ފަރީ ހައްޖު އެންޑް އުމްރާ ގްރޫޕުގެ އުމުރާވެރިން މިހާރު ތިބީ މައްކާގައި؛ އުމްރާވެރިން ވަނީ މިހާތަނަށް 2 އުމްރާ ފުރިހަމަކޮށްފައި
ދިވެހި ކައްކާގެ ކެއުމާއި ތަޖުރިބާކާރު އެހީތެރިންގެ ޚިދުމަތާއެކު އުމްރާވެރިންގެ ހާލު ރަނގަޅުކަމަށް އެ ގްރޫޕުން މައުލޫމާތުދޭ. މީގެ އިތުރުން، 2026 ވަނަ އަހަރުގެ ޗުއްޓީ ދުވަސްވަރު ކުރާ އުމްރާ ދަތުރުތަކަށް ރަޖިސްޓްރީވުމުގެ ފުރުޞަތު މިހާރު ވަނީ ހުޅުވާލާފަ.
ފަރީ ޚައްޖު އެންޑް ޢުމްރާ ގްރޫޕްގެ ހަވާލުގައި ގޮސް ތިބި އުމުރާވެރިން. | ފަރީ ޚައްޖު އެންޑް ޢުމްރާ ގްރޫޕް
ރާއްޖޭގެ އުމްރާވެރިންގެ ތެރޭގައި އެންމެ އިތުބާރު ކުރެވޭ ފަރީ ޚައްޖު އެންޑް ޢުމްރާ ގްރޫޕްގެ ހަވާލުގައި، ރަމަޟާން މަހުގެ އުމްރާގެ އަޅުކަމަށް ގިނަ އަދަދެއްގެ ޢުމްރާވެރިން ދަނީ މައްކާގައި ޚަރަކާތްތެރިވަމުންނެވެ.
އެ ގޮތުން ފުރަތަމަ ގްރޫޕް 16 ފެބްރުއަރީ 2026 ވީ ހޯމަ ދުވަހު އަދި ދެވަނަ ގްރޫޕް ވަނީ 17 ފެބްރުއަރީ ވީ އަންގާރަ ދުވަހު ވަނީ މައްކާއަށް ދަތުރުކޮށްފަ އެވެ.
މި ގްރޫޕްގެ ހަވާލުގައި ޢުމްރާ އަޅުކަމަށް ދިޔަ ޢުމްރާވެރިން ވަނީ މިހާތަނަށް 2 ޢުމްރާ ފުރިހަމަކޮށްފަ އެވެ. މީގެ އިތުރުން މަދީނާ އަށް ޒިޔާރަތްކޮށް އިސްލާމީ ޤަދީމީ ތަންތަނަށް ޒިޔާރަތްކޮށް ތަޖްރިބާ ކޮށްފަ އެވެ. މިގޮތުން ރަޢުލާ ޒިޔާރަތްކޮށް، ގުބާ އާއި އަދި ޢުހުދު ހަނގުރާމަ ކުރެވުނު މައިދާނަށް ވަނީ އުމުރާވެރިން ޒިޔާރަތްކޮށްފަ އެވެ. މި ހުރިހާ ޒިޔާރަތެއްގައި ވެސް ޝައިހުންގެ ނަސޭހަތާއި އަދި އެ ސަރަޙައްދަކާއި ގުޅޭ ތާރީޙީ މަޢުލޫމާތު ދިނުން ކުރިއަށް ގެންދެވިފައިވެ އެވެ.
ފަރީ ގެ އިރުޝާދުގެ ދަށުން ދެ ޖިންސުގެ އެހީތެރިންގެ އަޅާލުމާއި ލޯތްބާއިއެކު، ޢުމްރާގެ އަޅުކަން އަދާކުރަމުންދާ ފަރާތްތަކުން ދަނީ، ދިވެހި ކައްކާއިންގެ ރަހަތަކަށް އިންސާފުކޮށް ހިތްހަމަޖެހުމާއި އެކު އަޅުކަމުގައި ގިނަ ވަގުތު ހޭދަކުރަމުންނެވެ. އަލަށް ޢުމްރާ ކުރާ ފަރާތްތަކަށްވެސް ދުރާލާ ރޭވިގެން އޮންލައިން ކްލާސް ތަކާއި ބައްދަލުވުންތަކުން ހޭލުންތެރި ކުރުވާ، ދިމާވެދާނެ ހުރިހާ ޚާލަތަކަށް ދުރާލާ ޢުމްރާވެރިން ތައްޔާރު ކުރެވިފައިކަން ފަރީ ޚައްޖު އެންޑް ޢުމްރާ ގްރޫޕްގެ އިސް ފަރާތްކަމުގައިވާ ފަރީ ފާހަގަ ކުރި އެވެ.
މި ވަގުތު މައްކާގައި ޚަރަކާތްތެރި ވަމުންދާ ހުރިހާ ޢުމްރާވެރިންގެ ޚާލުވެސް ﷲ ގެ އިރާދަފުޅާއި މިންވަރުފުޅުން ރަނގަޅު ކަމަށާއި ކުރިއަށްވެސް ގިނަ މަޢުލޫމާތު ލިބެނިވި ޚަރަކާތްތަކާއި ޒިޔާރަތްތައް ތާވަލު ކުރެވިފައިވާ ކަމަށް އެ ގްރޫފްގެ އޮފިޝަލުން މަޢުލޫމާތު ދެ އެވެ.
އެހެން އަހަރުތަކެކޭ އެއްފަދައިން މި އަހަރުވެސް ސްކޫލް ޗުއްޓީ ތަކާއި ދިމާވާނެހެން ގިނަ ޢުމްރާ ދަތުރުތަކެއް ވަނީ ތާވަލުކުރެވިފަ އެވެ. މިގޮތުން ޖޫން، ޖުލައި، ސެޕްޓެމްބަރ އަދި ޑިސެމްބަރ 2026 ގައި ޢުމްރާ ދަތުރުތައް ވަނީ ތާވަލުކުރެވިފަ އެވެ. ޢުމްރާގެ އަޅުކަމަށް ދިއުމަށް ގަސްދުކުރާ ފަރާތްތަކުންނާއި އިތުރު މަޢުލޫމާތު ބޭނުންވާ ފަރާތްތަކުން ފަރީ ޚައްޖު އެންޑް ޢުމްރާ ގްރޫޕްގެ ހޮޓްލައިން ނަމްބަރ 9110909 އަދި 9632514 އާއި ގުޅައިގެން މަޢުލޫމާތު ހޯދުމަށް އެ ފަރާތުން އެދެ އެވެ.
ރަޖިސްޓްރީ ވުމަށް ތިރީގައިމިވާ ލިންކް ބޭނުން ކުރެއްވޭނެ އެވެ.
