މީހަކު ރަހީނުކޮށް، އަނިޔާކުރިކަމުގެ ތުހުމަތުގައި ބަންގްލަދޭސް މީހަކު ހައްޔަރު ކޮށްފި
މި މައްސަލާގެ ތުހުމަތު ގައި ހައްޔަރު ކޮށްފައިވަނީ ބަންގްލަދޭސް ރައްޔިތެއް ކަމަށްވާ، 35 އަހަރުގެ އިގްބާލް މިއާ. އޭނާ ގެ ބަންދަށް 30 ދުވަސް ޖަހައިިި، ކަސްޓޯޑިއަލް ޖަލެއްގައި ބެހެއްޓުމަށް ވަނީ އަމުރު ކޮށްފައި. ގަވާއިދާ ހިލާފަށް ރާއްޖޭގައި އުޅޭ މި މީހާގެ މައްޗަށް ކުށް ސާބިތުވާވަރުގެ ހެކި ހުށަހަޅާފައިވާއިރު، އޭނާގެ ފަރާތުން މުޖުތަމައަށް ނުރައްކާ އޮތް ކަމަށް ކޯޓުން ވަނީ ކަނޑައަޅާފައިވޭ.
ގޭންގް ސަޕްރެޝަން ޑިޕާޓްމަންޓުގެ ފުލުހުން ހަރަކާތްތެރިވަނީ. | ޕޮލިސް
މީހަކު ރަހީނުކޮށް، އަނިޔާ ކޮށްފައިވާ ކަމަށް ތުހުމަތު ކުރެވޭ މައްސަލައެއްގައި ބަންގްލަދޭސް މީހަކު ހައްޔަރު ކޮށްފި އެވެ.
މި މައްސަލާގެ ތުހުމަތު ގައި ހައްޔަރު ކޮށްފައިވަނީ ބަންގްލަދޭސް ރައްޔިތެއް ކަމަށްވާ، 35 އަހަރުގެ އިގްބާލް މިއާ އެވެ.
ހުކުރު ދުވަހު ކްރިމިނަލް ކޯޓުން ވަނީ އޭނާ ގެ ބަންދަށް 30 ދުވަސް ޖަހައިިި، ކަސްޓޯޑިއަލް ޖަލެއްގައި ބެހެއްޓުމަށް އަމުރު ކޮށްފަ އެވެ.
ކްރިމިނަލް ކޯޓުގެ ބަންދު އަމުރެއްގައިވާ ގޮތުން ތުހުމަތު ކުރެވޭ ކުށް އޭނާ ކުރި ކަމަށް އެކަށީގެންވާ ހެކި ހުށަހަޅާފައިވެ އެވެ. އެގޮތުން ހާދިސާގެ ރިޕޯޓު ހުށަހަޅާފައިވެ އެވެ. އަދި ބިދޭސީއަކު ރަހީނު ކޮށްގެން ގެންގުޅެ އެމީހާއަށް އަނިޔާކޮށްފައިވާ ކަމަށް ތުހުމަތު ކުރެވޭ ކަމަށް ފުލުހުން ކޯޓުގައި ބުނެފައިވެ އެވެ.
މީގެ އިތުރުން އިގްބާލް މިއާ ރާއްޖޭގައި އުޅެނީ ގަވައިދާ ޚިލާފަށް ކަމަށް ފާހަގަކޮށް، ކޯޓުން ވަނީ އޭނާ ގެ ފަރާތުން މުޖުތަމައަށް ނުރައްކަލެއް ކުރިމަވެދާނެ ކަމަށް ފެންނަ ނިންމާފަ އެވެ.
މިފަހުން ރާއްޖޭގައި ބިދޭސީން ކުށްތަކަށް އަރައިގަންނަ މިންވަރު ވަނީ އިތުރުވެގެން ގޮސްފަ އެވެ. މީހުން ރަހީނު ކުރުމުގެ އިތުރުން މާރާމާރީއާއި މަސްތުވާތަކެތީގެ މައްސަލަތަކުގައި އެމީހުންގެ ބައިވެރިވުން އިތުރުވެ، ބޮޑެތި ނެޓްވޯކްތައް އަތުލައިގަނެފައިވާ ކަމަށް މީގެ ކުރިން ފުލުހުން ބުނެފައިވެ އެވެ.
