ތޫނު ހަތިޔާރަކުން ފުލުހަަކަށް ހަމަލާދިން މީހަކު ޝަރީއަތް ނިމެންދެން ބަންދު
ތޫނު ހަތިޔާރުން ފުލުހަކަށް ހަމަލާދިން މައްސަލައެއްގައި ހދ. ނޮޅިވަރަންފަރު، އަލީ ޝަހީމް ޝަރީއަތް ނިމެންދެން ބަންދުކުރުމަށް ކްރިމިނަލް ކޯޓުން ވަނީ އަމުރުކޮށްފަ. އޭނާގެ މައްޗަށް ތުހުމަތުކުރެވޭ މިންވަރަށް ހެކި ހުށަހަޅާފައިވާއިރު، މުޖުތަމައުގެ ސަލާމަތަށް ނުރައްކާވެދާނެތީ އޭނާ ބަންދުގައި ބެހެއްޓުމަށް ކޯޓުން ނިންމީ ގޭންގު ކުށްތަކާއި ނުރައްކާތެރި ކުށްތައް ހުއްޓުވުމުގެ ގާނޫނުގެ ދަށުން. މި މައްސަލައިގެ ހެކީގެ ގޮތުގައި ފުލުހުން ވަނީ ސީންގެ ފޮޓޯ އާއި ވީޑިއޯގެ އިތުރުން އަނިޔާލިބުނު ފަރާތުގެ ބަޔާން ވެސް ހުށަހަޅާފަ.
ކްރިމިނަލް ކޯޓު - އެ ކޯޓު ވަނީ ތޫނު ހަތިޔާރަކުން ފުލުހަކަށް ހަމަލާދިން މައްސަލައެއްގައި ހައްޔަރު ކުރި މީހެއް ޝަރީއަތް ނިމެންދެން ބަންދު ކުރުމަށް އަމުރު ކޮށްފަ | ރާއްޖެއެމްވީ
ތޫނު ހަތިޔާރަކުން ފުލުހަކަށް ހަމަލާދިން މައްސަލައެއްގައި ހައްޔަރު ކުރި މީހަކު ޝަރީއަތް ނިމެންދެން ބަންދު ކުރުމަށް ކްރިމިނަލް ކޯޓުން އަމުރު ކޮށްފި އެވެ.
މި މައްސަލައިގައި ހައްޔަރު ކޮށް ޝަރީއަތް ނިމެންދެން ބަންދު ކޮށްފައިވަނީ ހދ. ނޮޅިވަރަންފަރު، ނޫރު، އަލީ ޝަހީމް (27އ) އެވެ. ފުލުހުން އޭނާއަށް ކުރަނީ ތޫނު ހަތިޔާރުން މާރާމާރީ ހިންގުމުގެ ކުށުގެ ތުހުމަތެވެ.
މި މައްސަލައިގައި ހައްޔަރު ކުރި ޝަހީމް ގެ ބަންދާ މެދު ގޮތެއް ނިންމުމަށް ކުރިިމިނަލް ކޯޓަށް އޭނާ ހާޒިރު ކޮށްފައި ވަނީ ބުރާސްފަތި ދުވަހުގަ އެވެ. ކުރިމިނަލް ކޯޓުން ވަނީ އޭނާ ޝަރީއަތް ނިމެންދެން ބަންދުކުރަން އަމުރުކޮށްފަ އެވެ.
ކޯޓު އަމުރުގައި ވަނީ، ކުރިމިނަލް ކޯޓުން އެގޮތަށް އަމުރުކުރީ އަލީ ޝަހީމުގެ މައްޗަށް ތުހުމަތުކޮށްފައިވާ ކުށް އޭނާ ކުރިކަމަށް ތުހުމަތުވާ މިންވަރަށް ފުލުހުން ހެކި ހުށަހަޅާފައިވާތީ ކަމަށެވެ. އެ ހެކިތަކަކީ ސީނަށް ދިޔަ ފުލުހުންގެ ބަޔާނާއި، އަނިޔާ ލިބުނު މީހާގެ ބަޔާނުގެ އިތުރުން ފޮޓޯތަކާއި ވީޑިއޯތައް ކަމަށް ކްރިމިނަލް ކޯޓުގެ އަމުރުގައި ވެ އެވެ.
އަލީ ޝަހީމް ހަމަލާދީފައި ވަނީ ފުލުހަކަށް ކަން ކޯޓު އަމުރުގައި ފާހަގަކޮށްފައި ވެ އެވެ.
ކޯޓު އަމުރުގައި އިތުރަށް ބުނެފައި ވަނީ ޝަހީމް ގެ ފަރާތުން މުޖުތަމައުގެ ސަލާމަތަށް ނުރައްކަލެއް ކުރިމަތިވެދާނެ ކަމަށެވެ. އެހެންވެ އޭނާ ބަންދުގައި ބަހައްޓަން ޖެހޭ ކަމަށާ ގޭންގު ކުށްތަކާއި އެނޫންވެސް ނުރައްކާތެރި ކުށްތައް ހުއްޓުވުމުގެ ގާނޫނުގެ ދަށުން ވެސް އޭނާ ބަންދުގައި ބަހައްޓަން ޖެހޭ ކަމަށެވެ.
