އީރާން ހަނގުރާމަ އެތައް މަސްތަކަކަށް ދެމިގެން ހިނގައިދާނެ ކަމުގެ އިންޒާރު އިނގިރޭސިވިލާތުގެ މިނިސްޓަރަކު ދެއްވައިފި
މަސްރަހަށް އަންނަމުންދާ ބަދަލުތަކަށް ބަލާއިރު، މިއީ ކުރު މުއްދަތެއްގެ ތެރޭގައި ހައްލުވާނެ ކަމެއް ނޫންކަމުގެ ނިޝާންތައް ފެންނަން ހުރިކަމަށާއި އެހެންކަމުން، މި ހާލަތު ކުރިއަށް އޮތް ހަފުތާތަކަށް ނުވަތަ މަސްތަކަށް ދެމިގެންދާނެ ކަމަށް ލަފާކުރެވޭ ކަމަށް ޕާލަމަންޓުގައި ވާހަކަދައްކަވަމުން މިނިސްޓަރު ވިދާޅުވި.
އީރާނުގެ ވެރިރަށް ތެހެރާނަށް 2026 ވަނަ އަހަރުގެ މާރިޗު މަހުގެ 3 ވަނަ ދުވަހު ދިން ހަމަލާއަކާ ގުޅިގެން އެ ސިޓީގެ މައްޗަށް ދުންގަނޑު އަރަމުންދާއިރު، އިމާރާތެއްގެ ފުރާޅު މަތީގައި ހުރި މީހަކު އެ މަންޒަރު ބަލަނީ. | ގެޓީ އިމޭޖަސް
އިރާނާ ދެކޮޅަށް އެމެރިކާ އާއި އިޒްރޭލުން ފަށައިގެން އުޅޭ ހަނގުރާމަ ކުރިއަށް އޮތް މަސްތަކަށް ދެމިގެން ހިނގައިދާނެ ކަމަށް ވިދާޅުވެ އިނގިރޭސިވިލާތުގެ މިނިސްޓަރަކު އިންޒާރު ދެއްވައިފި އެވެ.
އިނގިރޭސިވިލާތުން މެދުއިރުމައްޗަށް ކަނޑައަޅާފައި ހުންނަވާ މިނިސްޓަރު ހާމިޝް ފެލްކޯނާ އެ ގައުމުގެ ޕާލަމަންޓުގައި ވާހަކަދައްކަވަމުން ވިދާޅުވީ، އީރާނުގެ ހަނގުރާމަ އާ ގުޅިގެން އުފެދިފައިވާ ނުތަނަވަސްކަން ކުރިއަށް އޮތް މަސްތަކަށް ދެމިގެން ދިއުމުގެ ފުރުސަތު އެބައޮތް ކަމަށެވެ.
މިނިސްޓަރު ހާމިޝް ފެލްކޯނާ ވިދާޅުވީ، މަސްރަހަށް އަންނަމުންދާ ބަދަލުތަކަށް ބަލާއިރު، މިއީ މަދު ދުވަސްކޮޅެއްގެ ތެރޭގައި ހައްލުވާނެ ކަމެއް ނޫން ކަމުގެ ނިޝާންތައް ފެންނަން ހުރި ކަމަށެވެ. އަދި މި ހާލަތު ކުރިއަށް އޮތް ހަފުތާތަކަށް ނުވަތަ މަސްތަކަށް ދެމިގެންދާނެ ކަމަށް ބެލެވޭ ކަމަށް ވެސް އޭނާ ވިދާޅުވިއެވެ.
