ބޮޑު ބަޖެޓެއް ފާސްކޮށް ރަށްރަށުގައި ތަރައްގީގެ މަޝްރޫއުތައް ކުރިއަށް ނުގެންދެވުމުން ރާއްޖޭގެ ރަށްރަށް ދަނީ ފަޅުވަމުން: އަބްދުﷲ ޝާހިދު
ބޮޑުތިލަދުންމައްޗަށް ކުރައްވާ ދަތުރުފުޅާއި ގުޅިގެން ޝާހިދު ވިދާޅުވީ، ދައުލަތުގެ ބޮޑު ބަޖެޓުން ރަށްރަށުގެ ތަރައްގީއަށް އެއްވެސް ފައިދާއެއް ނުކުރާ ކަމުގެ ޝަކުވާ ރައްޔިތުން ކުރަމުންދާ ކަމަށް. މީގެއިތުރުން، އިންތިޚާބުތައް އެއްކޮށްލުމަކީ ރައްޔިތުންގެ އަޑު އިއްވުމަށް އޮތް ފުރުސަތު ހަނިވެގެންދާނެ ކަމެއް ކަމަށް ވިދާޅުވެ، އެކަމާ ދެކޮޅަށް ޝާހިދު ވަނީ ވާހަކަދައްކަވާފަ.
އެމްޑީޕީން ކައުންސިލް އިންތިހާބަށް ކުރާ ކެމްޕޭނުގެ ތެރެއިން ބޮޑުތިލަދުންމަތީގެ ރަށްތަކަށް ކުރި ޒިޔާރަތުގައިއެމްޑީޕީގެ ރައިށް އަބްދުﷲ ޝާހިދު ދެއްވި އިންޓަވިއު | ރާއްޖެ އެމްވީ
އެތައް ބިލިއަން ރުފިޔާއެއްގެ ބަޖެޓު ހުސްވެގެން ދިޔައިރު ރަށްރަށުގައި ތަރައްގީގެ މަޝްރޫއުތައް ކުރިއަށް ނުގެންދެވުމުން ރާއްޖޭގެ ރަށްރަށް ދަނީ ފަޅުވަމުން ކަމަށް އެމްޑީޕީގެ ރައީސް އަބްދުﷲ ޝާހިދު ވިދާޅުވެއްޖެ އެވެ.
އެމްޑީޕީން ރާއްޖޭގެ ރަށްރަށަށް ކުރަމުން ގެންދާ ކެމްޕޭން ދަތުރުތަކުގެ ތެރެއިން އެމްޑީޕީގެ ރައީސް އަބްދޫﷲ ޝާހިދު ބޮޑުތިލަދުންމައްޗަށް ކުރައްވަމުންގެންދަވާ ދަތުރުފުޅުގައި ހދ މަކުނުދޫ އަށް ޒިޔާރަތްކުރައްވާ ދެއްވި އިންޓަވިއުއެއެއްގައި ޥާހަކަ ދައްކަވަމުން ޝާހިދު ވިދާޅުވީ، ރަށްރަށުގައި އެމްޑީޕީގެ ސަރުކާރުން ފަށާފައިހުރި މަޝްރޫއުތައް މިސަރުކާރުން އައިސް ހުއްޓާލާފައިވާ ކަމަށާއި، މިދިޔަ ދެ އަހަރު ދުވަހުގެ ތެރޭގައި ރަށްރަށުގައި އެއްވެސް ތަރައްގީގެ މަޝްރޫއުއެއް ހިނގަމުންދާތަން ނުފެންނަ ކަމަށެވެ.
އަދި އެކަމުގެ ސަބަބުން ރަށްރަށުގެ މީހުން މާލެ އަށް ހިޖުރަކޮށް އެރަށްރަށް ފަޅުވަމުންދާކަން ފާހަގަކުރައްވައި ޝާހިދު ވިދާޅުވީ، އެކަންކަން އެގޮތަށް ދިމާވަނީ ރަށްރަށުގައި އެކަށީގެންވާ މަޝްރޫއުތަކެއް ނުހިންގުމުގެ ސަބަބުން ކަމަށެވެ.
މި ބޮޑުތިލަދުންމައްޗަށް އެމްޑީޕީން އޮތް ބޮޑު ތަސައްވަރުގަ އިމާރާތްކުރި ހަނިމާދޫ އިންޓަނޭޝަނަލް އެއަރޕޯޓުގެ އެއްވެސް ހަގީގީ ފައިދާއެއް މިސަރުކާރުން ރައްޔިތުންނާ ހަމައަށް ގެނެސްދީފަ ނުވާތަން. ރައްޔިތުން އަޑު ހަރުކޮށް މިއަދު ބުނަމުން އެގެންދަނީ މިސަރުކާރުން ތިމަންނަމެންނަކަށް އަޅައެއް ނުކައޭ، އަޅުގަނޑު ކައިރީގަ އެތައް އެތައް ރައްޔިތުންނެއް ބުނި، މިދިޔަ އަހަރު ރާއްޖޭގެ ފާސްކޮށް ހަރަދުކުރި 56 ބިލިއަންގެ ބޮޑު ބަޖެޓުން ތިމަންނަމެންގެ ރަށަށް، ނެއްލައިދޫ އަށް ނައިވާދޫ އަށް ވައިކަރަދޫއަށް ކުމުންދޫއަށް ނުވަތަ މަކުނުދޫ އަށް އަދިވެސް އެނޫން ރަށްރަށަށް ލިބުނީ ކޯންޗެއްހޭ.އަބްދުﷲ ޝާހިދު
މީގެއިތުރުން ޝާހިދު ވިދާޅުވީ، އިންތިހާބުތައް މަދުކުރުމަށް ވެސް ރައްޔިތުން ނޭދޭ ކަމަށާއި ހދ ގެ ރައްޔިތުންވެސް އެ ސުވާލަށް ދޭނެ ޖަވާބަކީ އިންތިހާބުތައް އެއްކޮށްލަން ނޫނެކޭ ބުނުން ކަމަށް ޝާހިދު ވިދާޅުވި އެވެ. އަދި އިންތިހާބުތައް އެކޮށްލުމުގެ ސަބަބުން ރައްޔިތުންގެ އަޑު އަހަން އައުމުގެ ފުރުސަތު ގެއްލޭކަން ފާހަގަކުރައްވައި ޝާހިދު ވިދާޅުވީ، އެރައްޔިތުން ބޭނުންވަނީ ވެރިން ރައްޔިތުންގާތަށް އައިސް ބައްދަލުކޮށް ރައްޔިތުންނަށް ހިދުމަތްކޮށްދިނުމަށް ކަމަށެވެ.
ޝާހިދު ވިދާޅުވީ، ހާއްސަކޮށް ހދ ގެ ރައްޔިތުން ބޭނުންވަނީ ރައްޔިތުންގެ ފުރުސަތު ގެއްލުވާނުލައި އެ އޮތް ގޮތަށް ބާއްވަން ކަމަށާއި މުޅި އަތޮޅުންނާއި މުޅި ރާއްޖެއިން ވެސް ބުނަމުންގެންދަނީ ދެ އިންތިހާބު އެއްކޮށްލަން ނޫނެކޭ ކަމަށެވެ.
