ކަނޑުމަގުން ރާއްޖެއަށް އެތެރެކުރަން އުޅުނު 99،000 ސިނގިރޭޓް ސްޓިކްސް އަތުލައިގެންފި
މި މަހުގެ 5 ވަނަ ދުވަހު މާލޭ ކޮމާޝަލް ހާބަރަށް ކަނޑުމަގުން ގެނައި މުދަލުގެ ތެރޭގައި ފޮރުވައިގެން އެތެރެކުރަން އުޅުނު 99،000 ސިނގިރޭޓް ސްޓިކްސް ވަނީ އަތުލައިގެންފައި. މި މައްސަލައިގައި ޝާމިލުވާ ފަރާތްތައް ދެނެގަތުމުގެ މަސައްކަތް ކުރަމުންދާއިރު، ފާއިތުވި ދޮޅުމަހެއްހާ ދުވަހުގެ ތެރޭގައި 2 މިލިއަނަށްވުރެ ގިނަ ސިނގިރޭޓާއި 7،000 ވޭޕް ސްޓިކް އަތުލައިގަނެފައިވޭ.
ރާއްޖެއަށް އެތެރެކޮށްފައިވާ ވޭޕް - ފަހަކަށް އައިސް ރާއްޖެ އެތެރެކޮށް ވިއްކުން މަނާ ވޭޕް ކާޓްރިޖްތަކުގެ މައްސަލަ ފެންތިވެފައިވޭ | މޯލްޑިވްސް ޕޮލިސް
ކަނޑުމަގުން ރާއްޖެއަށް އެތެރެކުރަން އުޅުނު ގިނަ އަދަދެއްގެ ސިނގިރޭޓް ސްޓިކްސް މޯލްޑިވްސް ކަސްޓަމްސް ސަރވިސް އިން އަތުލައިގެންފި އެވެ.
ހޮނިހިރު ދުވަހު ކަސްޓަންސްއިން ބުނީ، ކަނޑުމަގުން ރާއްޖެއަށް ސިއްރުން އެތެރެކުރަން އުޅުނު 99،000 ސިނގިރޭޓް ސްޓިކްސް އަތުލައިގެންފައިވާ ކަމަށެވެ.
މި ތަކެތި އަތުލައިގަނެފައިވަނީ މި މަހުގެ 5 ވަނަ ދުވަހު މާލޭ ކޮމާޝަލް ހާބަރުންނެވެ.
ކަސްޓަމްސްއިން ބުނީ، މި ތަކެތި ރާއްޖެއަށް އެތެރެކުރަން މަސައްކަތް ކޮށްފައިވަނީ ކަނޑުމަގުން ގެނައި މުދަލުގެ ތެރޭގައި ފޮރުވައިގެން ކަމަށާއި، މިކަމުގައި ޝާމިލުވާ ފަރާތްތައް ދެނެގަތުމުގެ މަސައްކަތް ކުރަމުންދާ ކަމަށެވެ.
މި މައްސަލަ މިހާރު ދަނީ އިތުރަށް ތަހުގީގު ކުރަމުންނެވެ.
މިމަހުގެ ތެރޭގައި 99،000 ސިނގިރޭޓް ސްޓިކްސް އަތުލައިގެންފައިވާއިރު، ގާނޫނާ ގަވާއިދާ ޚިލާފަށް ރާއްޖެއަށް އެތެރެވަމުންދާ ތަކެތި އަދި ރާއްޖެއަށް އެތެރެކުރުން މަނާ ތަކެތި ހިފެހެއްޓުމަށް ކަސްޓަމްސް އިން ބުރަ މަސައްކަތްތަކެއް ކުރަމުންދާ ކަމަށް މިފަހުން ހޯމް މިނިސްޓަރު އަލީ އިހުސާން ވިދާޅުވެފައިވެ އެވެ. މިނިސްޓަރު އިހުސާން ވިދާޅުވީ، ކުރެވުނު މަސައްކަތުގެ އަލީގައި ފާއިތުވި ދޮޅުމަހެއްހާ ދުވަހު ވަނީ 7 ހާސް ވޭޕް ސްޓިކް އަތުލައިގަނެވިފައި ކަމަށާއި، 2 މިލިއަނެއްހާ ސިނގިރޭޓް އަތުލައިގަނެފައިވާ ކަމަށެވެ.
