އެމްޑީޕީގެ ހުޅުމާލެ ދެކުނު ދާއިރާގެ ދޮރުން ދޮރަށް ހަރަކާތް ކާމިޔާބު ކަމާއެކު ނިންމާލައިފި
އެމްޑީޕީން ހުޅުމާލޭގައި ކުރިއަށްގެންދިޔަ ދޮރުން ދޮރަށް ހަރަކާތުގައި މާލޭގެ މޭޔަރު އާދަމް އާޒިމާއި، ޕާޓީގެ ބައެއް އިސްވެރިން ބައިވެރިވެވަޑައިގެންނެވި. މި ހަރަކާތުގެ ތެރެއިން އާޒިމް ވިދާޅުވީ އިންތިޚާބުތައް އެއްކޮށްލުމަކީ ރައްޔިތުންގެ އަޑުއެހުމަށް އޮތް ހުރަހެއް ކަމަށާއި، މިހާރުގެ ސަރުކާރާ މެދު ރައްޔިތުންގެ ބޮޑެތި ޝަކުވާތަކެއް ހުރިކަން މި ޒިޔާރަތްތަކުން ހާމަވެފައިވާ ކަމަށް. އަދި ހުޅުމާލޭ ދެކުނު ދާއިރާގެ ރައްޔިތުން ތިބީ އެމްޑީޕީއާ އެކުކަން މި ހަރަކާތުން އެނގިގެންދިޔަ ކަމަށް އެ ޕާޓީގެ ވަގުތީ ޗެއާޕާސަން ޢަބްދުލްޣަފޫރު މޫސާ ވިދާޅުވި.
އެމްޑީޕީ އިން ހުޅުމާލެ ދެކުނު ދާއިރާގައި ކުރިއަށް ގެންދިއަ ދޮރުން ދޮރަށް ހަރަކާތް | ރާއްޖެއެމްވީ
މޯލްޑިވިއަން ޑިމޮކްރެޓިކް ޕާޓީ، އެމްޑީޕީގެ ހުޅުމާލެ ދެކުނު ދާއިރާގެ ދޮރުން ދޮރަށް ހަރަކާތް ކާމިޔާބު ކަމާއެކު ނިންމާލައިފި އެވެ.
ހުކުރު ދުވަހުގެ ރޭ ކުރިއަށް ގެންދިއަ އެ ހަރަކާތުގައި މާލޭގެ މޭޔަރު އަދި އެމްޑީޕީގެ މާލޭގެ މޭޔަރު ކެންޑިޑޭޓް އާދަމް އާޒިމް ގެ އިތުރުން ދާއިރާގެ އެހެން ކެންޑިޑޭޓުންނާއި އެ ޕާޓީގެ ވަގުތީ ޗެއާޕަރސަން، ހަނިމާދޫ ދާއިރާގެ މެންބަރު އަބްދުލްޣަފޫރު މޫސާ ވެސް ބައިވެރިވެވަޑައިގެންފައި ވެ އެވެ.
އެ ހަރަކާތުގެ ތެރެއިން ރާއްޖެޓީވީ އާ ވާހަކަދައްކަވަމުން ޣަފޫރު ވިދާޅުވީ ހުޅުމާލޭ ދެކުނު ދާއިރާގެ ގިނަ ރައްޔިތުންތަކެއްގެ ކަންބޮޑުވުންތައް ހިއްސާ ކޮށްފައިވާ ކަމަށެވެ. އަދި އެ ހަރަކާތުން ހާމަވީ އެ ދާއިރާގެ ރައްޔިތުން ތިބީ އެމްޑީޕީ އާއެކު ކަން ކަމަށް ވެސް ޣަފޫރު ވިދާޅުވި އެވެ. އެހެން ކަމުން ކާމިޔާބުވާނެ ކަމުގެ ވަރަށް ބޮޑު އުއްމީދެއް އެބައޮތް ކަމަށް ވެސް ޣަފޫރު ވިދާޅުވި އެވެ.
އެ ހަރަކާތުގައި ވާހަކަދައްކަވަމުން މޭޔަރު އާދަމް އާޒިމް ވިދާޅުވީ ދޮރުން ދޮރަށް ހަރަކާތުން އެތައް ރައްޔިތުންނެއްގެ ކަންބޮޑުވުން އަޑުއިވެމުންދާ ކަމަށެވެ. އާޒިމް ވިދާޅުވީ މިކަމުން ހާމަވަނީ އިންތިޚާބުތައް އެއްކޮށްލުމަކީ ރަނގަޅު ވިސްނުމެއް ނޫން ކަން ކަމަށާ ސަބަބަކީ އިންތިޚާބުތައް އެއްކޮށްލުމުން ރައްޔިތުން ތަމްސީލު ކުރާ މެންބަރުން ރައްޔިތުންގެ ގާތަށް ގޮސް އެ އަޑު އަހާ މިންވަރު މަދުވާނެތީ ކަމަށެވެ.
އާޒިމް ވިދާޅުވީ އެމްޑީޕީ އިން އިންތިޚާބުތައް އެއްކޮށްލުމާ ދެކޮޅީ އެހެންވެ ކަމަށެވެ. އެ ޕާޓީ އަކީ ރައްޔިތުންގެ ގާތަށް ގޮސް، ރައްޔިތުންގެ އަޑު އަހައިގެން މަސައްކަތް ކުރާ ޕާޓީ އެއް ކަމަށް ވެސް އާޒިމް ވިދާޅުވި އެވެ. އަދި ވިދާޅުވީ މީގެ ކުރިން ވެސް ރައްޔިތުންނަށް ދިމާވެފައިވާ އެތައް ދަތިތަކެއްގެ ހައްލު އެ ޕާޓީ އިން ހޯދައިދިނީ އެ ކަންބޮޑުވުންތައް އަހައި، އޮޅުންފިލުވައިގެން ކަމަށެވެ.
އިންތިޚާބުތައް ބޭއްވުމުގެ އެންމެ މުހިއްމު ކަމަކީ ވެސް ރައްޔިތުންނާ ބައްދަލު ކުރުން. އޭރުން ރައްޔިތުންނާ ބައްދަލުވެ، ރައްޔިތުން ބޭނުންވާ ކަންކަން ދެނެގަނެ އެކަންތައްތަކަށް ހައްލު ހޯދައިދިނުމަށް މަސައްކަތް ކުރުން. އެހެންވެގެން އަޅުގަނޑުމެން މި ބުނަނީ ދެ އިންތިޚާބު އެއް ނުކޮށްލާށޭ،މާލެ ސިޓީގެ މޭޔަރު އާދަމް އާޒިމް
އާޒިމް ވިދާޅުވީ ކޮންމެ ގެއަކުން ވެސް އަޑު އިވެނީ ސަރުކާރާ މެދު ހުރި ޝަކުވާތައް ކަމަށާއި އެކަމުން ސަރުކާރާ މެދު ރައްޔިތުންގެ ރުހުން ނެތް މިންވަރު ވަރަށް ބޮޑަށް ހާމަވެގެން ދާ ކަމަށެވެ.
