އީރާނުގެ ހަނގުރާމަމަތީ މަނަވަރު އިންޑިއާގެ ކޮޗިން ގައި ބަނދަރުކޮށްފި
6 މާރިޗު 2026 | ހުކުރު 16:30އީރާނުގެ ހަނގުރާމަމަތީ މަނަވަރެއް ކަމަށްވާ "އައި.އާރް.އައި.އެސް ލެވަން" މި މަހުގެ 4 ވަނަ ދުވަހު އިންޑިއާގެ ކޮޗިން ބަނދަރުގައި ބަނދަރުކޮށްފި. މި މަނަވަރުގައި ތިބި 183 ފަޅުވެރިންނަށް ކޮޗިންގެ ނޭވަލް ފެސިލިޓީތަކުން ހުރުމުގެ އިންތިޒާމު އިންޑިއާ ސަރުކާރުން މިހާރު ވަނީ ހަމަޖައްސައިދީފައި. މިކަން އިންޑިއާ ސަރުކާރުގެ ރަސްމީ މަސްދަރަކުން ވަނީ ކަށަވަރުކޮށްދީފައި.
ފެބްރުއަރީ 6، 2025 ގައި އާންމުކޮށްފައިވާ މި ފޮޓޯއިން ފެންނަނީ، އީރާނުގެ ދެކުނު ސަރަހައްދުގައި އޮތް އެ ގައުމުގެ ފުރަތަމަ ޑްރޯން އުފުލާ މަނަވަރު. | ރޮއިޓާސް
އެމެރިކާގެ ސަބްމެރީނަކުން އީރާނުގެ އަސްކަރީ މަނަވަރެއް ފައްތާލައި، އަދި އެ ގައުމުގެ އެހެން މަނަވަރެއް ސްރީލަންކާގައި ބަނދަރުކޮށްފައި ވަނިކޮށް، އީރާނުގެ ހަނގުރާމަމަތީ މަނަވަރެއް އިންޑިއާގެ ހުޅަނގު ދެކުނު ކޮޗިން ގައި ބަނދަރުކޮށްފި ކަމަށް ނިއުދިއްލީގެ ސަރުކާރުގެ މަސްދަރަކުން ހުކުރު ދުވަހު ބުނެފިއެވެ.
އިންޑިއާ ސަރުކާރުގެ މަސްދަރަކުން މައުލޫމާތު ދިން ގޮތުގައި، "އައި.އާރް.އައި.އެސް ލެވަން" ނަމަކަށް ކިޔާ މި މަނަވަރު ކޮޗިންގައި ބަނދަރުކޮށްފައިވަނީ މާރިޗު މަހުގެ 4 ވަނަ ދުވަހުއެވެ. އަދި މިކަމާ ގުޅިގެން، އެ މަނަވަރުގައި ތިބި 183 ފަޅުވެރިންނަށް މިހާރު ކޮޗިންގެ ނޭވަލް ފެސިލިޓީތަކުން ހުރުމުގެ އިންތިޒާމު ހަމަޖައްސައިދީފައިވާ ކަމަށްވެސް އެ މަސްދަރުން ބުނެފައިވެއެވެ.
