އެމްޑީޕީގެ ކެމްޕޭން ޓީމަށް ފުވައްމުލަކު ސިޓީން ހޫނު މަރުހަބާއެއް ކިޔައިފި
މި ދަތުރުފުޅުގައި ދޮރުން ދޮރަށް ހިނގުމާއި، ކެނޑިޑޭޓުންނާ ބައްދަލުކުރުމުގެ އިތުރުން ކެމްޕޭން ޖަގަހަތައް ހުޅުވުމުގެ ހަރަކާތްތައް ކުރިއަށް ގެންދިއުމަށް ވަނީ ހަމަޖެހިފަ. ޝާހިދުގެ އަރިހުގައި ރައްޔިތުންގެ މަޖިލީހުގެ ބައެއް މެންބަރުންނާއި ޕާޓީގެ އިސް ބޭފުޅުން ބައިވެރިވެވަޑައިގަންނަވާ.
އެމްޑީޕީގެ ލީޑަރޝިޕްގެ ބޭފުޅުން ފުވައްމުލަކު ސިޓީގެ އެމްޑީޕީ ސަޕޯޓަރުންނާއި އެކު | ރާއްޖެ އެމްވީ
ކުރިއަށް އޮތް ލޯކަލް ކައުންސިލް އިންތިހާބާއި އަންހެނުންގެ ތަރައްގީއަށް މަސައްކަތްކުރާ ކޮމިޓީގެ އިންތިހާބުގެ ކެމްޕޭނަށް އެމްޑިޕީގެ ރައީސް އަބްދުﷲ ޝާހިދު ފުވައްމުލަކު ސިޓީއަށް ޒިޔާރަތް ކުރެއްވުމުން އެސިޓީގެ ރައްޔިތުން ހޫނު މަރުހަބާއެއް ކިޔައިފި އެވެ.
ހުކުރު ދުވަހު އެމްޑީޕީގެ ކެމްޕެއިން ޓީމު ފުވައްމުލަކު ސިޓީ އަށް ވަޑައިގަތުމުން އެ ސިޓީގެ ގިނަ އަދަދެއްގެ ރައްޔިތުން ނިކުމެ ޓީމަށް ހޫނު މަރުހަބާއެއް ވަނީ ކިޔައިފަ އެވެ.
ލޯކަލް ކައުންސިލް އިންތިޚާބާއި އަންހެނުންގެ ތަރައްގީއަށް މަސައްކަތްކުރާ ކޮމިޓީތަކުގެ އިންތިޚާބުގެ ކެމްޕެއިންގެ ތެރެއިން އައްޑޫ ސިޓީގެ ރަށްތަކުގައި ކެމްޕޭނުގެ ގިނަ ހަރަކާތްތަކެއް ވަނީ ކުރިއަށް ގެންގޮސްފަ އެވެ. އެގޮތުން އައްޑޫ ސިޓީގެ ރަށްތަކުގައި ދޮރުން ދޮރަށް ހަރަކާތް ހިންގުނުގެ އިތުރުން ކެނޑިޑޭޓުންނާއި ވެސް ވަނީ ބައްދަލުކުރައްވާ ގިނަ މަޝްވަރާތަކެއް ކޮށްފަ އެވެ.
ފުވައްމުލަކު ސިޓީއަށް ހުކުރު ދުވަހު ފެށި މި ދަތުރުގައި އެމްޑީޕީގެ ރައީސް އަބްދުﷲ ޝާހިދު އާއީ ރައްޔިތުންގެ މަޖިލީހުގެ މަރަދޫ ދާއިރާގެ މެންބަރު އަހުމަދު ދީދީ އާއި އަދި ރައްޔިތުން މަޖިލީހުގެ ކުރީގެ މެންބަރު އަހުމަދުގެ އަބްދުﷲ ގެ އިތުރުން އެމްޑީޕީގެ ބައެއް އާންމު މެންބަރުން ވެސް ވަނީ ބައިވެރިވެ ވަޑައިގަންނަވާފަ އެވެ.
އެމްޑީޕީގެ ރައީސް އަބްދުﷲ ޝާހިދު ބައިވެރިވެވަޑައިގަންނަވާ މިދަތުރުފުޅުގައި ޒިޔާރަތްކުރައްވާ ދެ ސިޓީގައި ވެސް ދޮރުން ދޮރަށް ކެމްޕެއިން ހަރަކާތުގެ އިތުރުން ޖަގަހަ ހުޅުވުމުގެ ހަރަކާތްތައް ވެސް ކުރިއަށް ގެންދިއުމަށް ވަނީ ހަމަޖެހިފަ އެވެ.
