މި އަހަރު އިހްޔާ ފޯރަމް އޮންނާނީ ބޮޑު ތިލަދުއްމަތިން އިހަވަންދޫ ގައި އެކަނި

ރަމްޟާން މަހަށް ޚާއްޞަ ކޮށްގެން ކޮންމެ އަހަރަކުވެސް ސަރުކާރުން ބާއްވަމުން އަންނަ އިޙްޔާ ފޯރަމް ބޮޑު ތިލަދުއްމަތިން އޮންނާނީ ހަމަ އެކަނި ހއ. އިހަވަންދޫ ގައި ކަަމަށް ހާމަ ކޮށްފި އެވެ.

އިހަވަންދޫގެ ހިމެނޭހެން ރާއްޖޭގެ އެކި ކަންކޮޅުތަކުން 10 ރަށެއްގައި އިހްޔާ ފޯރަމް މިއަހަރު އޮންނާނެ ކަމަށް ވެސް އިސްލާމިކް މިނިސްޓްރީން ވަނީ ބުނެފަ އެވެ.

2022 ވަނަ އަހަރުން ފެށިގެން ކޮންމެ އަހަރަކުވެސް ރޯދަ މަހު އަތޮޅުތެރޭގައި ބާއްވަމުން އަންނަ ދީނީ ނަސޭހަތް ދިނުމުގެ މި އަހަރުގެ ފޯރަމްތައް ބާއްވަން ފަށަނީ، ފެބްރުއަރީ 20 ވަނަ ދުވަހުން ފެށިގެން މާޗް މަހުގެ 11 ވަަނަ ދުވަހުގެ ނިޔަލަށެވެ.

އިސްލާމިކް މިނިސްޓްރީ އާ ހަވާލާދީ ސަރުކާރުގެ މީޑިއާ ޕީއެސްއެމް އިން ބުނެފައިވަނީ، މި އަހަރުގެ އިޙްޔާ ފޯރަމްތައް ބާއްވާނެ ރަށްތައް ފައިނަލްކޮށްފައިވަނީ، އެކަމަށް އެދި ރަށްރަށުގެ ކައުންސިލްތަކުން ހުށަހަޅާފައިވާ ޕްރޮޕޯސަލްތަކަށް ބަލައި، ފޯރަމް ބޭއްވުމުގެ އިންތިޒާމްތައް ކޮށްފައިވާ ގޮތައް ބަލައިގެން ކަމުގައެވެ.

މި އަހަރުގެ ފޯރަމް ފެށޭނީ ފެބްރުއަރީ މަހުގެ 20 ވަނަ ދުވަހު ތ. ދިޔަމިލިންނެވެ. އަދި އެންމެ ފަހު ސެޝަން އޮންނާނީ މާޗް މަހުގެ 11 ވަނަ ދުވަހު ރ. މީދޫ ގަ އެވެ.

އިޙްޔާ ފޯރަމް ބާއްވާ ރަށްތަކާއި ދުވަސް

1. ތ. ދިޔަމިގިލި: 20 ފެބްރުއަރީ
2. ތިނަދޫ ސިޓީ: 23 ފެބްރުއަރީ
3. ގދ. މަޑަވެލި: 24 ފެބްރުއަރީ
4. ގދ. ގައްދޫ: 25 ފެބްރުއަރީ
5. ހއ. އިހަވަންދޫ: 27 ފެބްރުއަރީ
6. ޅ. ނައިފަރު : 3 މާރިޗު
7. ކ. ހިންމަފުށި: 4 މާޗް
8. ކ. ގުރައިދޫ: 6 މާޗް
9. ލ. މާވަށް: 9 މާޗް
10. ރ. މީދޫ: 11 މާޗް

ސަރުކާރުން ދީނީ ނަސޭހަތް ދިނުމުގެ ޕްރޮގްރާމްތައް ހިންގުމަށް ބައެއް ރަށްރަށް ކަނޑައެޅި ނަމަވެސް ރަށްރަށުގެ ކައުންސިލުތަކުން ގެންދަނީ އެ ރަށްރަށުގައި ރޯދަ މަހަށް ޚާއްސަ ކޮށް ދީނީ ނަސޭހަތް ދިނުމުގެ ޕްރޮގްރާމްތައް އިންތިޒާމު ކުރަމުންނެވެ.

ރަށްރަށުގެ އިތުރުން މާލޭގައި 8 އިޙްޔާ ފޯރަމް ބޭއްވުމަށް ވަނީ ހަމަޖެހިފައެވެ.