓުގައި އެމެރިކާގެ ޑިޕްލޮމެޓިކް ވަސީލަތްތައް ގާއިމުކޮށްފައި ހުންނަ އަސްކަރީ މަރުކަޒަކަށް، ހުކުރު ދުވަހުގެ އިރުއޮއްސުނު ވަގުތު ޑްރޯން ހަމަލާތަކެއް ދީފި ކަމަށް ސަލާމަތީ ބާރުތަކުން އޭއެފްޕީ ނިއުސް އެޖެންސީއަށް މައުލޫމާތު ދީފިއެވެ.
ސަލާމަތީ އިދާރާގެ އޮފިޝަލަކު ވިދާޅުވި ގޮތުގައި، އެ އަސްކަރީ މަރުކަޒަށް އަމާޒުކޮށް ޖުމްލަ ހަތަރު ޑްރޯން ފޮނުވާލާފައިވެއެވެ. އަދި އެހެން އޮފިޝަލަކު މައުލޫމާތު ދެއްވި ގޮތުގައި، އޭގެ ތެރެއިން މަދުވެގެން ދެ ޑްރޯން ވަނީ އެ މަރުކަޒަށް އަރާފަ އެވެ.
މެދުއިރުމަތީގައި ހަނގުރާމަ ފެށުނު ފަހުން، ބަޣުދާދު އެއާޕޯޓް ކައިރިއަށް އަމާޒުކޮށް ދިން މިފަދަ އެތައް ޑްރޯން ހަމަލާތަކެއް ވަނީ ދިފާއީ ނިޒާމުތަކުން ހުއްޓުވާފައެވެ.
މީގެ އިތުރުން، ބަޣުދާދު އިންޓަރނޭޝަނަލް އެއާޕޯޓް ސަރަހައްދުގައި ހުރި އެމެރިކާގެ އެހެން ރާޑާރަކަށް އީރާނުން ވަނީ ހަމަލާދީފައެވެ.
މަސްދަރު: އޭއެފްޕީ
