ކަނޑުމަގުން ރާއްޖެ އެތެރެކުރަން އުޅުނު 29 މިލިއަން ރުފިޔާގެ ހަޝިޝް އޮއިލް އަތުލައިގަނެފި
ކަނޑުމަގުން ރާއްޖެއަށް އެތެރެކުރި މުދާ ޝިޕްމެންޓެއް ބަލައިފާސްކުރުމުގެ ތެރޭގައި، 36 ކިލޯއަށްވުރެ ގިނަ ހަޝިޝް އޮއިލް ކަސްޓަމްސް އިން އަތުލައިގަނެފި. މަގުމަތީ އަގު 29 މިލިއަން ރުފިޔާއަށް އަރާ މިތަކެތި ފެނިފައި ވަނީ މި މަހުގެ 12 ވަނަ ދުވަހު ހިންގި އޮޕަރޭޝަނެއްގަ. މި މައްސަލަ އިތުރަށް ތަހުގީގު ކުރުމަށްޓަކައި އަތުލައިގަނެވުނު މަސްތުވާތަކެތި މިހާރު ވަނީ ފުލުހުންގެ މުއައްސަސާއާ ހަވާލުކޮށްފަ.
ކަސްޓަމްސް އިން އަތުލައިގަތް 29 މިލިއަން ރުފިޔާގެ ހަޝިޝް އޮއިލް | މޯލްޑިވްސް ކަސްޓަމްސް ސާރވިސް
ކަނޑުމަގުން ރާއްޖެ އެތެރެކުރަން އުޅުނު 29 މިލިއަން ރުފިޔާގެ ހަޝިޝް އޮއިލް، މޯލްޑިވްސް ކަސްޓަމްސް ސަރވިސް އިން އަތުލައިގަނެފި އެވެ.
ކަސްޓަމްސް އިން ހާމަކޮށްފައިވާ ގޮތުގައި ކަނޑުމަގުން ރާއްޖެއަށް ގެނައި މުދާ ޝިޕްމެންޓެއް، 12 ފެބުރުވަރީ 2026 ވަނަ ދުވަހު ބަލައިފާސްކުރުމުގެ ތެރޭގައި، މަސްތުވާތަކެތިކަމަށް ޝައްކުކުރެވޭ ތަކެތި ވަނީ ފެނިފަ އެވެ.
ކަސްޓަމްސް އިން ބުނީ ފުރަތަމަ މަރުހަލާގެ ޓެސްޓުތަކުން މިތަކެތި ހަޝިޝް އޮއިލްއަށް ޕޮޒިޓިވްވެފައިވާ ކަމަށެވެ.
އެތަކެތީގެ ބަރުދަނުގައި 36.43 ކިލޯ ހުރި ކަމަށާ އެތަކެތީގެ މަގުމަތީ އަގު 29 މިލިއަން ރުފިޔާ އަށް އަރާނެ ކަމަށް ވެސް ކަސްޓަމްސް އިން ވަނީ ބުނެފަ އެވެ. އަދި މި މައްސަލަ އިތުރަށް ތަހުގީގު ކުރުމަށްޓަކައި އަތުލެވުނު މަސްތުވާތަކެތި ފުލުހުންނާ ހަވާލު ކޮށްފައިވާ ކަމަށް ވެސް ކަސްޓަމްސް އިން ވަނީ ބުނެފަ އެވެ.
މިތަކެތި ހުރީ ރަބަރު ޕެކެޓްތަކެއްގައި ބަންދު ކޮށްފަ އެވެ.
