ރޯދަ މަހު 26 ބާވަތުގެ އަސާސީ ކާބޯތަކެތި އެސްޓީއޯ އިން ހެޔޮ އަގުގައި ލިބޭނެ ކަމަށް ބުނެފި

އެސްޓީއޯ އިން 26 ބާވަތުގެ އަސާސީ ކާބޯތަކެތި ރޯދަ މަހު އަގު ހެޔޮކޮށް ލިބޭނެ ކަމަށް އިކޮނޮމިކް މިނިސްޓްރީ އިން ބުނެފި އެވެ.

އެ މިނިސްޓްރީން އެކްސްގައި ކޮށްފައިވާ ޕޯސްޓެއްގައި ބުނެފައިވަނީ"އަސާސީ ކާބޯތަކެތީގެ ލިސްޓަށް 10 ސެޕްޓެންބަރު 2025 ގައި އިތުރުކުރެވުނު ބާވަތްތަކާއެކު، ހަނޑޫ، ހަކުރު އަދި ފުށް ހިމެނޭހެން އަސާސީ ކާބޯތަކެތީގެ 26 ބާވަތް އެސްޓީއޯގެ އައުޓްލެޓްތަކުން މި ރަމަޟާން މަހު ހެޔޮ އަގުގައި ލިބެން ހުންނާނެ،" ކަމަށެވެ.

Advertisement

އިކޮނޮމިކް މިނިސްޓްރީ އިން ވަނީ މި ތަކެތި ލިބެން ހުންނާނެ ތަންތަން ވެސް ހާމަ ކޮށްފަ އެވެ. އެ ގޮތުން މާލެ ސަރަހައްދުގައި އެސްޓީއޯ ޕީޕަލްސް ޗޮއިސް، އާއި ނޯތު ހާބަރުގައި ހުންނަ އެސްޓީއޯ ހޯލްސޭލް، އާއި އެސްޓީއޯ އިންޑަސްޓްރިއަލް ވިލެޖް އަދި އެސްޓީއޯ ވިލިމާލެ ފިހާރަ އިން މި ތަކެތި ހެޔޮ އަގުގައި ލިބޭނެ ކަމަށް ބުނެފައިވެ އެވެ.

ހަނޑޫ، ހަކުރު، ފުށުގެ އިތުރުން ސަރުކާރުން ބުނާ އަސާސީ ކާބޯތަކެތީގެ ބާވަތްތައް:

1. ދޮންކެޔޮ
2. އާފަލު
3. އޮރެންޖު
4. ލުނބޯ
5. ޖުމްހޫރީމޭވާ
6. އަނބު
7. ފަޅޯ
8. ކަރާ
9. މިރުސް
10. މޭބިސްކަދުރު
11. ރަތް ފިޔާ
12. އިނގުރު
13. ކެރެޓު
14. ބަށި
15. ކައްޓަލަ
16. ލޮނުމެދު
17. އަލުވި
18. ކެބެޖު
19. ބަރަބޯ
20. ބޯވެލި
21. ރީނދޫ މުގު
22. ކުކުޅު ބިސް
23. ކާށި

މާލޭގެ އިތުރުން އަތޮޅުތެރޭގައި ހުންނަ އެސްޓީއޯގެ ފިހާރަތަކުން މިތަކެތި ލިބެން ހުންނާނެކަމަށް އިކޮނޮމިކް މިނިސްޓްރީން ވަނީ ބުނެފަ އެވެ. ހުޅުމާލޭގެ އިތުރުން އަތޮޅުތަކުގައި އެސްޓީއޯގެ 12 ފިހާރަ ހުރެ އެވެ.