މީގެ 4 އަހަރު ކުރިން ގެއްލިގެން ހޯދަމުންދިއަ ބަންގްލަދޭޝް މީހަކު މަސްތުވާތަކެތި ބޭނުންކޮށް، ވިޔަފާރި ކުރާ ކަމުގެ ތުހުމަތުގައި ހައްޔަރުކޮށްފި
ބަންގްލަދޭޝް އަށް ނިސްބަތްވާ 36 އަހަރުގެ ހަނީފް ހައްޔަރުކޮށްފައިވަނީ 26 ފެބްރުވަރީ 2026 ގައި. އޭނާގެ މައްޗަށް ވަނީ މަސްތުވާތަކެތި ބޭނުންކޮށް، ގެންގުޅެ އެތަކެތީގެ ވިޔަފާރި ކުރާ ކަމުގެ ތުހުމަތު ކޮށްފައި. އަދި އޭނާ ގެ ބަންދަށް 10 ދުވަސް ޖަހާފައިވާއިރު، ކަސްޓޯޑިއަލް ޖަލެއްގައި ބެހެއްޓުމަށް އަމުރު ކޮށްފައިވޭ. މި މައްސަލަ ފުލުހުން އިތުރަށް ތަހުގީގު ކުރަމުންދާއިރު، އޭނާ އަކީ ރާއްޖޭގައި ގަވާއިދާ ހިލާފަށް އުޅޭ މީހެއްކަން ވެސް ވަނީ ހާމަވެފައި.
އިމިގްރޭޝަންގެ ބެލުމުގެ ދަށަށް ގިނަ އަދަދެއްގެ ބިދޭސީންތަކެއް ގެންދަނީ. | މޯލްޑިވްސް އިމިގްރޭޝަން
2022 ވަނަ އަހަރުން ފެށިގެން ގެއްލިގެން ހޯދަމުންދިއަ ބަންގްލަދޭޝްގެ މީހަކު މަސްތުވާތަކެތި ބޭނުންކޮށް، ވިޔަފާރި ކުރާ ކަމުގެ ތުހުމަތުގައި ހައްޔަރުކޮށްފި އެވެ.
ބަންގްލަދޭޝް އަށް ނިސްބަތްވާ 36 އަހަރުގެ ހަނީފް ހައްޔަރުކޮށްފައިވަނީ 26 ފެބްރުވަރީ 2026 ގަ އެވެ. އޭނާގެ މައްޗަށް ވަނީ މަސްތުވާތަކެތި ބޭނުންކޮށް، ގެންގުޅެ އެތަކެތީގެ ވިޔަފާރި ކުރާ ކަމުގެ ތުހުމަތު ކޮށްފަ އެވެ. އަދި އޭނާ ގެ ބަންދަށް 10 ދުވަސް ޖަހާފައިވާއިރު، ކަސްޓޯޑިއަލް ޖަލެއްގައި ބެހެއްޓުމަށް އަމުރު ކޮށްފައިވެ އެވެ.
ކްރިމިނަލް ކޯޓުގެ އަމުރުގައި ބުނެފައިވަނީ، ކުށުގެ ތުހުމަތު ކުރެވޭ މިންވަރެއްގެ ހެކި ހުށަހަޅާފައިވާ ކަމަށެވެ. އެގޮތުން އިންޓެލިޖެންސް ރިޕޯޓާއި، ފުލުހުންގެ ބަޔާން ހުށަހަޅާފައިވާ ކަމަށެވެ.
ނަމަވެސް ހަނީފް ވަނީ އޭނާ ގެ މައްޗަށް ކުރެވިފައިވާ ތުހުމަތަށް އިންކާރު ކޮށްފަ އެެވެ. އަދި އޭނާ ވަނީ އޭނާ އަށް އަނިޔާ ކޮށްފައިވާ ކަމަށް ވެސް ކޯޓުގައި ފާހަގަކޮށްފަ އެވެ. އެގޮތުން ފައިތިލައިގައި ގާކޮޅެއް ބޭއްވުމަށްފަހު ބޫޓުން އަރާއި އަނިޔާ ދިންކަމަށް ބުނެފައިވާ ކަމަށްވެސް ބުނެފައި ވެ އެވެ. މި މައްސަލަ ބަލަމުންގެންދާ ފުލުހުންގެ އިންވެސްޓިގޭޝަން އޮފިސަރު (އައިއޯ)އަށް އޭނާ ގެ ފަރާތުން އަންގާފައިވޭތޯ ސުވާލުކުރުމުން އެފަދަ މައުލޫމާތެއް އޭނާ ގެ ފަރާތުން ހިއްސާކޮށްފައިނުވާ ކަމަށް އައިއޯ ކޯޓުގައި ބުނެފައިވެ އެވެ.
މި މައްސަލާގައި 24 ފެބްރުއަރީ 2026 ވަނަ ދުވަހު ދިފާއީ ވަކީލު އޭނާއާ ބައްދަލު ކުރަން ދިއުމުން އޭނާ ގެ ފަރާތުން އެ މައުލޫމާތު ހިއްސާކޮށްފައިވާ ކަމަށާއި، ފައިތިލަ ކޮންމެވެސް ވަރަކަށް ދުޅަވެފައި ހުރިކަން ފާހަގަކުރެވުނު ކަމަށް ދިފާއީ ވަކީލު ބުނެފައިވެ އެވެ. އަދި އެފަދަ ކަމެއް ހިނގާފަވޭތޯ ބަލާނެކަމަށް އައިއޯގެ ފަރާތުން ވަނީ ފާހަގަ ކޮށްފަ އެވެ.
މީގެ އިތުރުން ހަނީފް އަކީ ދިވެހިރާއްޖޭގައި ގަވާއިދާ ހިލާފަށް މިހާރު އުޅެމުންދާ މީހެއް ކަމަށާއި، 2022 ވަނަ އަހަރުން ފެށިގެން ގެއްލިގެން އުޅޭ މީހުންގެ ތެރޭގައި ހިމެނޭ މީހެއް ކަމަށް ފުލުހުން ކޯޓުގައި ބުނެފައިވެ އެވެ.
މި މައްސަލަ ފުލުހުން ގެންދަނީ އިތުރަށް ތަހުގީގު ކުރަމުންނެވެ.
