ރޯދަ މަހު ދުވާލު ކެއުން: މަގު މަތީގައި ޗުވިންގަމް އެއް ކޭ މީހަކާއި އިތުރު މީހަކު ހައްޔަރުކޮށްފި
މި މައްސަލައިގައި ހައްޔަރުކުރި ގދ. ވާދޫ ރާއިފް އަލީގެ ބަންދަށް 7 ދުވަސް ޖަހާފައިވާއިރު، ސ. ފޭދޫ މުހައްމަދު ޝިއުނީޒްގެ ބަންދަށް ޖަހާފައިވަނީ 5 ދުވަސް.
ފުލުހުން މަގުމަތީގައި ހަރަކާތްތެރިވަނީ. | ރާއްޖެއެމްވީ
ރޯދަ މަހު ދުވާލު މަގުމަތީގައި ކެއުމުގެ މައްސަލަ އަކާއި ގުޅިގެން ދެ މީހަކު ހައްޔަރުކޮށްފި އެވެ.
ރޯދަ މަހު ދުވާލު ކެއުމަކީ ގާނޫނީ ގޮތުން ކުށެކެވެ.
ރޯދަ މަހު ދުވާލު ކައިގެން ހައްޔަރު ކުރި މީހުންނަކީ ގދ. ވާދޫ/ ޖަވާހިރުމާގެ. ރާއިފް އަލީ(25އ.) އާއި ސ. ފޭދޫ/ ޔެލޯ ހައުސް، މުހައްމަދު ޝިއުނީޒް(41އ.) ކަމަށެވެ.
އެ މައްސަލައިގައި ރާއިފްގެ ބަންދަށް ޖަހާފައި ވަނީ 7 ދުވަހެވެ. އަދި ޝިއުނީޒްގެ ބަންދަށް ފަސް ދުވަސް ވަނީ ޖަހާފަ އެވެ.
އޭގެ ތެރެއިން ރާއިފް ހައްޔަރުކޮށްފައި ވަނީ މަގުމަތީގައި ޗުވިންގަމެއް ކެއުމާއި ގުޅިގެންނެވެ. އަދި ޝިއުނީޒް ހައްޔަރުކުރި މައްސަލައިގެ ތަފްސީލް އާއްމުކޮށްފަ އެއް ނުވެ އެވެ.
އެ ދެ މީހުންނަކީ ވެސް އެކި މައްސަލަތަކުގައި ބަންދާއި ހައްޔަރުގެ ރެކޯޑް އޮންނަ މީހުން ކަމަށް މައްސަލައިގެ ބަންދު އަމުރުގައި ވަނީ ބުނެފަ އެވެ.
