ގިނަ ބައެއްގެ ތާއީދާއެކު އެމްޑީޕީ ކުޅުދުއްފުށި ސިޓީގެ ކެމްޕެއިންގ ޖަގަހަ ހުޅުވައިފި
އެމްޑީޕީ ކުޅުދުއްފުށި ސިޓީ ޖަގަހަ ހުޅުވައިދެއްވީ އެމްޑީޕީގެ ޓިކެޓުގައި މޭޔަރުކަމަށާއި ކައުންސިލް އަދި ޑަބްލިއުޑީސީގެ ގޮނޑިތަކަށް ވާދަކުރައްވާ ކެނޑިޑޭޓުންނެވެ.
ކުޅުދުއްފުށި ސިޓީ ހޭވައްލާ ތައްޔާރު ޖަގަހަ | އެމްޑީޕީ ކުޅުދުއްފުށި ސިޓީ
ކުރިއަށް އޮތް ލޯކަލް ކައުންސިލް އިންތިޚާބަށް ތައްޔާރުވުމުގެ ގޮތުން، ދިވެހި ރައްޔިތުންގެ ޑިމޮކްރެޓިކް ޕާޓީ (އެމްޑީޕީ)ގެ ކުޅުދުއްފުށީ ސިޓީގެ ޚާއްޞަ ކެމްޕެއިންގ ޖަގަހަ ރަސްމީކޮށް ހުޅުވައިފިއެވެ.
މި ކެމްޕެއިންގ ޖަގަހަ ހުޅުވާފައި ވަނީ މިދިޔަ ބުރާސްފަތި ދުވަހުގެ ރޭ 21:15 ގައި ކުޅުދުއްފުށި ސިޓީ ކުރީގެ ކާނިވަލް ރެސްޓޯރެންޓް ގައެވެ.
ޖަގަހަ ހުޅުވުމަށް ބޭއްވި މި ކުޑަ ނަމަވެސް ފޯރިގަދަ ރަސްމިއްޔާތުގައި، ޖަގަހަ ރަސްމީކޮށް ހުޅުވައިދެއްވީ އެމްޑީޕީގެ ޓިކެޓުގައި ކުޅުދުއްފުށި ސިޓީގެ މޭޔަރުކަމަށް ވާދަކުރައްވާ ކެނޑިޑޭޓް އަދި މިހާރުވެސް އެ ސިޓީގެ މޭޔަރުގެ މަޤާމުގައި ހުންނަވާ މުޙައްމަދު ޢާޠިފް އާއި، ކައުންސިލް ގޮނޑިތަކަށް ވާދަކުރައްވާ ކެނޑިޑޭޓުންގެ އިތުރުން އަންހެނުންގެ ތަރައްޤީއަށް މަސައްކަތްކުރާ ކޮމިޓީ (ޑަބްލިއުޑީސީ) އަށް ވާދަކުރައްވާ ކެނޑިޑޭޓުންނެވެ.
މި ރަސްމިއްޔާތުގައި އެމްޑީޕީއަށް ތާއީދުކުރާ ގިނަ އަދަދެއްގެ އާންމު ރައްޔިތުންނާއި، ކުޅުދުއްފުށި ސިޓީ އަށް ނިސްބަތްވާ އެ ޕާޓީގެ ޢާއްމު މެންބަރުންނާއި، އިސް މެންބަރުން ބައިވެރިވެފައިވެއެވެ. ޖަގަހަ ހުޅުވުމަށްފަހު، ކެނޑިޑޭޓުން ވަނީ އެ ސިޓީގެ ތަރައްޤީއަށް ގެންގުޅުއްވާ ތަޞައްވުރާ ގުޅޭގޮތުން ވާހަކަދައްކަވައި، ކެމްޕެއިންގެ ފޯރި ވަރުގަދަކޮށްފައެވެ.
