ކައުންސިލްތަކާ ހެދި 57 ރަށެއްގައި ޕްރޮޖެކްޓުތައް ނުފެށި އެބަ ހުރިކަމަށް ރައީސް މުއިއްޒު ވިދާޅުވި ނަމަވެސް އެއްވެސް ރަށެއްގެ ނަން މިސަރުކާރަށް ހާމަ ކުރާކަށް ނުކެރޭނެ: އެމްޑީޕީ
ބުދަ ދުވަހު އެމްޑީޕީން ބޭއްވި ނޫސްވެރިންގެ ބައްދަލުވުމުގައި ވަހީދު ވިދާޅުވީ، ސަރުކާރުން ކުރިއަށް އޮތް ކައުންސިލް އިންތިޚާބަށް އެކި ގޮތްގޮތުން ނުފޫޒު ފޯރުވުމަށް މަސައްކަތް ކުރަމުންދާ ކަމަށް. ސަރުކާރުގެ ވިސްނުމާ ދެކޮޅު ލޯކަލް ކައުންސިލްތަކާ ހެދި 57 ރަށެއްގައި ޕްރޮޖެކްޓުތައް ނުފެށި އެބަ ހިރި ކަމަށް ރައީސް މުއިއްޒު ވިދާޅުވެފައިވާތީ އެކަމަށް އިޝާރާތް ކުރައްވައި ވަހީދު ވިދާޅުވީ، އެއްވެސް ރަށެއްގެ ނަން ވަކިން ހާމަ ކުރަން ނުކުރެވޭނެ ކަމަށާއި، އެއީ މިސަރުކާރުގެ ނާގާބިލްކަން ފޮރުވުމަށް ރައީސް ދެއްކެވި ވާހަކަތަކެއް ކަމަށް. އަދި ވިދާޅުވީ ސަރުކާރުގެ މަސައްކަތްތަކަށް ހުރަސް އަޅާ ކައުންސިލްތައް ހޯދުމަށް އާރްޓީއައި ހުށަހަޅާފައިވާ ކަމަށް.
އެމްޑީޕީގެ ނޫސްވެރިންގެ ބައްދަލުވުމުގައި ލޯކަލް ކައުންސިލް އިންތިޚާބަށް އެމްޑީޕީން ހަމަޖައްސާފައިވާ ތަރުޖަމާން ދިއްދޫ ދާއިރާގެ ރައީސް އަބްދުﷲ ވަހީދު ވާހަކަ ދައްކަވަނީ. | އެމްޑީޕީ
ސަރުކާރުގެ ވިސްނުމާ ދެކޮޅު ލޯކަލް ކައުންސިލްތަކާ ހެދި 57 ރަށެއްގައި ޕްރޮޖެކްޓުތައް ނުފެށި އެބަ ހުރި ކަމަށް ރައީސް ޑރ. މުހައްމަދު މުއިއްޒު ވިދާޅުވި ނަމަވެސް އެއްވެސް ރަށެއްގެ ނަން ހާމަ ކުރަން މިސަރުކާރަށް ނުކެރޭނެ ކަމަށް އެމްޑީޕީން ބުނެފި އެވެ.
ބުދަ ދުވަހު އެމްޑީޕީން ބޭއްވި ނޫސްވެރިންގެ ބައްދަލުވުމުގައި، ލޯކަލް ކައުންސިލް އިންތިޚާބަށް އެމްޑީޕީން ހަމަޖައްސާފައިވާ ތަރުޖަމާން ދިއްދޫ ދާއިރާގެ ރައީސް އަބްދުﷲ ވަހީދު ވިދާޅުވީ، ސަރުކާރުން ކުރިއަށް އޮތް ކައުންސިލް އިންތިޚާބަށް އެކި ގޮތްގޮތުން ނުފޫޒު ފޯރުވުމަށް މަސައްކަތް ކުރަމުންދާ ކަމަށާއި، ކައުންސިލްތަކަކީ އެއްވެސް ތަނެއް ނޫން ގޮތަށް ދެއްކުމަށް މަސައްކަތް ކުރާ ކަމަށެވެ.
ސަރުކާރުގެ ވިސްނުމާ ދެކޮޅު ލޯކަލް ކައުންސިލްތަކާ ހެދި 57 ރަށެއްގައި ޕްރޮޖެކްޓުތައް ނުފެށި އެބަ ހުރި ކަމަށް ރައީސް މުއިއްޒު ވިދާޅުވެފައިވާތީ އެކަމަށް އިޝާރާތް ކުރައްވައި ވަހީދު ވިދާޅުވީ، އެއްވެސް ރަށެއްގެ ނަން ވަކިން ހާމަ ކުރައްވަން ކެރިވަޑައި ނުގަންނަވާނެ ކަމަށާއި، އެއީ މިސަރުކާރުގެ ނާގާބިލްކަން ފޮރުވުމަށް ރައީސް ދެއްކެވި ވާހަކަތަކެއް ކަމަށެވެ. އަދި ވިދާޅުވީ ސަރުކާރުގެ މަސައްކަތްތަކަށް ހުރަސް އަޅާ ކައުންސިލްތައް ހޯދުމަށް އާރްޓީއައި ހުށަހަޅާފައިވާ ކަމަށެވެ.
އެންމެފަހުން ރައީސް ފާހަގަކުރެއްވީ ރާއްޖޭގެ 57 ރަށެއްގައި އޭ މަޝްރޫއު ކައުންސިލްގެ ހުރަސްއެޅުމާއެކު ހުއްޓާލާފައިވާ ކަމަށް. މި ދެންނެވި ރަށްތަކުގައި މައުލޫމާތު ހޯދުމަށްޓަކައި އަޅުގަނޑުމެން ވާނީ އާރްޓީއައި ތަފްސީލު ހޯދުމަށްޓަކައި ހުށަހަޅާފައި. މިއަދާ ހަމައަށް އައިރު އޭގެ މައުލޫމާތެއް ނުލިބޭ. އަޅުގަނޑު ރައީސްއަށް ޗެލެންޖް ކޮށްފައި މިދަންނަވަނީ އެންމެ ރަށެއްގެ މައުލޫމާތު ވެސް ހާމަ ކުރާކަށް ނުކެރޭނެއޭ. ސީދާ ކައުންސިލްތަކަށް ފުރައްސާރަ ކުރުމަށްޓަކައި ކައުންސިލްތަކަށް ޖެއްސުން ކުރުމަށްޓަކައި ދައްކާ ވާހަކަ އެއް. މިސަރުކާރުގެ ނާގާބިލްކަން ފޮރުވުމަށްޓަކައި ރައީސުލްޖުމްހޫރިއްޔާ ދައްކާ ވާހަކަ. އެހެންވީމަ އަޅުގަނޑުމެން މި ބަލަނީ މިމައުލޫމާތު ހާމަ ކުރުމުގައި ސަރުކާރުން އަވަސް ކުރާނެ ކަމަށް.ލޯކަލް ކައުންސިލް އިންތިޚާބަށް އެމްޑީޕީން ހަމަޖައްސާފައިވާ ތަރުޖަމާން ދިއްދޫ ދާއިރާގެ ރައީސް އަބްދުﷲ ވަހީދު
މީގެ އިތުރުން ވަހީދު ވިދާޅުވީ ކައުންސިލް އިންތިޚާބާ ދިމާކޮށް ރައީސް މުއިއްޒު ރަށްރަށަށް ވަޑައިނުގެންނެވި ނަމަވެސް އިންތިޚާބަށް ދިމާކޮށް ރަށްރަށުގައި ވަޒީފާތައް ބަހަމުންދާ ކަމަށެވެ. އަދި ވިދާޅުވީ ޖަލުތަކުގައި ތިބި ގައިދީން ގޭބަންދަށް ބަދަލު ކުރުމާއި، ދައުވާ އަނބުރާ ގެންދިއުމުގެ މަސައްކަތް ކުރާ ކަމަށެވެ. ވަހީދު ވިދާޅުވީ ސަރުކާރުން މިގޮތަށް އަމަލު ކުރި ނަމަވެސް ގިނަ ރަށްރަށުގެ ތައީދު ސަރުކާރަށް ނެތް ކަމަށާއި، އިންތިޚާބުގެ ކާމިޔާބީ ސަރުކާރަށް ނުލިބޭނެ ކަމަށެވެ.
