އީރާންއާ ގުޅޭ ގޮތުން ޑިސަނަޔަކެ ވިދާޅުވީ، ލަންކާ އިން އިންސާނީ އަގުތައް ދަމަހައްޓާނެ ކަމަށް

އެމެރިކާގެ ސަބްމެރީން އަކުން އީރާންގެ އަސްކަރީ މަނަވަރަކަށް ހަމަލާ ދިނުމާ ގުޅިގެން، އެ މަނަވަރުގައި ތިބި ފަޅުވެރިންނަށް ސްރީ ލަންކާ އިން އެހީތެރިކަން ފޯރުކޮށްދިނީ އިންސާނީ އަގުތައް ދެމެހެއްޓުމުގެ ގޮތުން ކަމަށް، ސްރީ ލަންކާގެ ރައީސް އަނޫރާ ކުމާރަ ޑިސަނަޔަކެ ވިދާޅުވެއްޖެ އެވެ.

ސްރީ ލަންކާގެ ދެކުނު އައްސާރިން ގާތް ގަނޑަކަށް 44 ނޯޓިކަލް މޭލް ނުވަތަ، 81 ކިލޯ މީޓަރު ދުރު ހިސާބެއްގައި މި ހާދިސާ ހިނގިއިރު، ލަންކާ އިން ވަނީ އެ އުޅަނދުގައި ތިބި އީރާންގެ އަސްކަރީ އޮފިޝަލުންނަށް ރައްކާތެރިކަން ފޯރުކޮށްދީ، އެ މީހުން ސަލާމަތް ކޮށްދީފަ އެވެ. 

އެ ހާދިސާއާ ގުޅޭ ގޮތުން ލަންކާގެ ރައީސް ޑިސަނަޔަކެ ވިދާޅުވީ، ސްރީ ލަންކާގެ ސިޔާސަތަކީ ވަކި ފަރާތަކަށް ޖެހުމެއް ނެތް، މިނިވަން ސިޔާސަތެއް ކަމަށެވެ. ހަމަ އެއާ އެކު، ސްރީ ލަންކާ އިން އިންސާނިއްޔަތުގެ އަގުތަކާއި، އިންސާނިއްޔަތުކަން ދަމަހައްޓާނެ ކަމަށް ވެސް އެމަނިކުފާނު ވަނީ ވިދާޅުވެފަ އެވެ. އެ ހާދިސާގައި ސްރީ ލަންކާ އިން އަމަލު ކޮށްފައި ވަނީ ބައިނަލްއަޤުވާމީ މުއާހަދާ ތަކަށް އިޙުތިރާމް ކުރުމާ އެކު، ޤައުމުގެ އަބުރާއި ޤަދަރު ހިފެހެއްޓޭނެ ފަދަ ގޮތަކަށް ކަމަށް ވެސް ޑިސަނަޔަކެ ވިދާޅުވި އެވެ.

އެމެރިކާ އާއި އިޒްރޭލް އިން އީރާން އަށް ހަމަލާ ދިނުމާ ގުޅިގެން، އޭގެ ރައްދުގައި އީރާން އިން ހަމަލާ ދޭން ފެށުމާ އެކު، ސަރަހައްދީ މަސްރަހު ވަނީ ވަރަށް ބޮޑަށް ހޫނުވެފަ އެވެ. މެދު އިރުމަތީގެ ސަރަހައްދު ނުތަނަވަސްވެފައިވާއިރު، ޑިސަނަޔަކެ ވިދާޅުވީ ސްރީ ލަންކާ އިން އެންމެ ބޮޑު އިސްކަމެއް ދޭނީ އިންސާނީ ފުރާނަ ސަލާމަތް ކުރުމަށް ކަމަށެވެ. 

މި ހާދިސާ ހިނގާފައިވާ ސަރަހައްދަކީ އިންޑިއާގެ އިރު ދެކުނުން އަދި ބޭ އޮފް ބެންގާލްގެ ހުޅަނދު ދެކުނު އިންޑިއާ ކަނޑުގެ މުހިންމު ސަރަހައްދެކެވެ. މެދު އިރުމަތީގައި އުފެދިފައިވާ ހަމަ ނުޖެހުންތައް އިތުރަށް ފުޅާވަމުންދާ ވަގުތެއްގައި، އީރާންގެ މަނަވަރެއް ފައްތާލުމަކީ ސަރަހައްދީ މަސްރަހު އިތުރަށް ގޯސްވެގެން ދާނެ ކަމެއް ކަމަށް މަސްރަހު ދިރާސާ ކުރާ ފަރާތް ތަކުން ބުނެފައިވެ އެވެ. 

މި ހާދިސާ ހިނގާފައިވާ ސަރަހައްދަކީ އިންޑިއާގެ އިރުދެކުނުން އަދި ބޭ އޮފް ބެންގާލްގެ ހުޅަނގު ދެކުނުން އިންޑިއާ ކަނޑުގެ މުހިންމު ސަރަހައްދެކެވެ. މެދުއިރުމަތީގައި އުފެދިފައިވާ ހަމަނުޖެހުންތައް އިތުރަށް ފުޅާވަމުންދާ ދަނޑިވަޅެއްގައި، އީރާނުގެ މަނަވަރެއް ފައްތާލުމަކީ ސަރަހައްދީ މަސްރަހު އިތުރަށް ގޯސްވެގެންދާނެ ކަމެއް ކަމަށް މަސްރަހު ދިރާސާކުރާ ފަރާތްތަކުން ބުނެއެވެ.