ސްރީލަންކާ އިން އީރާނުގެ މަނަވަރެއްގެ 208 ފަޅުވެރިން އެ ގައުމަށް ބާލައި، މަނަވަރަށް ރައްކާތެރިކަން ދީފި
6 މާރިޗު 2026 | ހުކުރު 01:56ލަންކާގެ ރައީސް އަނޫރާ ކުމާރާ ދިސާނާޔަކަ ވިދާޅުވި ގޮތުގައި، އެ ގައުމުގެ ކަނޑުގެ ސިފައިން މިހާރު ވަނީ އެ މަނަވަރާ ހަވާލުވެ، ރައްކާތެރިކަން ކަށަވަރު ކުރުމަށްޓަކައި ޓްރިންކޮމަލީ ބަނދަރަށް ގެންދިއުމުގެ މަސައްކަތް ފަށާފައި. މި ފިޔަވަޅު އަޅާފައިވަނީ ސަރަހައްދީ މަސްލަހަތަށް ބަލައި ފަޅުވެރިންގެ ސަލާމަތްތެރިކަން އިސްކުރުމުގެ ގޮތުން.
ސްރީލަންކާގެ ކައިރިން އީރާނުގެ އަސްކަރީ މަނަވަރެއް ކަމަށްވާ "އައިއާރުއައިއެސް ދެނާ" އަށް ސަބްމެރިންއަކުން ދިން ހަމަލާއެއްގައި އަނިޔާވި އީރާނުގެ ފަޅުވެރިން، އިތުރު ފަރުވާއަށް ގާލީ ނޭޝަނަލް ހޮސްޕިޓަލުގެ ތެރޭގައި ހިނގާފައިދަނީ، މާރިޗު 5, 2026. | ރޮއިޓާސް
އެމެރިކާގެ ސަބްމެރީނަކުން ހަމަލާދީ އީރާނުގެ އަސްކަރީ މަނަވަރެއް ފައްތާލިތާ 24 ގަޑިއިރު ނުވަނީސް، އީރާނު ނޭވީގެ އެހެން މަނަވަރެއްގައި ތިބި 208 ފަޅުވެރިން ސްރީލަންކާއިން ރައްކާތެރިކަމާއެކު އެ ގައުމަށް ބާލާފައިވާ ކަމަށް އެ ގައުމުގެ ރައީސް އަނޫރާ ކުމާރާ ޑިސާނާޔަކަ ބުރާސްފަތި ދުވަހު ވިދާޅުވެއްޖެއެވެ.
ރައީސް ދިސާނާޔަކަ ވިދާޅުވީ، އީރާނުގެ މި މަނަވަރަށް ވެސް ހަމަލާއެއް އަމާޒުވެދާނެ ކަމުގެ ބިރު އޮތުމާއެކު، ލަންކާގެ ކަނޑުގެ ސިފައިން އެ އުޅަނދާ ހަވާލުވެ، ރައްކާތެރިކަމަށްޓަކައި އެ ގައުމުގެ އިރުއުތުރުގައި އޮންނަ ޓްރިންކޮމަލީ ބަނދަރަށް އެ އުޅަނދު ގެންދާނެ ކަމަށެވެ.
މަސްދަރު: އޭއެފްޕީ
