ހަނގުރާމަ ދެ މަސް ދުވަހަށް ދެމިގެން ހިނގައްޖެ ނަމަ، ފަތުރުވެރިކަން 70% އަށް ދަށް ވެދާނެ، އިގްތިސާދު ހިފަހައްޓަން ސަރުކާރުގެ ރޭވުންތެެރިކަމެއް ނެތް: ޝަމްހީދު

އިރާނާ ދެކޮޅަށް އެމެރިކާ އާއި އިޒްރޭލުން ފަށައިގެން އުޅޭ ހަނގުރާމަ  ދެ މަސް ދުވަހަށް ދެމިގެން ހިނގައްޖެ ނަމަ، ފަތުރުވެރިކަން 70% އަށް ދަށްވުމުގެ ފުރުސަތު އެބައޮތް ކަމަށާއި ސަރުކާރުގެ ސީރިއަސް ކަމެއް ނުފެންނަ ކަމަށް ރައްޔިތުންގެ މަޖިލީހުގެ ހުޅުމާލޭ ދެކުނު ދާއިރާގެ މެންބަރު ޑރ. އަހްމަދު ޝަމްހީދު ވިދާޅުވެއްޖެ އެވެ.

ޝަމްހީދު އެފަދައިން ވިދާޅުވީ ރާއްޖެ ޓީވީގެ ފަލަސުރުހީ ޕްރޮގްރާމްގައި ވާހަކަދައްކަވަމުންނެވެ.

ރާއްޖެ އޮތީ ނާޒުކު ހާލަތެއްގައި، އިގްތިސާދު ހިފަހައްޓަން ސަރުކާރުގެ ރޭވުންތެެރިކަމެއް ނެތް ކަމަށް ވެސް ޝަމްހީދު ވިދާޅުވި އެވެ. ޝަމްހީދު ވިދާޅުވީ ކައުންސިލް އިންތިޚާބު ލިބުމުން އިގްތިސާދު ރަނގަޅު ވާނެ ކަމަށް ބުނުމަކީ އޮޅުވާލުން ކަމަށެވެ. އަދި ރާއްޖެ އަށް އިތުރު ފްލައިޓް ގެނެސްގެން އިގްތިސާދު ރަނގަޅު ވާނެ ކަަމށް ސަރުކާރުން ބުނުމަކީ ދެކޮޅު ޖެހޭ ކަމެއް ނޫން ކަމަށް އޭނާ ވިދާޅުވި އެވެ. ރާއްޖެ އިން ދައްކަން އޮތް ލޯނު ދެއްކުމަށް ރާއްޖޭގެ ކާބޯތަކެތި ގަންނަން ހުރި ފައިސާ ބޭނުން ކުރުމަކީ ހަމަޖެހޭ ކަމެއް ނޫން ކަަމަށް ޝަމްހީދު ވިދާޅުވި އެވެ.

"ދުނިޔޭގައި ހަނގުރާމަ އެއް ހިނގަމުންދާ އިރު އޭގެ ސީރިއަސް ކަމަށް އެޑްރެސް ނުކުރެވޭ. އެއީ އަމަލު ކުރާ ގޮތް. އާއްމުން ހުވަފެނެއްގެ ތެރޭ ބައިތިއްބަނީ. ކުންފުނިތަކުން ދޭން ހުރި ފައިސާ މިއަދު ދެވޭނެ މާދަމާ ދެވޭނެ މިކަހަލަ ގޮތަކަށް ވާހަކަ ބަހައްޓަނީ. 

ޝަމްހީދު ވިދާޅުވީ މިހާރު އޮތީ ނާޒުކު ހާލަތެއްގައި ކަމަށާއި މި ހާލަތަކީ މިއީ ސަރުކާރުން ގެނައި ހާލަތެއް ކަމަށް ޝަމްހީދު ވިދާޅުވި އެވެ. 800 އެތައް މިލިއަން ޑޮލަރެއް ނިމިދިޔަ އަހަރު ރާއްޖެ އަށް ވަތް. ނަމަވެސް އެ ފައިސާ ހޭދަ ކުރި ގޮތެއް ނޭނގޭ ކަމަށް ޝަމްހީދު ވަނީ ވިދާޅުވެފަ އެވެ. ރާއްޖޭގެ ދަރަނިތައް ދައްކާނެ ގޮތާއި، ޔޫޒަބްލް ރިޒަރވް ދަށްވުމަށް ސަރުކާރުން އަވަސް ހައްލެއް ހޯދަން ޖެހޭ ކަމަށް ޝަމްހީދު ވަނީ ވިދާޅުވެފަ އެވެ. 

ޝަމްހީދު ވިދާޅުވީ ސޮވަރިން ޑިޕްލޮޕްމެންޓް ފަންޑަށް ވެސް ވަމުންދާ ގޮތް މި ސަރުކާރަށް ސާފުކޮށް ބުނެ ނުދެވޭ ކަމަށެވެ. ރައީސް ޑރ. މުހައްމަދު މުއިއްޒު ވިދާޅުވާ އަދަދުތަކާއި ތަފާސް ހިސާބުތަކާއި ދިމާ ނުވާކާން ޝަމްހީދު ވަނީ ފާހަގަކުރައްވާފަ އެވެ.